صباح الورد يا قميلات 💖
أكيد كل وحدة فينا مرت بموقف في طفولتها أيا كان نوعه
محرج .... مخجل ....مضحك .... الخ
أنا 🙋
ما أعرف تصنيف موقفي لكن موقف لا ينسى 😂
المهم
موقفي كان مع القميل ده
خروف العيد ...
طبعاً شرف الضيف بالليل وكان ممنوع الخروج للحوش .. صراحة كان بخاطري
أشوف المزيون
المهم نمت وصحيت أول وحدة .. مو لله كله عشان شوفة المعرس 😂
طالعت يمين شمال الكل نيام .. قلت يا بنت هذه فرصتك تشوفي المدعو
خروف العيد
طلعت الحوش واخدت البرسيم وقلت افطره ذوق ما شاء الله خخخ
بدأنا مراسم الإفطار .. كل ما مديت له البرسيم يفتح فمه واسحب عليه ما أعطيه نذالة 😈 و كل شوي أعيد نفس الحركة وهو صابر ما شاء الله
أخيرا بعد عدة محاولات فاشلة طفح الكيل وقرر تأديبي 😨
طلع مهو مربوط الأخ و بدأت المطاردة تعالو شوفوني وقتها
أخ لفيت ذاك الحوش 100 واصيح بأعلى صوتي ما في أحد ما ناديته
حتى راعي البقالة تذكرته واستنجدت به لكن لا حياة لمن تنادي .. محد صاحي غيري .. طلع حقود هالخروف 😭
المهم فجأة ينفتح باب الحوش واشوف عمي مدري وش جابه داك الوقت
نطيت عليه وتعلقت فيه تخيلته سوبرمان 😂 انقدني من ورطتي الحمد لله
ورجعت رقدت كأنه ما صار شي .. طبعا من كثر ما كرهته حقدت
عليه و ما أكلت لحمه 😂😈
وانتو
كل وحدة تدخل تسدح لنا موقف
يالله