مواقفي النشميييية...تعالن ولا تشمتن

: حيا الله هالوجيه السفرة ياهلا والله ويامرحبا..وينكن يالربع؟؟
مالكن لا حس ولا لس وقليلة مشاركاتكن؟؟عسى ما نضلوكن بنات الاقسام الثانية؟؟؟ويييييه اسم الله عليكن من الحسد.
.بس تبون الحقيقة انا لقيت الربع كلهن بقسم الحياة الاسرية باسطين ومكيفين وهات ياحركات ويا ليلات حمراء وزرقاء وليلة طرزان وليلة بزران وهات ياليالي تدووووخ ورحت بسطت عندهن كم يوم وأحسن شي عندهم انك لماتكتبين موضوع الا وتنهل عليك الزيارات والمشاركات..
ويوم حنيت لكم ورجعت الا أنتم مثل مايقولون:على طمام المرحوم :(
وعشان كذا انتفضت روحي الفزوعية.....>الفزع من الفزعة وهي النقزة للمساعدة<<يمديكم عالشرح كخخخخ>>
المووووووووووووووهم بعد مانتفضت تخمر بذهني مواقف قديمة لي يومني بزرة من البزران وس حليلي ماغير ادربي راسي..
المهم الا ذاك اليوم يجي ابوي ضيف والضيف من حسن حظي هو ولد عمتي وهو أصغر من ابوي وكانواشباب بوقتها..
السالفة هي انهم بعد ماتفنجلوا الشباب وتشهووا.......>من الشاهي وليست الشهوة
تكفون لاتفهموني غلط ثمن ينقلون موضوعي للحياة الاسرية؟
بعد ها قالي بابا ::روحي قولي لامك تجيب الفاكهه..
عاد انا طقتني السناعة فجاة وماعلمت امي ورحت طيرااااااااااااااااان _
وييييييييييييييييييييييييييييييييييييييييييييييييييييييييييييييييييييييزززززز للمطبخ ورجعت ماااااااااااااااااااااااااااااااااغطة لأبوي فرحانة اني طعته وسويت اللي يبي
أبوي صار وجهه كذا
: وقالي روحي بسرررعة لامك وخليها تجيبها
وأنا تحطمت وصار وجهي كذا :crap:
تدرون وش سويت؟؟؟جبت الفاكهه مباشرة يعنيبيديني برتقالة وتفاحةو بدون صحن ولا غيره....>وشوله الكلافة؟؟
وولد عمتي وجهه كذا :D :
والحمدلله اللي ماخلاني اجيب القهوة..

الا على طاري القهوة...لما كبرت شوي يعني كنت بأول متوسط تقريبا كانت جدتي الله يرحمها ساكنة عندنا وبذاك اليوم طلعت امي واختي من البيت
ومافيه الا انا وجدتي...المهم دق جرس الباب العصر ولما فتحته الا بذاك الجيش من الحريم داخل علي وعددهم يمكن عشرة وانا خايفة منهم؟؟ وصاروا من اقارب جدتي اللي ماعمري شفتهم...عاد انا سنعة ماشاء الله علي خذتهم ودخلتهم وكان كل شي تمام بس المشكلة اني ماعرف اصلح قهوة..........>الله يهدي امي مدلعتني :27:
ولا كان فيه جوالات بذاك الوقت؟؟؟
ياربيييييييييييييه وش اسوي؟؟؟؟؟
رحت دقيت على مرة خالي وعطتني الطريقة بعد ماأطلقت ضحكة مدوية....>حازة بخاطري للحين
واروح اصلح ذيك القهوة ...........>لو شفتوني قلتواحشاذبيحة
وبعد مازانت وحطيتها لهم ويادوووبني صابة لهم اول فنجال وبعضهم رشف رشفة من الفنجال.......>أحلى يارشفة
الا ويأذن المغرب ويقمن يتطامرن للحمام عشان يصلن.......>الله العالم ان قهوتي كانت غسال كخخخخخخخخخخخخخخخخ الله يكرم النعمة
وبعد ماصلوا طلعوا ع طووول..
وانا قعدت ضايق صدري :icon33: لين رجعت امي وعلمتها بجيتهم اللي مالها سنع ويستاهلون القهوة الشينة أحد قالهم مايعلمونا بجيتهم وهم اول مرة يدخلون بيتنا ذا الرفلان؟؟؟............>الله اعلم :D
وتراني يابنات كبرت ومازالت فيني نشامتي وفزعتي وأي واحدة محتاجة شي تناديني وتبشر بالفشايل هههههههههههههههههههههههههههههه :icon28:
يالله عاد همتكم بالرد علي وبمواقفكم اللي زيي وبأي مرحلة بحياتكم..