اما انا متعوده للالحين مستفيده منهم يخبروني شو راح يصير او الشي الي اهلي ما يبوني اعرفه واسكت
طبعا تسألون اشلون الله يعزكم ساكنين حمام غرفتي ومن ادخل اسبح يعلموني بكل شي واذا احد قايل عني شي اعرفه بس اسوي نفسي ما ادري.....
في بيتنا القديم كنت اشوفهم ويتشبهون لي وكنت اسولف معهم ولما اكون في مكان هم موجودين فيه فجأه تلاقين عيني محمره
وجسمي منقط لين يروحون.....
وفي مره كنت اذاكر وانا بالمتوسط بالليل الا واسمع صوت زفه وطبل واغاني من حوش البيت والله كنت ابي افتح الشباك بس خفت وقلت خلي المذاكره تولي افلت بروحي احسن.............
وياما نادوني باسمي وياما يلعبون بالمطبخ وسنابير المويه بالحمام الله يعزكم واشوفهم وعااااادي كووووووول
واخر مره من شهر دخل فيني جني وشالني من الارض خلاني معلقه من صدري وانا اصارخ لولا زوجي وامه يقرون علي ويأذنون فاذني لو ما هدني الا وانا الله يرحمني........
اذكر مواقف كثير بس الوقت ما يمدي
ومثل ما قالت وحده من الاخوات ان الي يخاف منهم هو الي يستهدفونه اما الي يطنشهم وما يخاف يخلونه في حاله ويخافون منه
كنا نتكلم أنا وخواتي في نص الليل ونسولف ونغني بصوت عالي وفجأة واحد يصارخ فينا :إسكتوووووووووووووووووووووووا فسكتنا وقمنا نطالع في بعض ومستغربيين ما عندنا رجال ذيك الليله قمنا قلبناها تعوذ وإستغفاروما نمنا ذيك الليله من الخرعه 0
الصفحة الأخيرة
الموضوع هذا عانيت منه كثير تصدقون انهم ( الجن ) امنا بالله طلعونا من البيت وهذي قصتي وسامحوني اذا طولت عليكم
هذا السالفه من سنه في مثل هذي الايام من ايجازة
كانت في فله كبيره وكان فيها حوش من اول ما سكناه وهو مقفل مبني بلوك وانا اكلم زوجي يفتحه وهو يرفض وانا الزم عليه ويجيب عمال ويكسرون الجدار وينظفون الساحه المقفله كانت مليانه تراب بس كانت مبلطه وجا اليوم الثاني في العصر و اشوف هذا المكان وما عجبني تنظيفهم قمت جبت مكنسه وكنست البلاط واحصل بيت ( بيوت الحشرات مبنيه من التراب ) مثل بيت الناموس بس كبير شوي قمت سميت بالرحمن وضربته بالمكنسه وطلع غبار كثيف وانا اشوف الساحه مليانه غبار بعده حسيت اني نايمه وصحيت والغبار خف وفجاء اسمع صوت اذان المغرب قمت كملت الكنيس ولقيت حشرات على شكل دود وكنستها ولما وصلت لاخر الحوش صارت كثيره قلت يمكن انقسمت المهم بعد ما خلصت دخلت البيت ورحت اتحمم والله يعزكم ينزل على دم قلت يمكن الدوره بس انا اخذ حبوب منع الحمل قلت يمكن خربطه في الهرمونات وصرت بعدها مقدر اتحرك وكل يوم يزيد ألم جسمي كله كن فيه مثل النمل يمشي رحت لمستشفي قالوا ولا فيك اي شي غير زياده في نبضات القلب
بعدها صرت ادوخ واطيح في اي مكان مره في المطبخ ومره في الممر قال زوجي بيجيب شيخ لما دريت صرت اتخشب وانصرع وكان زوجي بينجن من المناظر الي يشوفهايقول كنت اشبه بالميته كلم اهلي وجوا كان كلما يقراء على الشيخ اسوي حركات غريبه كني حيوان فكان كل ما يقراء على ويطلع الشيخ يجي في البيت بسه سوداء عند غرفتي وكنت اشوف عجوز تسولف على شوي تدخل فيني وبعدها اتشنج كنت احس روحي تطلع
واحيانا كان الشيخ يطلع من هنا ويرجع علي من هنا حتى طفش الشيخ وقال اطلعوا من البيت وشوفوا
وفعلا طلعت من البيت وارتحت وما عاد حسيت بشي
ولا شلت من بيتي الاول غير اواني المطبخ غيره ولا شي
وبعد ما طلعنا رجع زوجي للبيت بيخذ الملابس واغراض المطبخ لقا الابواب مكسره والعفش متنثر وطيور حمام ميت وريش وريحة البيت تجيب القرف والشفاطات مفكوكه ولما دخل وشاف المنظر كره البيت ولما جاء يطلع يقول في شي يمسكه ويقول وانا احس بغثيان وشي يمسكه عند الباب ولما ذكر الله وطلع من البيت شاف بسس سوداء حول البيت وكلها تناظره
لكن الله يحفظنا وايكم والله يا اخوات لما تذكر هذيك الايام اقول سبحان الله انا لسا عايشه وعلى وجه الارض
اللهم لك الحمد والشكر
انا اقول شكلي اذيتهم لما كنست لكن اذكار الصبح والمساء هي اهم شي ولازم نواظب عليها ونتوكل على الله
هذا موقفي ولكم مني جزيل الشكر :)