love factory :

جزاك الله خير اختي والله قلبتي المواجع مثل مايقولون انا بكل مرحله لي موقف .........اسم الله علي من وانا صغيره اكشن....اول ايام الروضه...طبعا يقولون اخواني وخواتي والا انا مااذكر انه في يوم ابوي الله يرحمه ويحلله راح يجيبني نهاية الدوام ومالقاني المهم يرجع البيت يمكن احد ماخذني ابد ماميش ويرد الروضه مره ثانيه واخر شي حصلوني بمخزن الفصل نايمه والابله قافله علي.....موقلت لكم اكشن.........وكان آخر يوم لي بالروضه حلف ابوي الله يرحمه ماروح. اما بالابتدائي وكنت بصف ثاني يمكن كانت المدرسه قريبه من البيت نروح انا واختي الاكبر مني مشي بس لازم نعبر شارع.........في يوم طبعا نهاية الدوام طلعنا من المدرسه ووصلنا الشارع طبعا زحمه وسيارات وننطر يفضى الشارع ..........وفجاه تعبر اختي الشارع بدون ماتسحبني معاها وانا من زود الخوف اركض اعبر بالحقها ............وتجيك ذيك السيارة والله اني اذكرها مرسيدس اسود ايام ماكانت المرسيدس متفخه ...........اختكم قديمه ترى.......... وتصكني على دماغي واطير انا بصوب والجنطه البنيه الجلد الكبيرة بصوب وحاله وتتجمع الناس وتطلع جارتنا بيتها عالشارع وتركبني السياره مع راع المرسيدس ويودوني المستشفى والحمدلله الي حفظني كانت كدمات وجروح سطحيه ...........والمضحك في الموضوع اني ثاني يوم مداومه وانا مربطه بالشاش .......ابت امي الله يرحمها واختي الكبيره الله يخليها لنا هي اللي مربيتنا اني اتغيب يوم واحد عن المدرسه ...............والله انه حتى ادارة المدرسه مستغربين اني جايه المدرسه يسالوني لي ما غبتي وانا بريئه اقول امي مارضت........... روائع القصص الله يسلمكم عاد المتوسط والثانوي الحلقه الجايه...........

جزاك الله خير اختي والله قلبتي المواجع مثل مايقولون انا بكل مرحله لي موقف .........اسم الله علي...