من وين تشترونها ساعدوني

شوفي انا بكرية ، اشتريت الملابس الداخلية و البيجامات حقت البيت من شبرا و الهرم ،،، اما كم لبس انيق و حقت خروجها من المستشفى من سنتر بوينت ،،، اما السرير و الدولاب من ايكيا ،،، و لا تكتري لانهم يكبرو بسرعة ،

بما انك بكريه اشتري كل الاغراض من سنتر بوينت رزه ومطقمه واهم شي قطنها مريح لاطفال
وفي النهايه لو كبر النونو بسرعه خذي الملابس وطبقيها وارفعيها للنونو اللي بعدو ماتروح خساره

والله ياحبيبتي يعتمد على ميزانيتج للملابس اذا تسمح خذي لج من مذركير بس لاتكثرين انا عن نفسي خذيت منه لبنتي الاوفراول اللي يجي ثلاثة مع بعض سعرهم 150 بس وقت التخفيضات ممكن ينزل الى 75 اخذت ثلاث طقوم بس وكل يوم البسها لبس واحد بس وممكن تاخذين بدلتين حق لوجوج ضيوف انا كنت البسها من اللي شريتهم لانها بمهادها فمارح يبين بالنسبة للبربتوزات تبع مذركير وسنتر بوينت نفس الخامة , والاشياء الثانية خذيها من أي مكان ماتفرق كلهم نفس بعض
الهرم مادري عن خامته بس مرة وحده جربت اشتري من محل رخيص اوفراول الله لايوريج من اول غسله اعتفس وشكله كنه من سنيين معاي.

حلو الهرم ومبارك والبلاد انا اخذ منهم ثلاث شهور الاولى وسنتربوينت اغلى منهم والبيبي بسرعه يكبر يعني مارح تستفيدي من الملابس كثير

بعد عندك سيتي ماكس ورد تاغ حلوه