مهم / الحامل والكبده

السلام عليكم ورحمة الله وبركاته

وشلونكم اخواتي واحبتي في الله


حبيت اذكر هالموضوع عن اكل الكبده وان وضعن الاخوات مواضيع قديمه بهالخصوص ولكن من اجل العضوات الجدد والاستفاده تكون اكثر

احيانا تروح الوحده لبعض الطبيبات في الاشهر الاولى ويكون عندها فقر دم وتقول لها كلي كبده وهذاااااااا الغلط المفروض نتحاشاه وشلون ؟؟؟

معروف حاليا أن الكبده تحتوي على فيتامين أ بصوره كبيره ولذا فيه خطوره على الجنين في الاشهر الاولى من الحمل .....وممكن والعياذ بالله يأثر على الجنين ويتسبب في اجهاضه


انا بالنسبه لي ماكنت أعرف خطوره هذا الفيتامين على الجنين الا بعد الله تعالى من هذا المنتدى الرائع ومن الاخوات المراجعات عند الطبيبه اللي اراجع عندها

ومن خلال بعض المواقع في النت

وبالنسبه لأكل الكبده في الاشهر المتقدمه من الحمل ايضا لاأنصح بها ولو كان من الضروره

تكون مستويه زين ومتعرضه لدرجات حراره مرتفعه ...... لان سبحان الله اغلب الطفيليات والديدان تتجمع في كبود الحيوانات والحامل ماهي ناقصه يكفيها تعب الحمل

اخت صديقتي من سنتين تقريبا اجهضت وتعبت بالمره ويوم سوت التحاليل لمعرفة اسباب الاجهاض سبحان الله وجدوا عندها جرثومة القطط ( التكسوبلازما )

وقعدت مسكينه تتعالج منها والسبب لانها أكلت كبدة حاشي كان مصاب بهالجرثومه

واذكر دكتوره في الجامعة في قسم الآحياء الله يجزااااها كل خير كانت تنبهانا من أكل كبود الحيوانات بكثره وخاصة الدجاج لانها مخزن لكثير من الطفيليات وغيرها......


ولا تقولين الطبيبه قالت كلي كبده لا مو كل طبيبه تكون مطلعه جيده ولكل طبيبه تخاف على مرضها مثل خوفها على بنتها او نفسها الاطباء يختلفون من حيث النزاهة وتقديم النصيحه