روانا🎈 :

السنع ذبحنا وانا اختك😂😂😂

السنع ذبحنا وانا اختك😂😂😂

لانا ياعيوني :

الله يبلغنا واياكم ومن نحب صيامه وقيامه ونحن في احسن حال 🌙🌙 رمضان له ذكرى جمييييله لاتنسى مع الاهل والاعمام والجيران ولازال لرمضان رونق خاص وحب واشتياق من العام لرمضان كانه اول مره يدخل علينا من نحن صغار واهلي يفطرون في رمضان وكنا واخواتي نساعد امي بالتنظيف والترتيب المهم تزوجت بعمر ١٦ كنت اول ثانوي وبعد شهرين حملت المهم اول رمضان مع زوجي كنت خامل بالشهر الخامس وتعبانه ووحام وفقر دم وكان فيه دورية بين المعارف يعني كل يوميين بالاسبوع او يوم نجتمع فطور مع سحور وكان رمضان ايام شتاء المهم جوووني برمضان مرتيين والثالثه ليلة العيد 😅 وكنت ادرس برمضان 🥺 المهم اني اصحى من الساعه١١ الضحى واقوم اطبخ واصلح كل اللي اقدر عليه والضيوف يجون على الساعه ٥ قبل الفطور بساعه يعني يساعدوني الحريم وكل وحده تجيب معها اللي تقدر وعددنا ٥ عوائل بالاضافه للبزوزه والعزاب ٦ او ٧ بالاضافه لجارتي لازم تحضر وكانت تساعدني الله يسعدها ويسعدكم ونجهز سفره للرجال وسفره للحريم ونحط كل شي عليها وفطوريين المغرب قهوه تمر قشطه سمبوسه معجنات وعصائر وفواكهه الثاني شوربه خبز فرن وسمن مكرونه مهلبيه كنافه ولابد من التغيير لكن اغلبها اساسي لدرجه مره صلحت قدريين شوربه خلصوا الرجال القدر الاول قأضطريت اصلح للحريم واحد ثاني وبعد م يخلصوون الفطور الثاني نغير السفره ونحط الفطور الثاني طبعا يتخللها شاي قهوه نعناع وبعد م يخلصون الفطور الثاني نشيل الاواني ونظفها طبعا بمساعد الحريم الله يسعدهم ويروحون الرجال للجامع يصلون التراويح والحريم يصلون بالبيت واللي تبي تنام تنام خاصة ام لبزوره 😂😂😅 وبعدها نحضر بواقي الاكل والساعه ١ نبدا نحظر السحور كبسة لحم او دجاج وسلطات ولبن ولا يطلعون حتى ينظفون معي ونبخر البيت وكل يروح لبيته .. وزوجي ماكان يقصر يساعدني ويحضر معي وهو فرحان انه يعزم واول مره يعزم فطور كان هو ينعزم😅 مالكم بالطويله اخر يوم برمضان لحقني الدور 😥 وقال الفطور علي واقوم من بدري واجهز والاغراض شبه منتهيه ونجيب مره ثانيه وقبل العصر بديت اتعب بقوه احس بيغمى علي م ادري وش جاني خلصت كل شي ماعاد الا السمبوسه اقليها والشوربه قليت شوي منها وخلاص بديت اغيب عن العالم والناس قربوا يجووون وزوجي جاب لي ماء يقول افطري المهم كلم جارنا وجتني زوجته حاولت فيني افطر رفضت خلاص ماعاد شي على الاذان م انسى وقفتها معي كملت الشغل عني وزوجي يرتب السفره ويوزع التمر وشوي بدا الزورا يتوافدون وشافوني مره تعبانه انتظر الاذان ابي افطر يمكن كان انخفاض ضغط وحلفوا ماعاد ادخل المطبخ كملو كل شي عني والحمدلله عدت على خير وبعد الفطور بدقائق اعلن ان غدا العيد 🎉🎉🎉🎉🎈🎈 وخلصنا ترتيب وراحوا لبيوتهم يتجهزون للعيد وطلعت مع زوجي ناخذ جوله على البلد ورجعنا ونمنا وقمنا للعيد وسافرنا للبحر المهم كانت ايام جميله ولها ذكرى ومع ذلك كنا نتعب بس الود والمساعده بينا تنسينا كل شي ونفس الروتين اللي يصير معاي يصير معاهم ونروح لهم من بدري ونتساعد بما انا متغربيين بمدينه غير مدينة الاهل فنجتمع مع بعض وبعد مرور السنين اغلب العوائل انتقلوا من عندنا وصار اجتماعنا قليل نجتمع بمول او كفي او حديقه والبيت نجتمع يمكن كل شهر او شهرين مره رمضان صرت فطر فيه مره او مرتيين الله يبلغنا واياكم صيامه وقيامه من كم يوم بديت استعد لرمضان من تنظيفات وتعزيل وتجهيزات للعيد قبل يدخل الشهر الكريم ومعوده اولادي بليله رمضان انا اشغل لهم طراطيع فوق السطح وبعدها اسبحهم والبسهم ويروحون مع ابوهم للجامع وبعدهم الحقهم ومن الان اضبط برنامج لنا برمضان لي ولعائلتي احتمال جاراتي الله يرزقنا بلاغه 🌙🌙🌙

الله يبلغنا واياكم ومن نحب صيامه وقيامه ونحن في احسن حال 🌙🌙 رمضان له ذكرى جمييييله لاتنسى مع...

جدار ناطق :

انا مره راعي العماره جاء لزوجي يبيه بموضوع قبل الاذن بنص ساعه يمكن اذا مو اقل وانا اسوي اكل ع قدنا انا وزوجي بس وعيالي اكون ماكلتهم قبل وشبعانين 😐 ياني انحرجت حطيت كل الفطور لهم وانا اكلت مويه وتمر ☹️ ي دوب مسويه ايدام وخليه نحل ومكرونه وشوربه سبرينق رول طبعا الكميات قليله ع قدنا وقتها وربي بكيت من غبنتني وش وساعه الوجهه قبل المغرب بشوي يدق عليه وينك بالبيت انا جايك😭😭😭😭😭 حتي زوجي مامدا يروح يشتري شي 😫😫 وبعد المغرب جلست احوس اسوي حلا مع القهوه قدمته لهم

انا مره راعي العماره جاء لزوجي يبيه بموضوع قبل الاذن بنص ساعه يمكن اذا مو اقل وانا اسوي اكل ع...

عليه توكلت 12 :

موقف ما انساه ما حييت .. اول ما تزوجت ما كنت اعرف اطبخ .. يمكن حلويات فطاير بس عيوش وطبخات ثقيلة لا .. وكان الفطور تسويه خدامة خالتي الله يرحمها وانا كنت انزل بفطاير .. المهم ان ذاك اليوم انحاشت خدامة خالتي وكانت توها جديدة .. وطبعا مافيه غيري بالبيت يطبخ العيش لان خالتي حرمة كبيرة وانا توليت مهمة الافطار ذاك اليوم .. سويت شوربة ومرق لحم حق التشريب وسويت عيش والمصيبة كانت بالعيش ... انا عليمية ولا عمري سويت عيش ..الجدر صغير وترسته عيش ومبطله الغطا مال الجدر ..وعيا يستوي العيش ..امسكه حب واقعد ازيد الماي وكل شوي ازيد الماي اذن المغرب والعيش عيا يستوي وانا ازيد بالماي دخل زوجي يسال وين العيش بسرعة اذن قتله عيا يستوي قال انشبي خلاص ما كو وقت اذن .. نشبت يا بنات العيش حب من فوق وعجينة من تحت والماي بقاع الجدر متروس .. قعدت ابجي ولا افطرت ذاك اليوم من الحرة .. وخالتي يمال الجنة قامت تمدح عيشي ما تبي تفشلني

موقف ما انساه ما حييت .. اول ما تزوجت ما كنت اعرف اطبخ .. يمكن حلويات فطاير بس عيوش وطبخات ثقيلة...