المشكلة انه يتذكر اخطائي ويلومني بشكل مستمر مهما تحسنت وسويت هو ماهو رلضي الا يذكر الاخطاء فقط

لما يذكر الأخطاء الي حصلت بالماضي ولامك الي قلتيه بساعة غضب لا ترجعين تبررين وتفسرين دوافعك من وراء كلام له سنتين وثلاثة وبكل بساطة إذا فتح الماضي قوليله ما حرد عليك على اعتبار ابليس قاعد يوسوسلك قولي يا إبليس أنا الحين أموري تمام الحمد لله مع زوجي خسئت تفرق بينا الله يلعنك.
وداومي على قراءة سورة البقرة في البيت لأن الشيطان أعوذ بالله منه لما يشوف المسلم فرحان وسعيد وأموره بدأت تتصلح يبدأ ينكد عليه وما فيه أسهل عليه من الوسوسة وترى حتى أنتِ قاعد يوسوسلك لما تقولين عندي عادي أتطلق أو يخليك تتذكري ماضي قديم ومشاكل في بيت أهلك كلها مداخل للشيطان والعياذ بالله فلذلك الحل بيدك وأعطاه الله ليك والرقية وأذكار الصباح والمساء بتحفظكم بإذن الله يصلح حالكم. لأن لو المشاكل لسه بينكم كان يمكن انصحك بكلام ثاني بس انتم الآن تجاوزتوا الخلافات بس اللعين قاعد ينكد عليكم ويذكركم بالماضي عشان ينبسط ويكيف.

عليك بالصبر واللجوء اولا واخيرا لله تعالى ...موضوعك بسيط مقارنة بباقي مشاكل المتزوجين..لا لا لا تفرطين في زوجك لانه واضح انه ابن حلال لانه في وقت مشاكلكم ما ضربك او اهان كرامتك زي باقي بعض الرجال الي يستخدمون العنف وقت الخلاف وانه يحبك لانه مافرط فيك او تزوج غيرك..والاهم ياحبيبتي تاكدي ان سبب زعله الاول لازال موجود سوا بشكل مباشر او غيره وما تذكر الماضي وزعل مره ثانيه الا انه شاف او عرف حاجه جديدة تخص مشكلتكم الاساسية ولاحظها عليك فلازم تراجعي حساباتك اكيد فيه حاجه هو سبق منعك عنها ولا زلتي تسوينها..(ان الله لا يغير ما بقوم حتى يغيروا مابأنفسهم) . وصدقيني اذا تاكد انه اسباب مشاكل الماضي راحت راح يرجع وضعكم احسن ان شاء الله...وحاولي تتكلمي معاه بصراحه ووضوح وصدق وبكل احترام وادب وتذكري ان الخاسر الاكبر هم الاطفال الي مالهم ذنب في كل المشاكل فلازم تصبرين وتوسعين بالك...وسامحيني ياحبيبتي عالاطاله وربي يسعدكم ويرجعكم لبعض وانتم في احسن حال

اذا ذكرك باخطائك ذكريه بأخطائه وتجاريحه نبشي وفعلي الذاكرة العميقه الا ما تلاقي
او انك اول مايشغل الاسطوانة اطلعي من المكان روحي سوي شاي نعناع وشغلي لك مسلسل

ودايم قوليله يوووه عاد لاتصير ثقيل دم ترى كل الازواج في العالم كذا بينهم بهارات وملح مو بس حنا

مو كل مشكلة نقول عنها حسد وعين
اللي فيكم تراكمات قديمة وجروح ما انحلت من البداية
زوجك متأثر من كلامك القديـم
وتهديده بالطلاق وتذكيره بالماضي يدل على أمور داخلية عند زوجك تحتاج تفاهم وهدوء أكثر من ربطها بالحسد
الحياة الزوجية فيها شد وجذب والأهم تتعلمين من الماضي
استمري على طيبك وهدوءك ولا تفتحين الماضي وإذا رجعه امسكيه مع يده قولي بهدوء تكفى علشان عيالنا خلينا نبدأ صفحة جديدة  قوليله مانقدر نرجع الماضي لكن فينا نبني حياة افضل واجمل
وتذكري إن العلاقة تتحسن شوي شوي مو فجأة والله يجبر خاطركم ويجمع بينكم على خير