اهلا اختي المسافرة.....
الله يصلح ولدك ...شكله من نفس الفصيلة اليي عندي ....ذكرني بولد جيراننا كان مرة ماسك خيارة وحاط

فيها مصاص عصير......:)

وحدة كمان اعرفها كانت في بيت امها ...قام ولدها دخل الحمام وفتح الموية وسد الحوض وخرج وقفل

الحمام قبل لايخرج .....وبعد شوية اتصلت جارتهم اليي تحتهم تقول الموية قاعدة تصب عليها !!!!

والمناكير سوتها بنت خالي كانت امها تكلم تلفون وهي مسكت المناكير ولاخلت يد ولا رجل وعلى الارض

والتسريحة ....واخوها كمل الناقص واخد المقص وقص شعره......قلت لامهم ماشاء الله فاتحين صالون..

الله يصلح الكل ويعيننا على التنظيف من وراهم ....

ام علاوي......مسكينة صديقتك .....كسرت خاطري......ما شاء الله بنتها غطت على الاولاد

وكله كوم وحقت البيت الغرقان كوم تاني........:)

كيلو ورد .....شرفت ..

بصراحة هو صادق مو انت قايلة كدا؟؟:)

هم الاطفال صريحين زيادة عننا عشان كدا لازم نحاول نختار الكلام المناسب اليي مايوقعنا في مشاكل معاهم

انا عندي ولدي وبنتي الكبار 6..4 مصرين انه كل الكبار في السن في العائلة راح يموتو هذه السنة ..لانه

جدهم اتوفى العام الماضي..

وحاولت افهمهم قد ايش انه الموت مايعرف صغير ولا كبير ومافي فايدة بس لازم احسم الموضوع قبل ما

يطلع برة البيت.....فضايح.....:(

مرحبا اخت حمرة الورد موضوعك حلووو من زمان ما ضحكت مثل
اليوم انا بنتي عمرها سنة مخربة وشقية كتيير قبل فترة دخلت على غرفة
الغسيل ودارت الملطف على الارض وعلى حالها :32:

هلا عزيزتي زينة ....

والله ابني سواها في وانا باحضر نفسي للسفر وخلاني اعيد الغسيل من اول وجديد عشان الملطف جا على الغسيل النظيف..

كمان دحين قاعد ياكل لبن زبادي بدون ملعقة .....واظنه يستفزني عشان مشتهي ضربة ....(على فكرة نادرا ما اضرب ) عشان كدا يفترو في اولادي..