مهم جدا تدخلون (( نصيحه ))

بسم الله الرحمن الرحيم

اخواتي الغاليات , السلام عليكم ورحمة الله وبركاته

الموضوع يخص الوجه ,, تخيلو نصف وجهكم مترهل والنصف الثاني سليم كيف بيصبح مضهركم
طيب السؤال ليش صار كذا وش الاسباب ؟
طبعا الاسباب في البدايه صار التهاب في ضرس من اسناني في الجهه اليسرا صرت اكل على الجهه اليمنى والمصيبه الكبيره اني كنت احط البنج الموضعي اذا بالغلط اكلت عليه والتهب ليش انا مارحت المستشفى وعالجته ؟ الكسل وعدم المبالاة والخوف وقولة بكره ***** الله ويجي بكره واسبوع وشهر وشهرين الى ان جت الكارثه ,, تعرفون ليش لان الاكل يحرك عضلات الوجه
وطبعا لاني ماعاد اكلت على الجهه اليسرى لاكثر من 3 شهور حصل ترهل بهذي الجهه اليسرى وربي سبب لي ازمه نفسيه حاولت بالكريمات بالتقشير مافيه فايده سويت موعد في واحد من المستشفيات وعالجت الضرس والحمد لله ماكلفني الكثير قد ماراح تكلفني عملية شد الجهه اليسرى من وجههي الي طبعا بتكلف اكثر من 3 الاف ريال ومادري مضمونه ولا لا
المهم بيوم وصيت وحده من صديقاتي تبحثلي عن حل للمشكله في النت ووصلنا لحل وهي تمارين للوجه للعصب السابع لكن والله يابنات مره مره متعبه وصبح ومسا ء والحين انا في الشهر الثاني من بديت اسوي التمارين واشوف فرق بسيط يعني فيه تحسن ولله الحمد والشكر

الر ساله من الموضوع ياخواتي لا تهملو الاسنان وتعرفون ان الاكل على الجهتين من الاسنان هي بنفس الوقت تنشيط لعضلات الوجه ورياضه لها" سبحان الله العضيم " .

واخيرا اتمنى لكم الصحه والعافيه وارجوكم ادعولي بالتوفيق وببر الوالدين

ارجوا عند نقل الموضوع تذكرون المصدر والله لا يسامح من لا يذكر المصدر وكاتبة الموضوع