السلام عليكم ورحمة الله وبركاته
اسمحوا لي ان اشاركم ..
الصراحة جدول الضرب من اسوء المشاكل التي يواجهاالطلاب في المرحلة
الابتدائية لانه حاجة جديدة عليهم وللاسف الغالبية العظمى تريد ابنائها
يحفظونه عن طريق الحفظ لا الفهم وهذا من اكبر الاغلاط ، لانه مهما
كرره لايستطيع ان يستوعبه لان الاعداد متشابهه ومتكرره
مثلاً 2×4 ممكن يجاوبها لكن لوقلتوا له 4×2 .. انتوا عارفين
ايش حيقول .. ماما هذا جدول الاربعة ما اخذته مع الاستاذ .
طيب الناتج نفسه هو 8 لكن متعودين على الحفظ . ممكن البعض
يخالفني ويقول بالعكس ابني حفظها ما شاء الله وما عنده اي مشكله ..
اقول .. ممكن يحفظها وتكون ذاكرته قويه لكن في السنة الدراسية
اللي بعدها حيرجع في نفس المشكلة ويقول ماني حافظ الجدول
وممكن يكره المدرسة بسبب هذا الجدول .. وكمان هل مستوى
ذاكرة الطلاب زي بعض ..؟ ابداً لابد ان يكون هناك تفاوت .
ولكن طريقة الفهم افضل
مثلاً : ان الاعداد ضرب واحد زي ماهي ياشاطر خلاص.. طيب حبيبي
يعني واحد في واحد يساوي واحد اثنين في واحد يساوي اثنين
وهلم جراً .. يعني يا بابا لما تسمع اي عدد يضرب في واحد هو نفس العدد
اللي قلته لك .. حتى لو انت في واحد هو انت .. خلاص اتفقنا .
جدول الاثنين دائماً سهل وهذي المرة تحتاجوا لورقة وقلم
2×2 هي تساوي 2+2 يعني ناخذ الرقم ونكرره على حسب الرقم
المطلوب 2×3 يعني ياشاطر الاثنين نكررها كم مرة ثلاث مرات
وكمان تستخدموا العد بواسطة اليدين ومعاها الرجلين حتى يفهم
بعد كيذا قولوا له خلاص من يدينك ورجلينك .
بعدين انتقلوا لجدول اربعة ونفس الطريقة يكون سهل لانه ضعف الاثنين
هذا اذا كان فاهم اما اذا كان حافظ بدون فهم بيقول ماما وين جدول
الثلاثة !!!!!!!!!!
بعد كيذا تروحوا على جدول الخمسة وهذي اسهل شي لانه في كل مرة
اضف يد ياشاطر بعد كيذا حيضيف يداته من تلقاء نفسه .
بعدين ترجعوا على الثلاثة اعقد شي وتشتغلوا معاهم بنفس الطريقه
ويكون فهم وحفظ اغلبها مثل الثلاثة المضروبه في الواحد والاثنين
والاربعة وكذلك الخمسة والبقية تشتغلوا معاهم بنفس الطريقة .
والاهم من ذلك ان تطولوا بالكم عليهم شوية ، بعدين تحطوا في بالكم
انه جدول الضرب مو سهل وانه في طلبه في الثانوية والمتوسطة
واحياناً في الجامعة يغلطوا فيه ، ولابد من التكرار في جميع الاوقات
بطريقة الفهم بعد كيذا .. يجي يعمل عليكم استاذ في البيت .

والله سبحانة وتعالى يوفقهم ان شاء الله ويصبركم عليهم
وارجوا اني افدتكم .
وتقبلوا تحيات اخوكم فيصل :32:

هذي مشكله عانيت منها

كثير كثير..

اللي علمني جدول الضرب ..
زوج اختي..
وكان انسان همجي..
استخدم اسلوب العنف معاي..
في يوم واحد حفظني اياه..
حتى يمكن في ساعتين او ثلاث..
جالس ومعاه العقال..
وعمري 8 سنوات..
وبالقوه الا احفظه..
وامي تقول خلاص بعدين..
وهو يقول لا انا اعلمها..
والله لايوريك..
ما اطيق شي اسمه جدول الضرب..
بس اني حافظته..
وماحفظته الا لمن كبرت وبمزاجي..
قدام زوج اختي حفظته بدون ما افهم..
لكن بعدين حفظته بفهم..

يعني الخلاصه..
بالهداوه..لين مايحفظ..
طفلك.. ورغبيه بالهدايا وشجعيه قدام الاهل
انه ماشاء الله حافظ وشطور..

وطولت..
بس ما ابغى اللي صار لي يصير لغيري..

الاخ فيصل اشكرك على الشرح التفصيلي لحل هذه المشكلة و انا متاكدة انك افدت كل من اتطلع على الموضوع... جزاك الله خيرا...
اختي غدي ...الحمد لله انك تمكنت من التغلب على هذه الذكرى السيئة .ولم تمر ابنتي بنفس الماساة ..فانا اكبت شعوري الحقيقي واعمل على التعامل معها بكل هدوء... شكرا لاهتمامك..