الله يرزقك بولد الحلال الي يسعدك ويفرحك ويارب ترزق كل محرم من الشي الي يتمناه ومشكورين احبكم😢أنتم خواتي الي احبهم لان ماعندي خوات الله يسعدكم من كل قلبي ويسخر لكم كل الي تتمنونه ويرزقكم من غير ما تدرون

الله يوفقك
مثل ما قالوا الاخوات اكتبي كل مستلزماتك الضروريه ولا تكثري اغراض

انا كنت مثلك ماعندي خوات ومهري خمسين الف فااقولك نصايح من خلال تجربتي
اول شي تعملينه تجيبين ورقه وقلم وتكتبين كل شي تحتاجينه من الكبير لااصغر شي حتى المشط
وبعدها تبدين تقسمين الضروريات والاشياء المهمه اول شي
منها فستان العرس روحي لااسواق مكه بالرياض وشوفي الاسعار وحددي فستانك وبنفس الوقت احجزي المصوره موجود بنفس المكان
تقريبا بيكلفك الفستان 3000 واحسبي الجزمه مع اكسسوار يوم العرس والمصوره بحدود ال3000 و 500
والمكياج اختاري المشغل واعرفي اسعاره
هذي عشر الاف راحت منك بس هالشغلات هذي
يبقى عندك الكوشه بحدود 2000 وشريط الزفه والحف او الليزر والنقش
وهديه لزوجك بالصباحيه
كل هذي تجهيزات يوم العرس بس
بتكلفك حول ال15 الف يبقى عندك خمس الاف وش تسوين فيها ؟
فلازم تقللين تقسيمك للذهب واشتري اطقم ناعمه تلبسينها بكل وقت لما تزورين اهله وبالعزايم لان حلات العروس بالذهب
ومايحتاج تشترين اطقم كبيره وماتلبسينها ...
باقي الجهاز ابدي بملابس الطلعات لاتكثرين كم طقم مرتب يمضيك كم طلعه وبعدها تنزلين للسوق وتشترين
الشنط ثلاث شناط كفايه باالوان اساسيه وماركه
الجزم نفس الشي ماركه والوان اساسيه
يبقى عندك ملابس البيت حتى لو كثرتي منها ماتحسفين لانك بتكدينها ولاتشترين الغالي وقمصان النوم كثري
ونوعي بالالوان وبين الطويل والقصير
الاهم يكون حلو على جسمك لان الرجال مايعرف كم سعره لاتشترين من نعومي والمحلات الغاليه الا قميصين او ثلاث فيهم حركه مميزه وتلبسينهم للمناسبات الخاصه بينك وبين زوجك
كثري من الاطقم الداخليه اشكال والوان حلوه
..
والان يبقى لك المكياج والعطور اربع عطور كفايه وبخور للبيت ولك انتي
والمسك
..
وخلاص هذي الاشياء اللي بتكلف ولازم تحسبيلها حساب
عشرين الف ماتوفي معك حتى لو صغطتي على حالك مره
قللي من الذهب والله يوفقك يارب ويسعدك

حبيبتي اكتبي بقوقل الصور جدول تجهيز العروس بيطلعلك باول شئ جداول مفصله لكل شئ لو تقدري تطبيعيها يكون احسن وتكتبي تعليقاتك واسعارها كذا بترتبي افكارك وتحطي x قدام كل غرض تخلصي منه...قريبتي مسويه كذا ومرتاحه كثير

ليتني بالرياض كان مالك الا اللي يوديك السوق ويخلص لك لكم زوجي جاه انتداب سنه 😭😭😭
اللحين برسلك خاص