مرحبتين كبار اختي
مهرج هذا مع الشبكه ولا من غير الشبكه
وهو منه بتفصيل بدله عرسك ولا؟؟
علشان اقدر اساعدك اكثر

لا مهري شامل كل شي

الله يعينج صج ما يكفي
شوفي نصيحه بدلع عرسك لا تفصلينها حرام
اجريها احسن لك وارخص بحدود 500 دينار
وشبكتج اخذيها الماس بحدود 2000 دينار والدبله اخذيها الماس مع الشبكه بحدود 500
يبقى 1000
200 دينار قطيهم على الملابس الدخليه والقمصان النوم واخذيهم من دبنهامز وماركس سبنسر وومين سيكريت اللي في المهلب
200 دينار اخذي فيها شنطه غوتشي وعلى ما اعتقد ان في شهر مايو بيسوي تنزيلات يعني صبري لا تستعجلين
200 دينار اخذي فيها شحاطات وجناط ملونه الحين الموضه الشنط الملونه وخصوصا الذهبي والفضي ويكونون كبار وفيهم شك وكريستال هذول انا شايفتهم في المهلب تحت من صوب القهاوي
والباقي اخذي فيه عطور وبدل
اذا تبين بدل حلوه وعمليه ورخيصه اخذي من زارا روحي المرينا فيه اشياء وايد حلوه

ولا تشترين ذهب وما ادري شنوو
عندك شبكتك لبسيها

وبعدين انتي اكيد بتجيك هدايا ذهب وفلوس

صح نسيت كفر السرير انتي بتشترينه ولا هم اللي بيشترونه؟؟؟؟؟؟؟

ما يشترون شي


كل شي علي

حتى فراش السرير و الابجورات

ما انصحج بالشبكة الالماس تره تضيع فلوسج عند البيع خليها ذهب مع زركون وايد احلى
بدل ما تروح فلوسج على فصين الماس ب آلاف تره 1000 دينار تشترين فيها شبكة ربع كيلو ذهب عيار 21
ومثل ما قالت الاخت (الجوا) أجري فستان بس اكو بحدود 250
والمكياج والتسريحة احلى شي مكياج فندق كونتانينتال او اي مكان تحبين بس لاتقولين انج عروسه لان مكياجهم اساسا ثقيل يطلع عليج بدل 200 مكياج وتسريحه مايزيد عن 50
بالنسبة للأثاث ماشاء الله الضجيج فيه كل شي ومو غالي
اهم شي انج ما تقطي فلوس على اشياء مالها داعي وتكون غالية على الفاضي الماركات الحين ماقامت تفرق عن التقليد تلاقين اللي شايله ماركة ماتبين من التقليد
وكل واحد وتخطيطه وذوقه