الفجأة وما ادراك ما الفجأه 😅 كل شي يجي فجأة تنخبصين معاه وموقفك لا تحسدين عليه بس اهون مني 😢


كان لسى اظن اول رمضان لي بعد الزواج المهم اخو زوجي دايم برا المملكة وما يجي الا برمضان اجازه شهر المهم اول او ثاني يوم برمضان غفيت بعد صلاة الظهر لان كنت متأكده انو فطوري انا وزوجي سهل وخفيف وما راح ابدا الا بعد ما اصلي العصر ويكفيني الوقت وزياده
المهم صحاني الساعه ٢ ظهر قال قومي قومي قابلت ابوي واخوي صدفة وانا عند الملحمه وعزمتهم فطور ودقيت على اخواني كمان يجون طبعا بدون زوجاتهم
انا 😲😲😲😲 بغى يغمى علي وأقوم مثل المجنونه اشيك على نظافة البيت وادخل عالمطبخ القى ذبيحة مقطعه على سفره فوق طاولة الطعام جاني هبوط ضغط 😂 وزعنا اللحم بأكياس وبقينا حق طبخ اليوم وكان عندي ١٥ حبة سمبوسه مفرزنتها لي انا وزوجي 😂😂😂 قليتها وزدت عليها سمبوسه جديده دبل الدبل وشوربة وحمسة كبدة وسويت مقلقل ولقيمات ووووو
وقبل يأذن بعشر دقايق دخلو ثنتين اخوات زوجي 😄 كويس انو معاهم شغاله ولا كان وقفت نص المطبخ اصررررخ
وكمان تذكرت انو ما سويت قهوه وجرررري قبل الاذان بشوي سويتها وخلصت قبل الاذان بثواني ااااهه بس صدعت لمن تذكرت

مع ان العزايم عندي قليلة ونادرة بس تجي عظيمة مره 😂 اهله كثير ماشاءالله

ماعمرنا فطرنا احد في ومضان ولا رحنا نفطر عند احد


السحور ممكن وهذا امره بسيط

احنا ما نعزم بعض في رمضان نهائي .. نعزم في الاعياد .. رمضان يا دووب زوجي يفطر تمر و موية و ينزل لصلاة المغرب و يرجع يكمل تمر و قهوة و يستنى العشاء يقول ما ابغى اثقل و بعد التراويح يرجع يتعشى خفيف .. انا مريحة راسي في رمضان .. الناس تزيد سفرتهم انا تخف .. زوجي ما يحب يثقل يقول شهر عبادة .. و السحور ساندويش صغير مع كاسة لبن و موية .. في الاعياد نعزم و نتعزم

الله يضاعفلنا الأجر على هذه العزايم مع ان وقتها غلط المفروض رمضان يكون شهر الصيام و القيام و القرآن مو شهر العزايم و المسلسلات و الاسواق
قبل سنتين كنت طول رمضان فيا تعب مو طبيعي و ماعزمت غير أهل زوجي
و على آخر رمضان شفت زوجي مره متضايق لأنه ماعزم اصحابه و قلت لو بكره رمضان بخليه يعزمهم بس رجال بدون حريم و الله يعين
و سبحان الله ربنا يسرها مع اني كنت لحالي ما معايا احد يساعدني و كانو تلاتين شخص تقريبا
بس اللي ضايقني اني صحيت عالعيد و المطبخ لسه ما خلصته من كترة المواعين و أول ما رجعت من صلاة العيد دخلت عالمطبخ على طول و كنت انسى تعبي لما اتذكر فرحة زوجي يوم العزيمه الحمد لله
بس ماعاد عدتها كانت آخر مره صرت ما اروح لأحد و لا أعزم أحد في رمضان الا أهلي و أهل زوجي بس.