مواضيعكم فتحت عيني ع زوجي اللي ماتوقعته خاين

توي ماسكه عليه خزي وجهه مالي خلق مقدمات
المهم حبيباتي اجيكم باللي صار من اشوي صدمه والله صدمه خلتني ارجف انا مازعلت عليه انا زعلت ع نفسي والثقه اللي عطيته
اليوم عندي اختبار تكفون ادعولي لبست وتجهزت للدوام وقلت بعد مااخلص بروح اجهز له الفطور وهو راح يتروش المهم جواله كان بالغرفه وسمعته صوت رساله انا فتحت جواله ولأول مره صار فيني فضول من كثر مواضيعكم وفي نفس الوقت واثقه اني مابحصل عليه شي فتحت اول شي الواتس وشفت محادثات كثير مع بنات والمحادثات من شعبان
شعبان ورمضان كنا اجازه ورمضان كله كان عند اهله وانا جالسه في بيتي ادرس صيفي بمنطقه ثانيه وماعندنا شقه تجمعنا اذا رحنا عند أهلنا كل واحد في بيت اهله

المهم نجي للمزز وحده منهم موظفة بنك الله يرزقها الزوج الصالح عشان ماتتراجع وتلف عليه لأن طلب يكون معاها علاقه ورفضته لأن متزوج والا الباقي أنواع الخرفه وقلة الحيا وزوجي اللي مدورهم واضح ان من البرامج ويطلب صورهم ويكلمهم هذا غير الكلام اللي ماينقال حصل بينهم ويقول ان حظه سيئ مع البنات اللهم لك الحمد سهام الليل لاتخيب وفعلا اللي فهمته ان مايطلع معهم يبي بس ماحد عطاه وجه
خلصت من الواتس رحت بشوف البرامج شي قدرت افتحه وشي مالحقت المهم الخيانه واضحه وتوه في اولها وله شهرين ع هالسوالف اعترف لوحده ان متزوج وكسحته والباقي يقول لهم ان مطلق ومسوي نفسه مولع وهو خرطي مافيه خير لي انا زوجته مابيجيب راس وحده شبعانه منه ومن غيره
طلع وحذفت الجوال وهو يشوف وطلعت من الغرفه جا يسألني ليه اخذت جواله اكتفيت بنظرة استحقار قال ليه تناظريني كذا قلت لأني اخر شي توقعته انك تكون تخوني جا بينكر قلت له بعد لك عين تنكر والجوال بيدك مشحون محادثات خيانه وموال كل خاين ليه تفتشين جوالي قلت له الحركه معروفه تبي تقلبها علي بس انا مجرد احساس وحبيت أتأكد وطلعت عنه
اخيرا من الصدمه رحت أرسلت لأخته السالفه لأنها مقربه لي كثير وتحفظ السر وهي نفس الشي انصدمت وحاولت تعتذر مني
والزفت اللي اسمه زوجي حاليا جهز لنفسه الفطور وجالس يطعن وانا مالقيته وجه بس مره محتاره شنو اسوي كيف أتعامل معاه اخر اختبار لي ان شاءالله الخميس
وولحين مستقربه من نفسي لاصرخت ولاهاوشته ولانزلت لي دمعه
محتاره اروح لأهلي والا لا
اهلي بمنطقه بعيده عني
اعطي اهلي خبر بالموضوع والا لا


مع العلم اني والله العظيم الوحيده من بين سلفاتي قريبه لأهله ودايما اهله يرفعون فيني عنده ودايما انت اللي ربحت يااخوي أخلاق وخلق بيتي نظيف عيالي منظمتهم موفره له كل اللي يبيه مريحته من جميع النواحي طعن اطبخ له وطبخي مشاءالله لإن يموت في الأكل
سبق وتطلقت منه سنتين وبعدها رجعت له بس طلاقنا ماله دخل بالخيانه

تكفون ابي حل ابي أسلوبي كيف يكون معه هالأسبوع انا مخي مقفل من الصدمه وشايله هم اختباري اكثر منه اهلي لو يعرفون اكيد بيوصلونها للطلاق

هو اكيد بيحاول يعتذر ويتودد هاليومين بس ماادري كيف بتعامل معاه اللي اعرفه اني بنام مع عيالي والخميس بشيل عمري وبروح لأهلي
مع العلم عندي بنت ٤ سنوات وولد ٩ شهور
بنات عذروني احس اني فاااصله من اللي فيني ماادري عن كلامي ولااسلوبي