مواقفكم من سالفة الماكينه

يا بنات قولو وش سويتو لما سمعتو سالفة الماكينه

انا ما عندي ماكينه وجاء زوجي وقال لي عند امك مكينه قلت له ايه وليه ...؟؟ قال قولي لها لا تفرط فيها
طلع عنها خبر ما ادري هو صحيح ولا لا ...قلت ليه وش هو الخبر قال في ناس يقولو اسعارها توصل الى 10000ريال ويمكن اكثر...
طبعا اليوم الثاني جت اختكم في الله دقيت على الوالده علشان اقول لها ...الا وهي مسكينه قد جاء عندها خالي وقال لها ابيع لك المكينه 500ريال ههههههههه وصدقت هي المسكينه وعاد خالي هذا له فتره طووووويله ما دخل بيتها ولما عرف عن سالفة الماكينه على طول داريكت عند الوالده الله يحفظها...ولما قالت لي ان خالي جاء واخذ الماكينه
قلت لها وليش تعطينه شيء خاص فيك انتي ....يعني كل ما يبغى يضحك على احد جاء عندك انتي اش هذا الاخ عندك؟؟
قالت وش السالفه قلت لها الناس يبيعون مكيناتهم على عشرة الاف وانتي ضحك عليك 500 ريال ....راحت امي ودقت على جدتي وقالت لها ..تدرين يا امي ان اخوي ضحك علي واخذ مكينتي قالت لها جدتي وش اسوي لك ذلحين ماعاد يجيبها ولكن بندق عليه ونحاول فيه يخليها ...طبعا يدقون عليه جوااااله مغلق اكيد .خلاص اخذ الي يبي وش عليه
ويدقون على بيته وترد عليهم الشغاله وتقفل ..
ولما طلعت السالفه كذب رجعها لها وهو زعلان...وقال لها خذ انا ما ابي الا مصلحتك ولكن خذي مكينتك انا شفت مكالماتك وعرفت انه علشان الماكينه هههههههههههه
وبعده جاء زوج امي وقال لها ترى في حرامية يدخلون البيوت وياخذون الماكينه عليك ...هاتي الماكينه وانا احط عليها حراااااس ...وعطته امي المكينه ......والله ان كأنها كنز يحط عليها حراس
والله يوم قالت لي عمك اخذ الماكينه وقال يحط عليها حراس امن لنا هههههههههههه انه تقطع بطني عليها من الضحك
وسلااااااامتكم