السلام عليكم و رحمة الله و بركاته ..
حبايبي حبيت أسألكم بخصوص الشغالات الفلبينيات ..
أيت أحسن :
** مسلمة أو مسيحية ؟؟
** كبيرة في السن ولا صغيرة ؟؟
** متجوزة ولا عزباء ؟؟
** من المدينة أو من قرية ؟؟
** تكون أشتغلت قبل كدة و لا لأ ( يعني تجي عندي أول مرة في حياتها ) ؟؟
لأني مضطرة أجيب شغالة عشان وضعي شوية حساس عندي مشكلة في ظهري
و رجولي و الدكتور مانعني من الحركة الكتيرة و الوقوف كتير أو لمدة طويلة
و سار لي 4 شهور نايمة على ظهري في بيت أهلي وماني مرتاحة
وكمان أوضاعي مع :arb: سارت سيئة بسبب إني ماني قادرة
على شغل البيت و كل شوية رايحة و راجعة عند ماما و مرة تعبت من الهجولة
سرنا زي المشردين أنا و بنتي و جوزي كل واحد لحاله و المشاكل بتزيد :06:
و أنا أكره الأندونيسيات كره العمى :mad:
و الحبشيات زيهم و كل ما أسأل على جنس ألاقي عندهم مشاكل
أو يقول لي المكتب مضربين عن العمل ..
و ما أبغا أجيب إللي من هنا ( العمرة ) لأنهم جووني حرامية و وسخين
و لسانهم طويل و ما يخافو الله و فوقها رواتبهم سرقة :09:
حسبي الله و نعم الوكيل فيهم ..
فكانت الفلبينية أهون الشرور ..
فياريت إللي عندها فلبينية تقول لي أيش المواصفات الأفضل
للشغالة -كشغالة- لا أبغاها بيبي سيتر و لا أبغاها تطبخ ولا شي غير التنظيف
و شغل البيت ..
يعني أنا أطبخ و هي تنظف من بعدي ..
أنا أغسل الملابس و هي تكوي لأني بصراحة ما أضمن غسيلهم
و بحكم عمل جوزي يستهلك ملابس كتير و تتبقع و تنعدم ولازم أغسلها بنفسي
عشان تنظف مزبوط و بصراحة أكتر شي عندنا هو الغسيل و الكوي أكتر من أي شغل تاني ..
و بيتي مو كبير ( شقة ) و عندي بس بنت :04: الله يحميها ..
بس أبغا وحدة تجيني متعلمة و حركة و تشيل عني شغل البيت و الكرف و القرف
و تريحني ألين ربنا يشفيني و يعافيني مو تجيني عفنة و قرفة و تقرفني زيادة :09:
أنا فكرت في التالي :
** متجوزة و عندها بزورة عشان تخاف ربها في بنتي و ما تآذيها
و عشان تجلس عندي ما تشرد ولا تقول سفروني وتشتغل بأمانة
و تفكر في رزق و لقمة عيالها قبل ما تسوي شي غلط ..
** كبيرة في السن بين 35 - 45 عشان ما تجيني خفيفة و مرجوجة
و تسوي لي حركات نص كم زي ما إنتو عارفين حركات بعض الشغالات الله يكافيهم ..
** تكون متعلمة و تعرف إنجليزي عشان عالأقل أعرف أتفاهم معاها
مو أجلس أتكلم بالإشارات و ما تفهمني ولا أفهمها ..
** ما تكون جاية من قرية عشان لا تكون معفنة في نفسها أو مريضة ..
** ما قد أشتغلت في السعودية عشان أخاف لا تشرد ..
** بس أنا محتارة في ناحية مسلمة أو مسيحية ..
لأني سمعت إنه المسلمات الفلبينيات يجو معفنين و من القرى و طبايعهم
زي طبايع الجاوة من ناحية السحر و الرجال و غيره أستغفر الله العظيم ..
هل دا الكلام صحيح ؟؟
و إنه المسيحية هي الأنظف و الأحسن و تجي من المدينة و متعلمة
و عندها أخلاق و أمانة و تكون كويسة مع الأطفال و تحترم صاحبة البيت
مقابل إنه أهل البيت يحترموها و ماحد يتطاول عليها أو يرفع صوته عليها ؟!؟!
** و يقولولي جيبي صغيرة عشان تشتغل كويس ..
بس أخاف تجيني وحدة صغيرة و مرجوجة و خفيفة و مخها معفن
و تسوي لي مصيبة في بيتي !!
** و يقولولي جيبي وحدة تكون أشتغلت قبل كدة عشان
تريحك و ما تضطري تعلميها الشغل من أول و جديد خصوصا
إني وضعي ما يسمح لي أفضل أجري وراها من مكان لمكان
و أوقف لها عشان أعلمها و أتأكد من شغلها !!
بس طبعا شغل غيرك مو زي شغلك و برضو لازم تعلميها إللي تبغيه !!
طيب ما أنا أجيب وحدة جديدة و أعلمها الشغل إللي يناسبني أحسن !!
صح ولا لأ ؟!
** و يقولولي لا تجيبي متجوزة عشان لا تفضل تبكي و تتبكبك
و كل شوية تقولك بزورتي و بزورتي و جوزي و سفريني أبغا أرجع لهم !!
** و يقولو إلي تجي من قرية تكون معفنة و إللي تجي من المدينة
تكون نظيفة بس جريئة و عينها قوية ..
** و يقولو إللي تكون جات البلد ممكن يكون لها علاقات مع حقون العمرة و تشرد ..
و ممكن تجي كويسة و بنت حلال و ما تشرد ..
** و ناس يقولو الكبيرة تجي عاقلة أحسن من الصغيرة ..
و ناس يقولو كلهم زي بعض !!
طيب أنا بالله دحين أيش أسوي ؟؟
شوفتو قد أيش أنا محتارة :32:
ياريت تساعدوني الله يسخر لكم إللي يساعدكم و تفيدوني
بكل أمانة خصوصا المجربات و إللي عندها فلبينية ..
بإنتظار ردودكم :26:
تحياتي ..
جــــداويــــــــة
هذا الموضوع مغلق.
الصفحة الأخيرة
بس من جد كلامك عسل واحس ان سواليفك تهبل:32:
عموما حبيبتي انا من خبرتي مع الفلبينيات اشوف ان المسلمه الصغيره والمتعلمه كانو روووعه وهذا من تجربتي
انا جبت ثلاث بنفس المواصفات وكانو روووعه وكل وحده جلست عندي سنتين من غير مشاكل ولله الحمد بس اهم شي تكون الوحده منهم صغيره بالسن يعني عشرين او 19تراهم يجيون مطيعات وبريئات مو مثل الكبار يعرفون الشر والحيل اشكال الوان والاهم اسلوبك في التعامل معاهم يعني تكونين حازمه من غير قسوه وتراعين الله في التعامل معها وصدقيني الفلبينيات عندهم وفاء اكثر من الاندنوسيات اذا شافو معامله طيبه.
هذا من تجربتي ويا ريت اكون افدتك