حلوه سوالفكم
بقولكم موقف يوم كنت بأول ابتدائي
طق جرس اخر حصه والمفروض نروح على مواقف الباصات وكل وحده تركب باصها .. عاد انا بطيئه لين ماألملم اغراضي واشيل شنطتي اوصل المواقف الا باصي رايح عني وتخنقني العبره شاسوي ماعرف اتصرف تميت متنحه مكاني الا اشوف بنت عمتي هي اكبر مني بثلاث سنوات وبنفس مدرستي بس بصف رابع وكان باصها للحين ماحرك قالت لي تعالي اركبي باصي بوديج بيتنا انا كنت متردده خايفه من ابوي لانه عصبي وايد وشلون بروح بيت عمتي من غير مااقوله بس اضطريت اركب لانه المدرسه خلاص فضت .. المهم رحت بيت عمتي وهم بمنطقه غير منطقتنا ويوم وصلت اقولهم اتصلوا على ابوي .. طبعا ايامها مافي جوال بس الثابت ويقولون لي مانعرف رقم بيتكم وانا من الغباء ماكنت حافظه رقم بيتنا :( وتميت لين العصر .. الا ابوي متصل يسأل عني اذا شافوني .. المسكين راح المدرسه ودار بالشوارع وبالاخير تم يتصل على كل بيوت اهلنا لين ماحصلني حضرتي في بيت عمتي .. وجا ياخذني والله انه هزأني تهزيء محترم وحصلت كم كف وبنفس الوقت كان يبوسني ويلمني مادري كان الموقف مخربط .. وطبعا هاوشني لاني ماحافظه رقم بيتنا ومن يومها حفظني اياه صم .. وهاوش عمتي وبناتها شلون مايعرفون يدقون على ابوي ويبلغونه .. والله الشرهه عليهم انا كنت صغيره وهم كبار والمفروض يعرفون يتصرفون <== للحين حاقده


وترى هذي مو اول مره اضيع فيها .. ياما ضعت من امي وابوي .. مره ضعت بسوق ومره على الكورنيش ضعت عن امي وابوي تميت ادور واصيح وألقى شرطي اقوله ابغى امي يقولي روحي دوري عليها <=== للحين حاقده عليه يعني شرطي بالاسم والله ولاقالي تعالي بدور وياج
ويلقاني واحد من جنسيه عربيه ويركبني بسيارته وانا الخبله ركبت وياه والحمدلله من لطف الله وعنايته وحفظه كان ريال طيب وتم يسوق على حدود الكورنيش شوي شوي يمكن اشوف امي وابوي .. وابوي شافني وكان المسكين ابوي يدور علي ويوم شافني مع هالريال بسيارته نزلني وطاح ضرب في الريال المسكين وتم يسألني ويصارخ سوه فيج شي وانا طبعا ماكنت فاهمه شي وكان المسكين معطيني حبحب خخخخخخ عشان اتسلى فيه وانا ادور على هلي وابوي خذ الحبحب مني وقطه في ويه الريال .. من الخرعه ماينلام بس هم انضربت وهاوشني عدل

تدرون وانا اكتب لكم هالذكريات عرفت الحين ليش اخاف موووووت لي طلعت ويه عيالي اي مكان ماتتصورون شلون حالتي عيني بكل مكان ولااخليهم يغيبون عن عيني لحظه وايد وايد اخاف انهم يضيعون ولاينباقون والمشكله اني مااثق في اي احد يراقبهم ابوهم ولا الشغاله ولا هلي .. ابد لازم انا اللي اراقبهم .. الله يحفظهم لي ان شاءالله

موضوع حلو:)

آآآآآآه منك تذكرت موضوعك الاول قطع قلبي .. بس بصراحة مواضيعك روعة يعطيك العافية ..
بصراحة او شي بقولكم على مواقف صارت لصديقتي يوم كانت بالابتدائي من جد تقهررر اكثر من مواقفي وبعدين بقولكم مواقفي ..
المهم تقول صديقتي لمن كانت بالابتدائي كانت تدرس بجدة وكانت عندهم ابلة قاصة شعرها ولد ومسترجلة ومن ذي السوالف وكانت (تقول ولسوء حظي)مصاحبة وحدة من البنات تحبها هذيك الابلة .. المهم كانت الابلة تنقهر من صديقتي و تغار على البنت إللي تحبها ..تقول :مرة دخلت الابلة الفصل و شمت ريحة بطاطس قوية و خايسة قامت تقول مين فين طالعة ريحة البطاطس المعفنة ؟ قامت وحدة من البنت قالت أنا يا ابلة .. تخيلوا أيش سوت قالت طيب يلا شمميه لفلانة إاللي هي صديقتي ((تخيلو النذالة إللي ماتخاف ربها)) و قامت البنت تسمع الكلام و صديقتي مسكينة قاعدة تشمشم من الخوف ..
و مرة قالتلهم افتحوا الاطلس (هيا تدرس جغرافيا) وقامت صديقتي من الخرعة فتحته بسرعة ومو منتبهة انو بالمقلوب قامت جتلها الابلة (( واعذروني على الكلمة و انتو بكرامة)) تقولها وتخيلوها باللهجة الحجازية:انتي بقرة احد يقرا بالمقلوب >>شوف قلة الحيا ..
وتقول مرة كنت مسوية حركات بشعري ورافعته على فوق جات تقولها : انتي في احد مخرعك على الصباح ؟؟!!!!؟؟؟!!!!

وبالنسبة لي ما اذكر الان شي بس لي رجعة بإذن الله ..

احب اذكر موقف حدث لي وانا في ثالث متوسط
المهم كانت معلمة الدين (الله يذكرها بالخير) وكانت تشرح مادة الحديث وانا من شدة الاجتهاد سرحانة((افكر بالمستقبل المشرق)) وكنت اسمعها باذني (((بدون عقلي))) تقول الاية الفلانية تاتي بالفلاني والسورة الفلانية بالشيئ الفلاني وسمعت بالصدفة ال...... تأتي بالزوج (هذا ماكنت افكر فيه) وقمت واقفة كالمفجوعة واسأل ماذا ماذا فلم اسمع غير الضحكات من هنا ومن هناك ((((((موقف لا انساه ماحييت )))))) (تخيلوا انكم مكاني)

مره راحت بنتي اثيرفي الباص الصباح كالعاده للمدرسه ماحست نفسها اللا بسابع حلم نزلو البنات اللا هي :39:

ههههههههههههههههههههههههه
الله يقطع بليسكم موتوني ضحك
اما انا الحمد لله راكده وش زيني ماعندي اللرجه اللي عندكم
خخخخخخخخخخخخخخخ واثقه بقوه
كملو الله يسعدكم
موضوع رائع