مهمومه فرجو عني الله يفرج عنكم

السلام عليكم ورحمة الله وبركاته
بنات انا عندي ولد عمره تقريبا 4 سنوات مايتكلم حتى بابا وماما اللي كان يقولها وهو بسن اصغر الحين ماعاد يقولها مررره يحب يجلس لحاله مايحب يلعب مع احد اخوانه يلعبونه يضحك معهم شوي ويرجع نفس وضعه لحاله مايهتم للالعاب ويحب قناة طيور الجنه مايمل منها مع اني اكرهها بس جربت قنوات ثانيه للاطفال مايتابعها حتى عالجوال اذا سمعها فيه يتابع ويهدا معها فيه حاجات غريبه يسويها مثلا يحب يلقط الاشياء الطويله ويطالع فيها بتركيز مثلا اذا شاف قلم بجيب ابوه او جيب اي احد مار الا ياخذه ويصيح الين نعطيه قلم ويجلس يتامله ومثلا اعطيه عصير مصاص بيده يسحب المصاصه ويلعب فيها ويرمي العصير او الملاعق يحب يمسكها بيده ومايفهم ولايستوعب اللي يكلمه ولايطالع له ولما نناديه بصعوبه يطالع لنا مع انه يسمع ومرا تجيه نوبات ضحك بالذات اذا كان منسدح ويرضع زي اللي تذكر شي وضحكه يجلس يضحك كثير ومرات وقت النوم يبغا يلعب ويصارخ اقله اص نام اسدحه مافي فايده مو فاهم بنات ادري طولت عليكم ريحوني تكفون هذي اعراض توحد ولا لا وربي شكي زاد وخايفه مره مع العلم ان تاخير النطق مو خايفه منه لان اخوانه الثلاثه قبله كلهم كذا كانو وبعدين اول مادخلو الروضه انطلق لسانهم الحين ايش اسوي واي دكتور اروح انا بالرياض وكيف اتعامل معاه وهل يشفى منه