والله معاك في هذا المشرووووع المربح وبصراحة عرض علي أخوي ابدأ فيه لكثرة الطارقين للباب والهاتف <<<< من جد ازعجوني فوق الطاقة وفوق المعقول الظاهر لو أمي تسكت الله يجزاها خير كان خلوني فندق يباتون ويصبحون ويمسون عندي صحيح ما احب ارد احد وخاصة إذا انا عارفة بس من جد بعضهم يمصخها بزيادة ولا يدفع ولا ربع ريال

الله يوفقك أختي ويرزقك

وننتظر افكار البنات

عزيزاتي كل شي يبيلة راس مال انا احب الخياطة واسوي اطقمة سرير حلوة وملابس للمولود يعني طقم كامل بس المشكلة في راس المال اولا وانة احد يشتري منك ثانيا

ماشاء الله موضوعك حلو ياقلبي

وانا اشوف من ناحية الخياطه وراس المال
لما تسوين لك مفرش او مفرشين وتعرضينها على الناس
واللي بيبي يدفع لك عربون او نصف المبلغ اللي تشوفينه يستحق شغلك
وتشترين به الاغراض اللي تحتاجينها للمفرش مثلا ولما تخلصين تاخذين باقي المبلغ
وبكذا تفكين عن نفسك الازمه وفي نفس الوقت ما تطيح البضاعه في كبدك :)
وتجمعين لك مبلغ بسيط
ومبلغ فوق مبلغ تجمعين لك ارباح وتكونين مشهورة وتجي عليك الطلبات بالهبل ان شاء الله

ومن ضمن المشاريع اللي اشوف انها حلو وعليها اقبال تخصص التجميل
عليه اقبال مو طبيعي خاصة اذا كانت البنت تعرف لأساسيات المكياج والشعر
وعندها ابداع وموهبه خلاص ان شاء الله تشتهر ويكون عليها اقبال

موفقات حبيباتي وتذكروا اكل العنب حبه حبه :)

الله يوفقك وكل البنات

دخلت موضوعك عشان هالجمله اللي كان ابوي كل صباح يقولها لنا واحنا نايمين بصوت عاااالي عشان يصحينا خصوصا ايام الاختبارات
( ويالله على بابك وما خاب طلابك )
الله يرحم ابوووي يارب والله بكيتيني

الله يرحم ابوك ويغفر له ويوسع قبره وينوره بعمله الصالح يارب وجميع اموات المسلمين

ونبغى تفاعل اكثر واكثر ونشاطات مختلفة وافكار جديدة