والله انا زيك يا اختي ولدي عصبي مررررررررررره وعمره 3 سنوات و 8 شهور تقريبا بس كل شي عنده بالضرب حتى لما نروح محل او شي يبي هو بس يتفرج عالالعاب واذا احد من الاطفال جا جنبه على طول يضربه وكل شي عنده بالضرب والتعصيب ومايحب يلعب مع احد وزياده هو مايتكلم زين يعصب اكثر مادري شسوي ياليت اذا في مختصه تفيدنا او اي اخت كان عندها نفس المشكله تساعدنا

شوفى انت لازم تكونى صارمه معه فى البيت ... لأن بره البيت ما حتقدرى الا اذا فى بيت اهلك ... مثلا اذا طلب شئ فى البيت و انت رافضه هذا الشئ راح يبكى ... اتركيه يبكى روحى انت مكان ثانى ... اذالحقك ... ارفعى صوتك بحزم مو صراخ لا تكلمنى و انت تبكى ... راح يبكى اكثر ... قةلى له ما راح ارد عليك الا اذا بطات بكى و اتركيه يصيح ... لا تهتمى و لا تقولين شئ اكثر هو راح يتعب و يسكت من حاله ... ممكن يعصب و يضربك ... ابعديه بحزم مو ضرب القصد انه يحس انك اقوى منه و انك اذا بغيت راح تضربيه بس مو ضرورى تضربيه ... الطفل عاده لما يحس ان اللى قدامه اقوى يهدى لأنه يحس بالخطر... بعد ما يهدى كلميه بهدوء و بحب و شوفى ايش بغى اذا بحدود المعقول اعطيه اذا لا فهميه ليش لا ... ما شاء الله كبير ...
قدام الناس اذا ضربك .... لا تهتمى فيه و كان شئ لم يكن ... ما اظن بيتم يضربك طول الجلسه صح ... اذا رجعتى البيت كلميه و ازعلى منه لأنه اخطأ ... و خله يعتذر ... التطنيش احيانا مفيد بس مين يتحمل اظن لأنه ولدك الوحيد ممشى كلامه عليكم و هذا غلط ... حتى ابوه رزم يكون حازم و الا فقد احترام و هيبه الأب بالنسبه له.... و الله يعينك

الله يجزاكم خير بحاول ان شا الله

ابقص لك قصتي كتبتها ذاك اليوم وانحذفت الحين لازم اقصها انا عندي بنت بنفس عمر بنتك وكنت اروح لاهلي كل يوم غصب علي لان فيه ظروف وكانت بنتي عصبية وتتصرف تصرفات اعظم من ولدك مع انه عندها اخو يعني مو وحيده وانا اعقبها بس قمت فتحت عيوني زين وراقبت الوضع لقيت بنتي الكل يتحكم فيها اخواتي يقولون لها لا ايه وامي تربيها وجدتي واخواني معاد تدري من المسئول كثرت عليها القنوات واخوها عمره سنة ونصف بس اهلي يموتون فيه ومدللينه مره ودك تشوفيني اذا رحت السوق واح رامي نفسه على الارض والثاني يضرب فيني
بعد فترة بعدت عن اهلي صرت ماروح لهم الا كل اسبوعين وطول الوقت مع اولادي حتى اهلي لاحظوا الفرق صارت بنتي تستاذن اذا بغت شئ وتتكلم بادب مع الاغلبية واذا اخذ احد منها شئ تناقشه والا تشتكي منه لي وكثير غيره مع استمرار بعض التصرفا الشينه واخذتهم السوق والله ماتقولين نفس العائلة وصرت اقلل طلعاتي وطلعاتهم عموما وصاروا يحسون باستقرار اكثر صح يملون بس ملل وصلاح ولا وناسة وفساد
وبعدين اكتشفت السبب لاني قريت في كتاب تحفة الودود في احكام المولود ان كثرة مخالطة الطفل الصغير للناس تفسده ولقيت عالم يوافقني الراي فيمكن انت دائما ولدك عند اهلك ويا هم مدللينه ياهم يركزون عليه وهذي الحالتين ماتطلع الا من حبهم له وكونهم يبغونه احسنواحد بس مهما كان مافيه مثل الام انتي شوفي وين الخطاء وحاولي تعدلينه