مواقف طريفه صارت،،،ونقطة االانطلا ق من الكتشن (المطبخ)هههه

عزيزاتي العضوات الاحياء منكم والاموات

عفواً

اقصد بالأحياء اللي راح يشاركون بالموضوع ويزيد ونه نشاط وحيويه وملح وماجي وسكروشاهي
واللي أقصده من الأموات الضيوف اللي راح يقرون وراح يحرمونا من تجاربهم ومواقفهم الطريفه وماراح يعلقون معنا
ملاحظه
ماراح نعذرالا: بس اللي ما اشتركوا اساساً بالمنتدى
ندخل على الوناسه والفرفشه:o

كل وحده منا اذاكانت من رواد المطبخ لا بد انه حصل لها موقف أومواقف طريفه<<< حلوه من رواد هاذي،، والمصيبه اذا كانت أصلا ماتد خل أو ماكد سمعت بالمصطلح من أساسه ؟ تصير لا تستغربون !!! فيه بنيات مايعرفون الطريق المؤدي للكتشن ،،،الله لايبلا ناولا جناينا( جناينا= من الاجنه ومفردها جنين )
كل وحده قرماء صارلها موقف ياليت تذ كره لنا علشان نتسلى ونستانس بنفس الوقت نتصور اللي صار
يالله ابي ابدأ بحضرتي <<<< انا أم القرمات( القرمات = من القرامه وتعني السنع ) وهذي الاخيره يبي لها الرجوع الي القاموس القصمنجي ،،، متوفرالقاموس لدي جميع عجز القصيم الله يطرح فيهم البركه ........ عاد اقولكم

كان ياماكان في يوم من الأيام كان أبو تأبط شرأ عنده رجال<<<< (حاتم الطائي علي غفله) جهزت القهوه وملحقاتها(تمر -فناجيل.......الخ) بس مافيه حلى يازين الرجال مهوب مثل الحريم حلى وخبه وعساك تسلمين
المهم القهوه بالعاده عند نا في نجد نبهرها بهيل أحسن مذاق<<<< دعايه عا الطاير
زين المهم,, جاء رجال ماكان متوقع انه يجي ذاك اليوم <<< بس مااد ري من أخبره انهم مجتمعين عند حاتم الطائي،،، الرجال هذا ذوقه ذوق شيبان مايشرب القهوه بالهيل ،،،،طلب مني أبو تأبط شرأ اني احضر وبسرعه فائقه قهوه بمسمار( قرنفل) وأنا من طبعي ماأعرف اشتغل بعجله وربكه،،
وأبو تأبط شرأ فوق رأسي يستعجلني يعني الموضوع صار ربكه بربكه والسبب كله من ها الرجل رجن رجه ،،،الله يرجه رجأً مبرحأ،،خلصت وبهرت القهوه بالسرعه المطلوبه <<<<< مره سنعه وقرمه زي ما قلت لكم
راح أبو تأبط شرأيئبرني يقهوي الرجاجيل ويجلس معهم ،،،وبعد ماراحو في حال سبيلهم ، رحت للمجلس علشان أشيل الاغراض لان ماكان عندي شغاله
لقيت الدله اللي بالهيل خالصه كلها،،والدله الثانيه حقت أخينا بالله بعد مطقطقه كله (يعني منتهيه)
وطلبت من أبو تأبط شرأ(فضلا وليس أمراً) انه مره ثانيه مايربكني<<<< عطيته د رس خصوصي للايام الجايه
تذ كر أبو تأبط شرأً وقال:
الا ويش نوع المسمار اللي انت حاطه بالقهوه؟
رد ت أم تأبط شرأ وقالت:
ليشً؟
رد أبو تأبط شرأًوقال:
ان الرجال :arb: كان متعجب من طعم القهوه ويقول ان المسمارطعمه غريب،،، ماكد شرب زيه
رحت طياران للمطبخ استكشف المسمار اللي أنا حطيت،،،، تد رون وش طلع المسمار؟؟؟؟؟
صاااااار***** ليمون أسود*****
كان مطحون وأنا من السرعه ماميزت انه......
ياحرام راح الرجال فيها،،، والمشكله انه مخلص كل الد له <<<< الظاهر انه كان خرمان قهوه وماصد ق تصير بين ايد ينه
وبالعافيه علي قلبه
هذاالموقف اللي صارمعي،، اذا كان فيه تفاعل مع الموضوع راح اقولكم مواقف اخرى ماأبي اهذ ر أنا لحالي

يالله يابنات الهمه الهمه لا تتأخرون بمشاركاتكم اللي راح توسع صد ركل من تفضل علي الموضوع
الاحياء والاموات يالله صحصحو معنا


ودمتم لمن يحبكم وأنا أم تأبط شرأمنهم



اللهم أصلح ليً تأبط شرأً وتأبيطه وتئبيطه( ذ ري ) أمين يارب العالمين