الله يسعدك ويجبر بخاطرك ويعطيك كل ماتتمني🩷🩷🩷

اهلا ياوردة 💮
مافيه وحدة تبدأ حياتها ياوردة بخبرة إلا بعد مواقف وعشرة
الاستقرار مايجي بانعدام المشاكل لانه هذي مستحيلة وغير واقعية
الاستقرار غالبا يجي لما تقدرون تلقون حل للمسائل الكبيرة اللي بنظرك هي جارحة فعلا وتمس الكرامة
وفيه أمور أقل تحتاج بس سعة بال وتطنيش وتخليه يلعلع فيها بدون ردة فعل
ومو لازم كل تصرف يصير من وراه تدقيق ونقاش
وفيه أمور لازم يعرف من خلالك أنها مرفوضة وغير مسموح فيها
مو بالصراخ كل ما يحاول يفتح الحوار بدون انفعال ذكريه أن هالشي مستحيل اقبل فيه وانتهى . مع الايام بيعرف الخطوط الحمراء بالنسبة لك وان شاءالله تلقين نتيجة .
أما الأخطاء اللي يحاول يحشرها بكل موضوع
قولي كلنا كان عندنا أخطاء ونضجنا وعرفنا الصح من الخطأ ..

وفيه برضو أمور مرتبطة بصفات شخصية تكون مزعجة للطرف الثاني لكنها ماتمس كرامة الطرف الأول بهالحالة علاجها تقبل الشخص زي ماهو وبتلاقي كثير اشياء تغيرت داخلك

واللي تبي الحياة تمشي تحاول توسع بالها وتقلل ردة الفعل قدر المستطاع
ولا تحرم نفسها الاستمتاع بالحياة الزوجية بسبب أمور يسهل تقبلها أو التغاضي عنها
وتخلي الحسم للأوقات الجادة

الله يوفقك حبيبتي ويرزقك الراحة والسعادة الدايمة 💗💗