مواقف شقحه في رمضان.............................؟

السلام عليكم والرحمه بنات حواء ........................؟
شلونكم شخباركم وش هي علومكم ...
بنات الصراحه لكم وحشه مايعلم فيها إلا ربي .........................؟


المهم بنات عندي لكم مواقف شي؟؟؟؟؟؟؟؟؟؟؟؟؟
الصراحه لا أحسد عليها بجد كرهت عمري والساعه ألي ولدت فيها ؟؟؟؟؟؟؟؟؟؟؟؟؟؟
يوم مريت في هيك مواقف ........





قعدت أبكي يومين على الموقف الاول بس شسوى هذا حال الدنيا يوم ليك ويوم عليك ؟؟؟
ويالله أسمعوا وعوا على الموقف الاول ؟؟؟؟؟؟؟؟؟؟؟؟؟؟؟؟؟



في أول يوم رمضان السنه ألي فاتت كان كل بيتنا متجمعين يعني خواتي الثمانيه وأخواني السبعه وحريم خواني وأمي ومرت أبوي ورئيس العائله حفظه الله ورعاه ( ابوي) والبزارين.

كنا متجمعين كلنا على الفطور أذن المذن وتفطرنا كلنا صار هجوم على الاكل ويوم خلصنا
الأكل الواحد يالله يقوم بطنه متروس أكل أنزين كان يقوم ابوي وجمع الجهال

وقعد يسولف عليهم ويسألهم منو فاطر اليوم اي (كلب رمضان )

وقعدوا الجهال هذا فاطر وذاك فاطر وصارت معركه كل واحد يفتن على الثاني

وأنا ميته من الضحك وقاعده أتحرش فيهم وأقول ويييك فاطر يا جلب رمضان..


فجأه ولا خلود أختي عمرها سبع سنين
تليقف وتقول أصلا حتى شقحه فاطره أنا اليوم شفتها تاكل مع الورعان؟؟؟؟؟؟؟؟

أنا أنصدمت:29: انا انصدمت و أنقلب وجهي قام يعطي الوان الطيف يعني لو عند خواتي ومرت ابوي كان عادي بس عند
اخواني كلهم وحريم اخواني وكان بعد اخواني مشعل وخالد يضحكون ونخزون بعظهم
ياو يا فشلتي

عاد ابي ارقع الموقف كان أقول : لا انا كليت عن غير قصد تعرفون اول يوم برمضان
وانا ناسيه ان رمضان .......و ابن ادم مو معفي من الخطأ انت يبه ما عمرك غلطت ......

والي قهرني زياده ان اهلي يضحكون حيل وانا ميته من البكي بس يوم راحوا اهلي

قمت وتوطيت بطن اختي خلود علشان ماتعودها مره ثانيه


الموقف الثاني :

كنت مره رايحه انا واهلي لعند خوالي وهل مره كنت عاقله حيل اول مره بحياتي اعقل كذه

انزين قعدنا وسولفنا وهرجنا ويوم خلصنا رحنا انا وبنات خالي وخالتي وبناتها الاربعه
انصلي صلاة التراويح دخلنا المسجد ولا المسجد ما فيه احد ولا اشوف مجموعه من البنات لبستهم الصراحه

اغراء يعني عباية كتف ضيقه مره ونقاب تكفه لا تطيح والكحل تقول رايحه لصالون وحاطه
مكياج انا الصراحه نرفزني لبسهم ونرفزتني نضرات لبنيه تطالعني كني ماني ماليه عينا كان اقوم وانا معصبه

بس مابين علي اني معصبه رحت عند البنات وقلت السلام عليكم وش اخباركم
ردوا وعليكم السلام ........
كان اقول : خواتي يعني انتوا جايين تصلون والصلاة عباده لربك وانتوا بنات اصغار
لبسكم هذا يلفت النظر وخلي الشباب يلحقونكم و
كان تقاطعني وحده منهم شكلها قرف وتقول: ليش حياتي شيفتنا مفاصيخ بالشارع ولا
لا بسات بكيني ؟؟؟؟؟؟؟؟؟؟؟؟؟؟؟؟

كان أرد عليها وأقول : والله حياتي لو انك لا بسه بكيني ابرك من مشروع عبايه الي انتي الحين لابسته ولا المكياج هذا انتي جايه تصلين ولا ترقصين ترى هذا مسجد مو صالة أفراح

كان تقول : اختي توكلي على الله ابرك لك لا اقوم عليك

قلت قومي شنو بتسوين لا انا ابيك تقومين

كان تطلع البنت وتروح خمس دقايق ولا البنت ترجع معاها وحده كبر الباب مصريه
انا يوم شفتهاالصراحه طنيت بس ما بينت

كان تأشر علي وتقول هاذي

كان تجيني المصريه وتقول: في أيه .
كان أقول: مافي شي انتي الي جايتني انتي في ايه .
كان تقول :هو ايه بتستعبطي علي .
قلت: اعرفك علشان استعبط عليك .
قالت: انتي مالك وبنتي عملت ليكي ايه.
قلت: ماسوت لي شي بس انا جيت ونصحتها وهي فاعت علي كني قارصتها .
قالت: بصي ان قيتي بنتي مره تنيه حوريكي الشغل.
قلت: شوفي حبيبتي انا محترمتك علشانك كبر جدة جدتي وتراني من اليوم ساكته وانتي تغلطي
بس شوفي لا تقعدين تهددين تراى وربي الكعبه ان اقومت الجيش الي وراي ما تلومين الا نفسك
قالت : ايه قدة قدتك لا ياماما خوفتيني.
قلت: اخوفك واخوف عشره من امثالك .

كان تقوم خالتي وهي تعرف المصريه قالت: يابنت الحلال خلاص ما صار شي ومسحيها بوجهي

قلت: تخسي تمسحه بوجهك هي الغلطانه جايه وفايعه علي .؟
كان تسحبني خالتي وتطلعني من المسجد وماكملت صلاتي وتوديني عند جدي وتقول: خذ بنتك.
ويقول: وش مسويه شقحه بعد لا يكون فالقتلها واحد. كان تقول: لا متهاوشه مع ام زينب
قال بعدي بنيتي بردتي قلبي انا من الايام فاقعه مرارتي تصفط سيارتها بمواقفي
قلت جدي خلني اروح اكمل عليها

ولا في هذي اللحظه دخل علينا خالي مصلط كان يقول وين شقحه قلت ها قال قومي يا .......؟
انا تخرعت ومشيت معه يم الصاله ولا اشوف المصريه قاعده تبكبك عند جدتي وامي
ويقول خالي : يالله اعتذري لها قلت: ماني معتذره قال : اعتذري احسن لك قلت : مابي كان
فجأه يصفقني خالي كف اللي يعدل الراس كان اقول : علشان هذي تطقني بنات خالي وبنات خالتي وخلاتي انصدموا من الموقف والمصريه تضحك كان ادق علي خالد اخوي واقوله
تعال مالي قعده في هالبيت .

بس الصراحه بنات هذا الموقف لا يمكن انساه لأن سبب لي حرج كبير وليومكم هذا وانا
ما شفت خالي وان جاء عندنا انحاش مابي اشوفه علشان ما احقد اكثر عليه


ويالله بنات انا ادري ان عندكم مواقف كثير في مضان وابيكم تكتبونها علشان نضحك ونستانس

وان شاله لي مرور مره ثانيه اكتب المواقف المضحكه لا اني تعبت من الكتابه وان شالله
تستفيدوا من اغلاطي لا تنصحون البنات الي من هانوعيه لانكم راح تخسرون ويجرحونكم

والى القاء لا تنسون ابي مواقفكم
وجااااااااااو جااااااااااااااو..............................................................؟