اختي الحبيبة هوني على نفسك واحمدي ربك ....لو بس تعرفين ان جماعتنا حددو المهر بخمسةوعشرين الف والباقي الله يعين الاهل على تكميلة واحنا بعد الاواني حقت المطبخ على الام

بس صدقيني مايهم ولا زعلنا لان اغلب الشباب هالايام رواتبهم على قد الحال
وترا يابنات كثير بنات فساتينهم من عند مصممين والله العضيم انهم الحين يبيعونها
ب2000ريال كااااامل

لا تشتري ملابس كثيرة هاذي نصيحتي لكي لانو اغلب البنات يتغير جسمها بعد الزوج
نصحيتي احتفظي بعشرالاف والباقي كملي بيه اغراضك وفستان الفرح كل ماكان رايق كل ماكان احلى
والله يوفق الجميع

يا اختي اول شي لا اتفكرين بـأي شي غالي لا الماس ولا ذهب من الغالي لانه ارخص طقم الماس يباله 30000 يعني شو بيتم لج بعدين؟؟؟ شوفي حبيبتي انتي خذي بس الاشياء الاساسية مثل قمصان النوم وبدل الطلعه وكم طقم عبايه كشخه وطبعا الفستان بيكون بالاجار لانج ما بتقدرين على التفصيل بس الصراحه لازم اهلج يساعدونج في المستلزمات الاساسية والباقي خليه على زوج المستقبل بعد العرس :) ومثل ما قلتي اقلهن مهرا اكثرهن بركه والله بيوفقج انشالله

السلام عليكم..

أختي انت من اي إماره..
لأن الأسعار تفرق..

أخت تنيل ما قصرت قالت اسامي محلات.. بس ترى أيوب غالي.. نفس البضاعه ارخص في مركز منال في دبي..

بس اسمعي نصايح الأخوات.. لا تشترين ملابس وايد..
اهم شي الفستان..
و الذهب.. و قمصان النوم..
و بعدين الأشياء الثانيه..

و ترى كل وحده على اسلوب حياتها..
يعني شوفي .. اذا انت تطلعن وايد.. تبغين اكثر من طقم عبايه..
و اذا لا .. تحتاجين عبايتين مرتبات حق طلعه.. و عباية مناسبات.. و شيل العدد الي تشوفينه..
و اذا انت من النوع الي عندهم مناسبات و عزايم .. فصلي فساتين..
بس ماله داعي اذا انت ما تحسين انك تحتاجينهم.. على الأقل 3 هادين..

اهم شي انك ما تشترين اكثر من اللزوم.. كل شي تقدرين تشترينه بعدين..
و لا تسمعين كلام الناس الي يقولون..
لازم طقمين ذهب و ساعه على الأقل..
لازم على الأقل 15 مخوره..
لازم العبايه و الشيله طقم..
لازم اكثر عن 5 مغربيات..
لازم كل بدله و ياها شنطتها و نعالها..
لازم و لازم و لازم..

ترى ما في شي لازم .. جهاز العروس الها هي و هي تعرف شو تحتاج..

و لا يكلف الله نفسا الإ و سعها..

انت بس قولي من اي إماره.. و ان شاء الأخوات ما يقصرون..
و في اشياء وايد.. حلوه و سعرها حلو..

انت ما قلتي متى عرسك..
اذا بعده وقت.. انتظري التنزيلات.. و اشتري قمصان النوم من نعومي في التنزيلات.. و ملابس البيت بعد من التنزيلات ...ترى هاي ما فيها موضه.. يعني من بيشوفهم عليج؟؟؟؟

ادري طولت.. بس و الله لأني يوم كنت اجهز سمعت كلام الي قالوا ... لازم و لازم.. و شريت اشياء ما استفدت منها و غاليه بعد..
ان شاء الله بس اكون ساعدتك في شي..

السلام عليكم ..

شحالج أختي ؟

الاخوات كفوا وفوا

عندج صناعية عيمان طبعاً في عيمان
سوق السور للأقمشة في الشارجة
المكياج انصحج تاخذيه من باريس جاليري ومن مكياجي

وأقلهن مهراً أكثرهن بركة ... والله يوفقج