مواقف محرجــــة مفشــلة قاتلــه قاهـــرة ..مع اللغة الانجليزية

السلام عليكم ورحمة الله وبركاته

انا مو من طبيعتي اكتب في الواحة الترفيهية لكن اليوم بالذات حبيت اشارككم بعدة صفحات من دفتر ذكرياتي..

للمغتربين اول مايعيشوا في دولة غربية مواقف وفشايل لاتعد ولا تحصى والتالي هي بعض المواقف المضحكة المحرجة اللي واجهتني بسبب الللغة او عدم الالمام بقوانين البلد جيدا..




الموقف الأول:


اول مايجي المهاجرين كندا يتم وضعهم في فصول انجليزي منفصلة عن الشعب الاساسي حتى يتعلموا لغة وبعدين ينقلوهم للفصول الاساسية..
المهم من زماااان انا كنت واحدة منهم كون لغتي كانت صفر اذا مو تحت الصفر:eek: استاذنا كان له اسلوب غريييييب في التعليم بس مفيييد لدرجة فظيعة...
اول ربع ساعة من كل حصة كان عندنا قراءة صامتة.. و

مرة من المراريت كنت في امان الله اقرا قصتي ومرت علي كلمة مافهمتها وهي deaf
ماكان معي القاموس فرفعت يدي على اساس عندي سؤال..
هو: يس؟

أنا: اش معنى كلمة deaf ؟

هو: سوري؟؟

انا : كررت السؤال..

هو: وااااات؟ (بصوت مرتفع نسبيا كون الفصل كله صامت)

انا: اكرر السؤال للمرة الثالثة..

هو: ارفعي صوتك لو سمحت..

انا في نفسي: لا حووووول وش فيه اليوم الاستاذ

أنا: اكرر السؤال للمرة الرابعة..

هو: وش سؤالك؟؟ واااااات ؟؟؟ مو قااااادر اسمعك..(بصراااااااخ مرتفع لدرجة لفتت نظر كل الموجودين)

انا في نفسي: الاستاذ انهبل انجن وش فيه..:06:

هو: (يزيد في الصراخ ويرفع صوته لدرجة غير محتملة واللي يشوفه يقول واحد متخلف رسمي صار معه صرع)

انا : ( على اعصابي..ياليتني ماسألته هالسؤال اكيد الكلمة مسبه او عيب مو مصدق اني سألته ياها :30:)

هو: رغد ارفعي صوتك مو قادر اسمعك..

انا واتمتم: خلاص استاذ مافي شي بحاول ادور الكلمة بالقاموس بعدين..

هو : (ينفجر ضاحكا)!!

انا: (الحمد الله والشكر صدق هالاستاذ مو صاحي ) :confused:

هو: رغد..deaf يعني الشخص اللي مايسمع واعتذر عن اسلوبي في شرح الكلمة لكن انا كان ودي اعطيك المعنى من غير ماتنسيه ابدا!!..

وفعلا كل الكلمات اللي اساله عليها ثابته في مخي للأبد.. والموقف هذا بالذات من المواقف اللي اذكرها واضحك على نفسي ووكيف كلمة بسيطة مثل هذه عصبتني ونرفزتي ووقللت من ثقتي بنفسي..

ان شاء الله يكون عجبكم الموقف عشان اشارك معكم المزيد من مذكراتي والمواقف المحرجة..
ياليت اي وحدة عندها تجربة مفشلة ومحرجة مع اللغة او الغربة تكتبها ..
في امان الله
رغودة:27: