مواقف خلال الصيف

السلاااااااااااااااااااااااااااام عليكم ورحمة الله وبركاته
هلااااااااااااااا بنااااااااااااااات الترفيه وش اخباركم وعلومكم احس اني من زمان عنكم وعندي علوووووووووم وش كثرها بقولها لكم الله يعيني على الكتابه ( كني وحده مغصووووووبه ههههههههه)
بصراااااحه والله اني كنت منقطعه عنكم لاسباب كثيره اهمها اني كنت مسافره بس قبل مااسافر كان جهازي رافع ضغطي كنت اجي افتح منتدى عالم حواء ومنتديات ثانيه معه ويفتح لي صفحه المواضيع وبعد ما احاول افتح المواضيع يعلق معي ولا يفتح الموضوع واذا حصل وفتح لي الموضوع خلاص يفتح موضوع واحد ولا عاد ياليته يكمل الصفحه لا هو ووجهه يفتح لي نص الصفحه ويوقف المهم اني ارتفع ضغطي منه وخليته وقلت ياانا يا هو في البيت احلى يا شديده :o ورحت ونمت وقلت خلني اشوفك في البيت بكره وبعد ما قمت القى طويل العمر مرتز في مكانه ولا كأني متهاوشه انا وياه المهم عاد انا طبعا عند كلمتي ياانا يا هو في البيت (امحق كلمه) قلت خلااااااااص اجل بطلع انا ورحت وسافرت ابشركم رحت لمكه وخذت عمره يالله من فضلك الجنه بس جاتنا مشكله وهي اننا مرينا على الميقات وعيالي طبعا معنا وقلت خليني انوي لهم عمره على الاقل القى اجر من وراهم يعوضني عن الغثا الي شفته منهم وبعد ما وصلنا الحرم اخذنا العمره تخيلو اعتمرنا وإنا مانمنا مواصلين يعني وعاد وانا في المسعى كانوا عيالي اذا شافوا ابوهم من الجهه الثانيه لفو في نص الشوط وراحوا له ويوم خلصنا ورحنا للشقه قالوا لي اخواتي انه ما يصلح مدام انك نويتي لهم بعمره لازم يقمون بها كامله حتى السعي المهم قلت لابوهم قلت شف ترى عيالك ما سعو زين يلفون في نص الطريق شف لك صرفه ولا اسال شيخ مدام اننا في مكه وراح وسال شيخ قال له مدام انكم في مكه خلاص خذهم الحين وخلهم يسعون وبعدين يقصرون ويتصل ابوهم علي وقال قوميهم خليهم يتولمون عشان باخذهم للحرم يسعون واجي اقومهم مساكين وهم نايمين قلت قوموا الله لايهنكم روحوا اسعوا وياخذهم ابوهم ويركبهم على ذيك العربيه وياخذهم ذاك الرجال ويالله شيييييد وشيييييييييد (شيييييد هذي صوت العربيه في المسعى) ويرجعهم وبعد ما خلصوا جو وكملوا نومهم ونمنا وقمت انا العشا انا وابونا وقلت له خلنا نروح لسوق الليل الي يقولون عنه الناس مدام عيالنا نايمين ونروح ونخليهم في الشقه نايمين ونروح وشريت خرابيط وهدايا وانا امشي في السوق وجي واحد يبيع هذيك المكينه الي مثل الدباسه وابلشنا شوف هذي مكينه كويس وينشب فينا عشان نشتري وقلت له بكم قال 25 ريال قلت تخليها بعشره انا ابيه يعيي ويروح قال طيب خلاص جيب عشره قلت في نفسي والله الورطه واخذها بعشره ولا عاد الي حر سبدي اكثر يوم رجعت للرياض قالت اختي انها اصلا بخمسه ريال :29:
وبعدين رحنا لجده واستانسنا والله الا شي فيها قهرني والله بس ياليت لي سلطه عليه كان غيرته وهو اننا رحنا لمنتزه في جده حلو هو بس المشكله الي فيه انهم حاطين مسرح للاطفال ومشغلين فيه موسيقى صوتها مرتفع مره والمسرح هذا مفتوح يعني في وسط المنتزه وانا كنت عند بنتي الصغيره مركبتها لعبه وجالسه احتريها تخلص ومادريت الا واسمع المسرح وادور على بناتي الكبار وقلت لاخوي اجلس عند بنتي الصغيره الى ان تخلص وانا بروح ادور الكبار واروح للمسرح ابي اجيبهم والقى العمات مشخصات على المسرح ومشتركات في مسابقه :32:
وهذا الي قهرني والله :44: وقلت ياحليل الرياض و منتزهاتها
وبعد ما طلعنا من جده رحنا للطائف بس ما طولنا فيها جلسنا يومين رحنا فيها للتلفريك الله لا يوريكم ركبت فيه وامسك بنتي الصغيره كل الوقت وانا منزله راسي ماابي اشوف شي :06:
ومانزلت منه الا ورقبتي توجعني ومااقدر احركها وننزل تحت ويجلسون عيالي يلعبون وانا ضايق صدري وشايله هم الرجعه معه مره ثانيه :06:
وبعد ما خلصنا تمشيتنا في ربوع بلادي ومصايفها الجميله رجعنا لبيتنا وبعد ما رجعنا قلت خليني اشوف الجهاز الى الان وهو مصمم على كلامه ولا رجع فيه وابشركم لقيته اشوى يفتح معي زين الظاهر انه فقدني العشر الايام الي رحت فيها وشكله تحسف على الحركات النص كم
خخخخخخخخخ
وسلااااااااااااامتكم هذا باختصار سفرتنا في الاجازه :27: