اول ماقريت العنوان قلت والله حراام 30 الف للكل شي ملابس وذهب وانا اقول في نفسي انا مهري 200 الف 100 الف للذهب و 100 الف للملابس واقول مايكفيني ومتضايجه
لكن يوم قريت الموضوعج وقريت نصايح البنات استفدت

الله يعيينج سيده ملعقه
وتسلموون يا بنات على نصايح

بناء على رغبة الأخت برجيس راح أكتب لك قائمة شلون نجهز في البحرين علما أن مهري ألف دينار وأنا أجهز حاليا حق عرسي:
1عباءة
3 شيلات أو 4
3 أطقم ملابس خروج
3 جلابيات راقية
5 ملابس بيت خفيفة وهذا بس أحاوا أكثر منها لأني بعدين بجلس في البيت فترة طويلة
ا طقم عطر أو أثنين و1 عطر بدون طقم
2 بدلة سهرة
3 عطور جسم و3 كريمات جسم
1 طقم شورلحمام (اكرمكم الله)
1طقم روب
مكياج 2 بلاشر 1 طقم ظل 2 كحل قلم 1 كحل سائل 1 بودرة 1 كريم أساس ما عدا الروجات أكثر منها والغلوسات بس بشكل معقول.. ....الخ
والفستان ليلة الزواج نأخذ أجر أو خياط وأكثر شي أجر لأنة حرام يظل في الخزانة والاجر ما 100 دينار الى 200 دينار أما الخياط يكلف أكثر تقريبا 300 دينار يعني 3000 ريال
ومصاريف الصالون كل وحدة تخي لها ميزانية على حسب رغبتة من حمام مغربي وتنظيف وجة وبديكير وكل ما راح يكلف 170 دينار
بالاضافة أني أخلي مبالغ معين حق الطورائ يعني لو أحتاج فلوس أو أي شي أخذ منه

أتمنى أني كتبت كل الأشياء وأحب أقول أن في عندنا بنات يأخذون مبالغ أقل من 10000 ريال ( رغم أنهم بنات ذوات مستوى من الثقافة والعلم والجمال )والله سبحانه يبارك في المهر وبعدين خذوا زوجات الرسول قدوة في هذا الجانب ولو رجعتي الى السنة والأحاديث النبوية سترين أن المهور القليلة أفضل من المهور الكثيروأتمنى من الأخت الذي طرحت الموضوع أن تستفيد من القائمة

اشكر كل من رد علي وإنشاء الله الكل يستفيد

هلا عزيزتي .. أول شي سوي لسته ,, ونصيحه لا تروحين تشترين شنط عشان تحطين
أغراضج فيهن بعدين بتتوهقين فيهن .. خذي شنطتين بس عشان تستخدمينهم بعدين

أنا عن نفسي (تفكير اقتصادي) .. خذيت كل الشنط اللي في البيت (شنطة أمي، شنطتي القديمه
شنط أخواني) وحطيت أغراضي فيهم حالياً لين احدد انا فعلياً كم شنطة أحتاج عشان استخدمهم بعدين!..

وشي ثاني انا تجهزت وباقي لي اشياء مثل الذهب والفستان والعبايا عطور مكياج
أجلتهم لبعدين كلللللللللهم .. وشريت بالفلوس الباقية أسهم، استثمرتهم وببيع الأسهم
قبل لا ينزلون البورصه (يعني السهم بدرهم) ما ينباع بأقل من ثلاث دراهم .. طبعاً النظام
اليديد اللي طايحه فيه الشركات انج تدفعين 25500 ويعطونج بس ألفين سهم بعد خير
وبركة .. بس نصييييييحتي لج اذا ما تعرفين في الأسهم اسألي .. وأرجع أأكد الأسهم
تاخذ وقت يعني لو باقي عن عرسج شهرين ثلاثه دشي,, أقرب مالج مجال لاتتوهقين

وطبعاً يرجعون لج فلوسج بعد شهر من الاكتتاب اسألي وتمعني ويمكن تستفيدين