السلام عليكم ورحمه الله وبركاته
ملابس النوم :-اشتريعا من الجميع اللي في المباركية اذا سوي تنزيلات انا شريت قميص نوم من عند الطاهر 45دينار ولقيتها عند الجميع 19 دينار حتي الاطقم الداخلية لا تطوفك والبيجامات دبنهامز امسوي تنزيلات لا تطوفك
ملابس خاصة لك :-لاند مارك لا تطوفك البديات والبناطيل والشورتات والبجامات الرياضية بس لا تشترين الا بالتنزيلات
البدل :- تري الحين وقت تنزيلات في السوق عاد هذا انت وذوقك
الدراعات الفخمة وبدل الاستقبال :- انتبهي لازم اتاكدين من اهل زوجك اذا كانو واجد اكيد راح يعزمونك فلازم يكون عندك شغلات حلوة وفخمة ممكن تفرين علي المشاغل الغالية تاخذين افكار او حتي من الكاتلوجات وتخيطين والخام والاكسسوارات لا تنسين البلوكات الثاني بالذات نفعني حيل يوم عرسي ( علي فكرة عندي دراريع وبدل فخمة وغالية اذا تبين ممكن ابيعهم لك راسليني علي الخاص )
الاحذية :- شوفي لازم تاخذين لك اسود وفضي وذهبي يكون سعرهم غالي بس ميخالف لانهم الوان اساسية والباقي عندك برنس والدو وشوبوكس وارجع واقول وقت التنزيلات احسن الصفقات لك

المكياج :- في سوق في المباركية هو سرداب تحت سوق البشوت تلقين كل اللي تبين صبغ اظافر ومحددات وروج وفرش مكياج وادوات بدكير ومنكير كل شي وسعرة واللة بلاش وعلي فكرة حتي الاكسسوارات اللي تنباع عند نوران وشيك وتشويس وحفار عندهم وارخص بحيل
العطور :- لازم تكون اصلية ميخالف غالية بس ضروري الريحة تكون ثابتة
بدلة العرس :- الدزة في السالمية بدلة عرسي من عندهم بس كانت لبسة ثانية 950دينار بس انت ممكن تلقين بدل ارخص ويفضل تسالينهم مين اللي لبسها قبلك علشان ماتنحرجين
المسكة :- اجريها من وحدة مسويتها غالية ممكن اتاجرينها 30 دينار
الذهب :- غالي الحين زاذا خاطرك بالماس اشتري ذهب ابيض ولا احد داري اذا الماس او لا واذا بخاطرك ساعة ماركة انا اعرف محل يجيب لك ساعة ماركة وبنص القيمة بعد وجديدة

البجامات اخذيها من السالميه الي فيه سيتي سنتر وفيه المعلم بجامات لطيفه
ملابس البيت نفس الشي موجوده بالسالميه هذي شغلاتهم حلوه ورخيصه
واذا تبين تسويين عرس قوليلي وانا ادلج على نفانيف حلوه ورخيصه
وباي

بقولج عن البدلات الحين اغلب المحلات تنزيلات روحي سوق شرق اختاري بس لا تكثرين منهم

الشنط في محل شنطه حلوه تلاقينه بمجمع منيره مقابل ماركس سبنسر اسمه لوزان اخذي وشنطه كله على 7 دنانير اخذي لج الالوان الاساسيه الاسود والابيض يعني 2 اسود وواحد ابيض وشوفي لج شنطتين فيهم نقشه
وافتري برا عند محلات الاحذيه تلاقين هم جواتي ونعول حلوه
وطلعي برا تلاقين الحوش يمه كله جواتي وجناط
وفي بعد الحوش الثاني عند الهنود عندهم ملافع تهبل ورخاص لا تاخذين من محلات ملافع عند الهنود نفسهم وارخص

في محل بالفنار تحت عند محل فالنتينو عنه بدلات حلوه وخامات البدلات حلوه بعد اختاري لج اللي تبين

بس اقولج اخذي لج تنورتين اسود وتنوره بيضه وتنوره جينز وهم تنورتين فيها نقشات
وركبي عليهم بديات مختلفه
يعني مو شرط تاخذين لج بدلات كامله
فهمتي علي

العطور اكيد تاخذين لج اصليه

والمكياج اخذي لج اهم شي كريم الاساس اصلي من ماركه معروفه مادري ليش ما احب التقليد انا عاد انتي وكيفج
والشدوهات اخذي لج من نيبو علبه كبيره فيها كل الالوان وتقريبا على 5 دنانير او اقل
والحمر من مبروك او ماركه اسمها ليدي
والغلوسات مري على بدي شوب حلوين مع فرشهم
والكحل اخذي لج من برجوا

وبس هذا اللي اعرفه واسفه على القصور