موااااااااااااقف محرجه فظيعه بالنسبه لي ولغيري يمكن

السلام عليكم




والله يا بنات صارلي هالسنه كم موقف محرج اتذكرهم واضحك من قلبي واحس للحين بحرقة الفشيله بس على كوميدي اشوي


وقتها على درامي


خخخخخخخخخخخخخخخخ:hahaha:

الله لا يراويكم ويهي حزتها:35:

يا ارض انشقي وابلعيني





اول موقف


كنت سايره اداره الجنسيه والجوازات في دبي

المهم دخلت وخذت رقم وقعدت انتظر دوري وكان دوري بعد شخصين وكنت من الصبح اتريا

تذكرت ان الاوراق فالسياره وقلت ماكو غير اطير اجيبها قبل لا يوصل دوري


ماشيه واثقه من نفسي اول ما وصلت الباب دووووووووووووووووووووووب اطيح على ويهي وركبتي جابت دم


بس جد جد هالموقق كان عادي عندي ما انحرجت فيه وايد

يمكن من زود ما تكرر صرت متعوده

داااااااايمااااااااا




عاد الموقف القنبله اللي صارلي


فضييييييحه على احراج على مشاعر منوعه ههههههههههههههه


كنت طالعه مستعيله من البيت وقفت عند الكفتيريا اخذ ريوق المهم وقلت عالسريع بصبغ اظافري لاني بمر الكليه

المهم الصبغ انجب وخرب اظافري من العجله صديت ورا فالسياره لقيت قماشه فالكيس يديده طلعت كلسون ضاغط ههههههههههههههههههههههه هاللي يضغط البطن


قلت كلسون ضاغط ولا كلسون بيجامه المهم امسح الصبغ ومافي فايده حطيت الكلسون على ريلي وناديت صاحب الدكان اقله عندك ايستون اللي يشيل الصبغ

قالي عربي مافي معلوم والصبغ مبهدلني

قال ماما انت انزل شوف وانا واقف بمكان كله سيارات شباب وبنات


انا من العجله نزلت وطاح الكلسون برا السياره هههههههههههههههههههههههههه:hahaha:

قسم بالله يوم رديت شفته طايح وجهي صار خمس الوان شليته وحركت السياره طيرااااااااااااااااان



مابي احد يشوفني مره ثانيه


خخخخخخخخخخخخخخخخخخخخخخخخخخخ


----------------------------------------------------------------------------------------------------------

ومره صارلي موقف من سنه تقريبا اني كنت اشسولف ويا بنت توني متعرفه عليها

المهم جا طاري الاجداد فقلت لها وين جدك وجدتك عايشين قالت وفيها نبرة حزن الله يرحمهم

قالت وانتي


هييييييييييي بس قالت وانتي


قلت لها اثنينهم وما قدرت اكمل كلامي يتني هستيريا ضحك فظيعه والله ماقدرت اوقف نفسي والبنت مستغربه ايش اللي يضحك يعني (( والله حالة هبل مو طبيعي))

----------------------------------------------------------------------------------

مره انا وصديقتي رحنا ناخذ الليسن وندفع المخالفات ف دبي فالمرور


المهم السالفه طولت طولت وايد قالو لنا روحو عن الملازم فخريه ركزو ها فخريه



المهم صديقتي مره فشتها عايمه تحب تتمصخر وقعدت تقول تخيلي اروح واغلط باسمها واقول فرخه


ولا فرخ


وانا اقولها اسكتي واصطلبي وهي تضحك تضحك



المهم ضيعنا المكان اشوي طلع لنا جدامنا ريال كبير شوي اربعيني يمكن رائد ولابس الدريس

وانا عاد اوني واثقه من نفسي



جان تقوم صديقتي وتساله وين مكتب الملازم فرخ



:35: والله يا بنات كنت بسويها على نفسي من الفشيله الغبيه من كثر ما كررتها صدق قالتها

المهم انا انقذت الموقف قلت الملازم فخريه

والله طالعنا باحتقار واشرلينا بدون ما يتكلم

حخخخخخخخخخخخخخخخخخخخخخخخخخخخ


---------------------------------------------------------------------

كل ما تذكر موقف راح اكتبلكم ولا تبخلون علينا