والله صفحة تموت من القهر ..

أنا ما أحب أقرا مواقف زي كدة .. أحس اني أنقهر أكتر من الأم نفسها ..

ياليت من كل وحدة تكتب موقفها تكتبلنا كيف اتصرفت .. لأنه هي هادي النقطة اللي تهمنا واللي ممكن نستفيد منها ..

والله أنا أتحير فعلا اش أسوي لولدي ..

المشكلة مواقفي بالمرة تفشل .. مني دارية أقولها ولا أستر على الولد أحسن ..

آخر موقف حصل لي خلاني أبكي ..

كانت حمرة الورد جايبتلي قصص لولدي من أمريكا .. جديدة ومرة حلوة .. ومعظمها من الكرتون المقسى ..

المهم في يوم عبيت لولدي البانيو عشان يسبح .. قام راح أخد قصصه ونزلها معاه يسبحها ..
لحقته بسرعة وخرجتها .. وكان رامي في نفس اليوم لعبة له من الشباك .. فنزلت ساعتها الحوش عشان أجيبها .. وفي هداك الوقت رجع أخد القصص .. وما دريت عنها غير بعد فترة .. قيدها غرقت خلاص ..

طبعا في المرة التانية ضربته .. ولما رجع زوجي لقا وجهي مقلوب وحكيته قام راح جاب القصص وقعد يكويها ساعتين .. فعلا رجعت زي ما كانت بس الألوان أتغيرت شوية ..

أتذكر مرة كنا مسافرين .. ونزلنا نصلي في مسجد .. قام سواها في المسجد .. هادي أهون قصة حصلتلي معاه في الفترة اللي علمته على الحمام فيها ..

موضوع رووووووعة فعلا أجبرني على المشاركة

سأتكلم عن أولاد أختي
كانت نايمة العصر فاتصل بها أحد الجيران وقال لها
ممكن أطلع سيارتي
قالت له وما المانع
فأجاب : إن أولادك قد رموا عفش البيت من الشباك وسدوا الطريق علي
دخلت أختي غرفة الجلوس
وياللهووووول
الغرفة نظيفة تماما
الخزائن نظيفة لا ملابس بها لاجوارب لا شيء
الوسائد كل شيء كل شيء
طبعا لم تقدر أن تتحمل فضربتهم
ولم تستطع إعادة كل الأغراض لأنها طابق رابع
ونصف الملابس تعلق على الشجرة ‍‍‍!!!!!!

هلا تيمة......
معليش انا كنت اقترحت انه كل وحدة تحاول تكتب التصرف الصحيح ..وممكن تصرفها ... في منتدى لك ونسيت اكتبها هنا
تعرفي كل بيت مليان من الفضايح اليي في بالك بس خليها مستورة ...المهم المواقف اليي ماتكون فضايح

نووووووور ايش هدا هدول فين عايشين ....مسكيييييييينة اختك
اتذكرت موقف لامي الله يعطيها الصحة والعافية ..اهلي يعيشو في مكة والبيت يتأجر في الحج وكانت قاعدة ترجع العفش بعد الحج وقالت لاخواني الصغار(8 ..6 ) روحو حطو الوسائد حقت الكنب في الصالون ....غابو فترة وبعدين راحت امي الصالون لقته فاضي؟؟!!
سألتهم فين الوسائد قالو في الصالون .. قالتلهم الصالون فاضي واخدتهم على الصالون
قامو قالو: هو هدا الصالون؟؟
احنا حطيناها في المصعد:)

قبل عدة اشهر كنت قاعدة استعد للسفر وكنت مسوية عملية الزايدة ومرة نفسية تعبانة وعندي اكتئاب مو طبيعي

كنت احب اجلس لوحدي عشان كدا اخلي اولادي يخرجو يلعبو في البلكونة وهم طبعا ينزلو على الحديقة

وهات يالعب في الطين وكان المطر ماشاء الله غزير مرة

وكم مرة خرجت ازعق فيهم والاقي الصغير مغرز في الطين مو قادر يخرج ومن اوله لاخره بني

على طول موقفي اني احرمهم من الخروج كم ساعة من اليوم اليي بعده لكن للاسف ماكان في فايدة ..ومن

جهة تانية انا اليي كنت محتاجة لخروجهم ......لكن جا يوم وقلت خلاص اليوم انا راح اتفرغ لهم يا سمعو

الكلام يا مافي خروج ...وتركت الشنط وشغل البيت وحطيت راسي بروسهم وقلت اليوم بالذات مافي خروج

عشان لما اقول لاتنزلو من البلكونة ما تخالفو كلامي

وفعلا قعدت طول النهار معاهم وهم قاعدين في البيت وبنات الجيران يدقو الباب وانا قلت مافي خروج

وبعدها تابو خلاص في البلكونة يعني في البلكونة......بس بصراحة ماصدقت ادن المغرب عشان يوقفو زن

مدري انا كيف اتحمل الزن حقهم :24:

سأتحدث عن أولادي هذه المرة
لدي ابنتان (7-5) سنوات
قالت الكبرى لي
تعالي يا ياماما غرفتنا سوينالك حفلة
طبعا رحت الغرفة
ما شاء الله مرتبة
وعاملين كيكة من الألعاب و عصير من الألعاب .... إلخ
طبعا جلست معهم و أكلت وشربت العصير( الفاضي )
وتسلينا شوية
بعدين قلت لهم شكرا على الحفلة أنا ماشية
قالوا لسة يا ماما أحضرنا لك هدية
كان مع كل بنت كيس صغير
فتحته
ياااااااااإلهي
كل الذهب الذي أملكه موزع على الكيسين
حتى عقد الألماس كنت جايبته جديد
وجدته مكسور لأنه لم يدخل الكيس بسهولة
طبعا لم أستطع أن أصرخ عليهم و لا أعمل أي شيء أمام ذوقهم و عزومتهم
أخذت الهدية و أنا مبتسمة بس قلبي موللع
وقلت لهم مرة ثانية لا تقربوا على أغراضي الخاصة
ما رأيك ؟؟؟