مواقف اختي النوري لايفوتكـــــــــــم روووعه

مرااحب بنات شخباركم وحشتوني واايد فديت قلوبكم ياعسولات الانسان مهما كان لازم تمر فحياته محطات أحيان طفش وملل واحيان وناسه وفرح وأحيان حزن وكآبه كافانا الله وإياكم شر الحزن وآحنا كذا وإلاكذا عايشين
لكن الذكي الي يسلي نفسه بنفسه ومايخلي مجال للهم أنه يسيطر ع حياته فأنا يامحاكيتكم معرف أدبر فالوناسه شي لصالح نفسي لكن الله عطاني أخت الله يخليلي إياها تموت بالضحك والوناسه وتختلقها آختلاق (أختي النوري) : نكتة العائله زي مانسميها تموت فالضحك والاستهبال والمقالب ومفي أحد فالعائله سلم من مقالبها والكل متحلفين فيها فيوم زواجها راح يسوون فيها مقلب لكن هيهات هذي النوري وإذا أحد شافها ساكته يدري ان وراها مقلب اومصيبه زي مايقولون أهلنا:مالكم فالطويله من مواقفها
مره ترقدت كمرافقه ويا جدتي فالمستشفى فالسعوديه وكان الجو بالنسبه لها طفش تعرفون يدتي مره كبيره فالسن وتعبانه فتنام بدري فالنوري موجوها تنام هالحزه فطلعت تمشى برى كانت تشوف واحد هناك يحاول يتحرش فيها تجاهلته وراحت قسم الممرضات وسألتهم هذا منو ووين السكورتي تبيه يطرده برى كان يقولون لها هذا المشرف استغربت إذا هذا مشرف المستشفى فالله يخلف عالباقي وطلعت برى وحاول يتحرش فيها لكن هالمره ردت عليه وقالت فارج لاتندم جان يرد اعلا مافخيلك ركبيه كملت طريقها وطرت ع بالها فكره وترد قسم الممرضات جان تشوف 6 ممرضات مجتمعات ويسولفون وتدش وياهم فالسوالف>>الاخت قاطه الفيس وتحاكيهم وتحاكيهم بعدين سوت فيهم حركه الله شعرش وايد حلو وإفتحي شعرش ومادري شنو إلا الخبلات الباقيات عجبتهم الفكره وفتحوا وتعرفون الفلبينات أهم شي الاهتمام بالبشره والشعر وكانت وكانت وحده فيهم تغني وصوتها حلو جان تقول ميدها النوري أنا بحط أغنيه وأنتم رقصوا قالوا لا مشرف يجي فطلعت بوكيها ووزعت عليهم فلوس وووافقوا فخربتها وتحط لهم أغاني طق ومن بيهم يالا يالالاه (بغيت البارحه أموت)
تقول أقسم بالله رقص صج صج موأي رقص لفح فالشعور وأنا أحمسهم وازعاج جان يدش المشرف عدوي وهومنصدم من الي يشوفه ست فلبينيات يرقصون بدوي خخخ ومن صدمته ماحس فيني لماطلعت جان أروح للاداره وأقولهم الله يعافيكم احنا معانا مريضه وهني مسوين إزعاج بالمستشفى شوفلنا حل وإلا خلنا نتصرف جان يطلع ويقول تحت امرك اختي واحنا هنا المستشفى نسهر ع راحة مرضانا ومن هالحجي طلع لمافتح الباب ودش عليهم إلا الاخوات وحده تغني والباقي يرقصون والمشرف حاطينه فالوسط خخخ جان يطيح فيهم تهزي والمشرف خذا تهزيئه محترمه وقاله ألحقني الاداره تقول مريت من جنبه وهمستله وقلت شفت شلون أركب أعلا مافخيلي أما الممرضات فكانوا منقهرين علا الجو الي تخرب عليهم مسكينات وثاني يوم لما أختي جات بترد البيت عشان تأخذ غيارات تقول جاو يسلمون علي ع بالهم بأروح خلاص خخخ
ومن مواقفها فجدي كان شايب بس قلبه خضر ويحب الزين وفالربيع طلع بالمخيمات قبلنا وكان معاه تليفون نقال ومفعله أهي بنفسها خدمة الوسائط اوالصور الملونه وكلنا أستغربنا حركتها هذي يعني جدي شله فهالسوالف بس ماعطتنا عذر مقنع ولماراح البر كانت تتصل عليه وتغير صوتها وتسولف معاه فسوالف بدو شلون الذود شلون الربيع والشايب أعجبه الوضع يحاكيها لمدة اسبوع أخر شي قالت بستغله فقالت له ماتبي صورتي كان يرد وهو يضحك إن كأنش حلوه فشل المانع فهي ماسألته عن خدمة الرسائل لأنها تدري انه ماله فهالسوالف فقالت أنا بطرشها بس بشرط لاكنت حلوه بتعطيني 100دينار وإذا شينه تف فوجهي فوافق فتطرشله من صور الهنديات وأهومصدق والعود أعجبته قال بدزلش100بس شلون فقالت تأتيني عند المجمع الفلاني المغرب وأنا بأتيك وأخذها فقال خلاص وماتشوفونه إلامن العصر مجهز نفسه ونشب فالسايق الضعيف وكل محد يبي مشوار قال السايق مشغول ويروح المجمع ومن المغرب يحتريها ماجات تطرشله مسجات كأني جايه فالطريق ولاتتصل معاي وحده وبأتي مشي ولون شنطتي أحمر خخخ والعود الضعيف يحتريها ليما بعد صلاة العشا صلافالمسجد وعود للمجمع لماجات الساعه 9 أبي وعمامي ع بالهم إن يدي فديوانية واحد من الربع إلالما نزلت لهم فالمجلس وقالت روحوا هاتوا أبيكم عند المجمع الفلاني لايضيع ويفضحكم مابي أكسب ذنوبكم يكفي ذنب عودكم وانحاشت لدارها ومافتحت إلامن بكره الظهر وخذت قرصة آذن من ابي وجدي وفطسنا عليها من الضحك
¤أحنا متعودين من نص شهر شعبان إلى نص رمضان نروح أبها نصيف هناك ونستانس في هذاك اليوم والهواء العليل الجميل خخخ صدقتوا بس بعيشكم الجو
المهم كان رابع يوم في شهر رمضان المبارك مثل أمس فالليل النوري رايحه السوق مع الأهل والنحيسه جايبه حبوب مالت الاسهال الله يعزكم أقوى نوع وحابه تجرب فينا بس طبعآ بدون لأحد يدري (هذا النوع ماتستخدمه لا الحامل ولا الي فالنفاس ولا الي مسويه عمليات يعني في اشيا محضوره)فلما صار وقت تقديم الفطور أصرت انها أهي الي تسوي العصير ووقت ماكنا عالسفره وزعت العصيرات فعصير البرتقال وزعت عالكل ماعدا أنا لأني مسويه عمليه قبل وزوجة ابوي الثانيه لأن خلقها ضيق وبسرعه تزعل وزوجة أخوي الصغير لأنها حامل فعلى الفطور أنا قلت ابي عصير برتقال قالت ميدي لا مايصلح لش خذي فيمتو فقلت لا أنا ابي برتقال فرفضت أنا حزت فخاطري حركتها فقال ابي ميدي خذي برتقال وعطيني الفيمتو قالت لايبه أنت فيك حارق بعد ماخلصنا وأول ماجات الساعه 7 الناس طوابير علا دورات المياه الله يعزكم ناس داشه وناس طالعه حتى البزارين خخخ
العماره فيها 8دورات مياه ماعاد كفت وربي كأنه ازدحام ضروري وطول فترة الليل رايحين رادين ليما جات الساعه 7الصباح وأبي صار يتسائل ياناس احنا مأكلين بلى فهنا الأخت بطتها ضحك ليما انسدحت عالأرض وقالت تعيشون وتأكلون غيرها أبي مومصدق يقول ميدها حتى أنا أبيش تجمعيني معاهم لاوفرمضان وصيام وتعب كان ترد أنت ملح العائله والمقالب بدونك مالها حلا
وإنحاشت واخواني كلهم وراها بيعاقبونها
¤في الربيع قررنا نخيم فالسعوديه وفعلآ خيمنا وكان هذاك اليوم جايينا ضيوف من جماعتنا مسيرين علينا فالبر فكان آخي الكبير إسمه محمد حاشرنا كلنا يالحريم فالخيام لأن فيه دآب داش ع خيمة الحريم ومايبي يقول للحريم عشان لايصايحون فيسمعون الرجال اصواتهم فكان يتكلم بشويش ومعصب علينا وكان يدز بزرانه وبزران اخواني لانهم يأتونه والوقت كان فالليل وأخي الثاني اسمه فهد مستغرب ويقول ميده انت شفيك وهو يصارخ يقول مافي شي مايبي الرجال يحسون فشي قاله فهد إلا أكيد في شي وإلا دزيت بزري وبزرانك فقالتله النوري في دآب داش ع خيمة الحريم ومحمد بيذبحه بدون لايحسون الحريم فراحوا اخواني صوب الخيمه وفهد طاح عليه واطي علا ذيله ويضربه فالعصا ويرتفع ويرجع ع ورى وينفض غباره ولايموت طلعت امي وجدتي وحده فيهم تقول سموا تراه سكن والثانيه أتقول خذ حديد بلا هالعصا فجأه تنسدح النوري من الضحك وعرفنا أن لها طرف فالسالفه فالنحيسه شمسويه مأخذه هذا الدآب البلاستك اللعبه ومدخلته من تحت الخيمه والباقي حاطه عليه رمل عشان لايطير مسكها محمد وقال لوأذبحش فذبحش اليوم حلال لكني بحللش تحليل وخلاها تغسل كل ملابس البزران ولاوحده من الشغالات تساعدها خخخ
¤النوري ومقلبها بزوجها¤
بعد الزفه وأول ماوصلوا الفندق (حتى الضعيف ماسلم منها)
الرجال يبي حقوقه والنوري ماعندها يمه ارحميني فبدأ الأخ يتحرش خخخ ويلمح كان تقوله أنا ماحب هالمقدمات دش بالموضوع ع طول الرجال استانس علا باله ريكلس كان يلمح الحياه حقوق وواجبات كان ترد يعني شنو إلا الرجال قلب وجهه كان يقول الرجال له حق علا زوجته كان تقول حقه ع عينها ورأسها تقول احس كأنه بدأ يتنرفز بعدين قال وش تعرفين عن ليلة الدخله قالت اي قول كذا من الاول الرجال استانس وصلنا خير كان تقول هذي اول ليله فالعمر ومعناها دخول المعاريس الفندق خخخ أوم التفكير
كان الرجال ينصدم ويطول عيونه ويقول يابنت انتي هبله والاتستهبلين كان تسوي نفسها زعلانه وتقوله ياخي اذا أنا جاهله فهالأمور انت علمني>ماتستحي خخخ
فالرجال حب يشرحلها فقال أنتي شلون جيتي للحياه موأبيش يكون مع أمش ووو كان ترد ليش انت ماتدري أن ابي ينام فالديوانيه ألرجال خلاص طفش منها قال امشي بنرقد فقالت اذا فيك نوم تيسر بسلامتك أنا مافيني نوم>>تمون الشيخه كان يقول لا امشي قدامي ماعندنا بنات يسهرون >>يتميلح الأخ
وأول مادشوا إلايأذن الفجر كان تقول ميده ياحظك تصلي فرد شنو نعم أنتي ماتصلين وأنا شلي مسهرني لهالحزه قالها عفويه فتقول رديت نفس لامبالاته فقلت ألعن أم المصالح خخخ
وراح المسكين يصلي فالمسجد والأخت راحت تصلي لما دش حصلها تسلم كان يقول هلا ولله باللي ماتصلي والله لأخليش مواصله لليل وأنا ماخلصت شغلي حاولت تبرر لكن هيهات
¤في غرفة الولاده¤
فأول حمل للنوري تعسرت ولادتها وقرروا يسوون لها عمليه وفعلآ سوولها ومن تأثير البنج قامت تخوره وكانت تصارخ بأعلا صوتها نزلوا سروالي أقولكم نزلوا سروالي وكل من فالمستشفى سمع صوتها فضحتنا وكل من يمر علينا ويسمع كلامها يموت من الضحك المشكله معانا أخواني وزوجها وااي صج فشله لاوجات دكتوره سودانيه كان تقولها زروالك زاتو ما موجود كان تقول بصوت عالي أقول نزلوا سروالي وتنادي زوجها بصوت عالي راشد نزل سروالي كان يقول خلاص اسكتي فضحتينا كان تقول أقول نزل سروالي كان يرد معرف يابنت الناس معرف كان ترد أي هالحين صرت ماتعرف هين أنا أوريك والضعيف وجهه يعطي الوان من الفشله وطلع برى واخواني فطسوا من الضحك
أمانه بنات ادعوا ربي يسعدها ويوفقها ..وتقبلوا خالص حبي..وانتظر ردودكم.
للامانـــــــــــه منــــــــــــــــــــــــــقووول:39: