مواقف مضحكة ......!!!

يمر على الإنسان في حياته بمواقف كثيرة منها المواقف الحرجة التي لا يمكن نسيانها بسهولة !! وقد تكون مضحكة أحيانا ، ومؤسفة أخرى !!
وقد يسمع أحيانا بتلك المواقف التي حدثت لغيره ، فيقف عندها بغير إرادته !
من المواقف الحرجة التي مرت علىّ شخصيا :
ذهبت لمراجعة الأحوال المدنية منذ فترة ليست بالقصيرة لإضافة ، وكانت البطاقات لم تستحدث بعد ولكن كان هناك دفتر النفوس ، أو ما يسمى بحفيظة النفوس وجمعها حفائظ النفوس .
الوالدة حفظها الله سألتني بأن أحضر لها حفائظ أجلكم الله من الصيدلية لأخي الأصغر ، وكانت تلك الحفائظ جديدة نوعا ما !! حتى قبل خروجى وهي تقول : لا تنس الحفائظ !! لا تنس الحفائظ.
وإنا في انتظار دوري وسط الزحمة ، جائني شخص ، وسألني : من أين يحصلون على الحفائظ (يقصد حفائظ النفوس) ولم يأت في بالي إلا حفائظ الأطفال !! وبدأت أصف له باهتمام أقرب صيدلية !!
تركني وذهب ، بعد انتهاء المراجعة وأنا في السيارة ، جلست أضحك لوحدي ، وحمدت الله أني لم أقابل ذلك الشخص إلى الآن !


ـــــــــــــــــــــــــــــــــــــــــــــــــــــــــــــــــــ
إليكم هذا الموقف الذي اضحكني كثيراً وقت حدوثه .
قبل اكثر من سنتين قمت بإنشاء مقهى انترنت ، وفي الاسبوع الاول لافتتاحه دخل المقهى رجل كبير بالسن ، وانيق في ملبسه ، ولبق في اسلوبه ، وكان يبدو وكأنه رجل اعمال ، كان يسال اين صاحب هذا المحل ؟
فقلت له : تفضل اي خدمة
فقال : انا ماعندي اي فكرة على الانترنت .
فقلت له مقاطعاً : يوجد لدينا دورات في تعلم الانترنت .
فقال : اريد الان ان افهم شيئاً وقام بالاشارة بيده الى جهاز الكمبيوتر وقال : هذا جهاز الكمبيوتر ، ثم قام بالاشارة الى شاشة الكمبيوتر وقال هذه الشاشة ، ثم اشار الى لوحة المفاتيح وقال هذه الكيبورد ، واشار الى الماوس وقال هذه الماوس ...... ثم سألني قائلاً أين الانترنت
فلم استطيع ان اتمالك نفسي من الضحك لاني على الفور فهمت بأن هذا الرجل يعتقد ان الإنترنت شي ملموس Hard Ware ، وكان يعتقد ان الانترنت ملحق من ملحقات الكمبيوتر كالشاشة والكيبورد والماوس .
وعندما بدات بالشرح له كان في قمة الاحراج ، وبصراحة كنت محرجاً لاحراجه ، وكان وعدني ان يلتحق باحد الدورات لتعلم الانترنت ، ومن يومها ماشفته
ــــــــــــــــــــــــــــــــــــــ
طيب اسمعو هذا الموقف المحرج الي كان راح يوديني في دهية ,,,,,
كان لي زميل في العمل باكستاني الجنسية وكان يحاول يتعلم اللغة العربية ,,,,ومتفقين انا واياه اني اكلمه عربي X عربي ( من زين القلينزي عندي)
خوينا هذا كان توه عريس جديد ودايم يستشيرني باعتباري اعرف الرياض اكثر منه ,,ودايم يسألني وين ياخذ زوجته للنزهة ووين احسن الأماكن لللتسوق ,,والذي منه ..
ودايم يسولف لي عن زوجته وحياته الأسرية ,,,( مدام انا سوي اكل كويس ..),,( مدام انا روه سوق ..) ..وعلى هذا المنوال..
يا كثر حكيه عن زوجته ..
المهم وفي مرة من المراري ( على قولت اخونا نواف ) قام زميلنا هذا يمدح في ادائي في العمل وكيف اني صرت مميز وانه ما راح يستطيع يشتغل اذا انا ماني موجود ,,, ومن ها الكلام ..
طلبعا انا خذني الحماس وانتفخ راسي وقلت ( ما بدهاش يا هريدي ) لازم ارد على مدحه بمدح كمان
وتفتق ذهني عن رد جميل ( يودي في ستين داهية ) ..
"ومير" اقول له ( مادام انت معاي ما عندي مشكلة ) ,,,,
وما اشوفلكم الأ وجهه تلون كنه صار كاروهات ,,,وعيونه محمرة يطلع منها الشرر,,,
ويقول ...
انت ايش في كلام ,,, مدام انا ,,,, مدام انا ايش فيه ,,,وقلب الموقف 180 درجة
اييييييييه رحنا وطي ,,, راح باله في شي ثاني ,,,, الله يستر ,,, اعرف الباكستانيين ,,,ما عندهم تفاهم ,,," ممكن اروح في شربت ميه "
وعبثا حاولت افهمه اني اقصد شي ثاني ,,, المهم طلعت روحي الين استوعب اني ما اقصد زوجته واني كنت احاول امدحه
ــــــــــــــــــــــــــــــــــــــــ
على طاري مشاركة واحد من الاخوان والقزاز النظيف في الأسواق الي ما تحس انه قزاز .
هذا يا طويل العمر فيه عجوز كبيرة في السن راحت للسوق وطبعاً تشتري على كيفها ، العجوز مستأنسه في السوق ، تقول وانا اتسوق شفت لي حرمه جايتني . العجوز توقعت انه وحده من جماعتها والحقيقة انها هي الي في الصورة تقول وانا اطالع الى الحرمه تقرب مني وتقول وكل شوي تقرب مني فما مني الا ان رفعت برقعي علشان اسلم على خويتي الي من زمان ما شفتها .
وهي متحمسه بنت الحلال للسلام وترفع برقعها ويالله خذ ضربه في القزازه وبوسه على المراية . وتقول ولا ادري وش صار في ما دريت الا واحد من العمال ميت من الضحك علي . دريت ان الي سلمت عليها هي انا وان الصورة صورتي في القزازه .
ومن يومها معاد راحت للسوق .
ــــــــــــــــــــــــــــــــــ
واحد زاير له مريض في المسشتفى العسكري . يقول واخذ معي ابوي الكبير في السن علشان يزور صديقه .
المهم يقول يوم زرنا المريض وخلصنا وجينا بنطلع قام ابوي يزعق وين نعالي وين نعالي اكيد سرقنهن السساتر يا ابوي الله يهاديك وش يبون بنعالك وخاصة ان من الشبشب الرخيص قال لا اكيد هن . المهم بعد المحاولات اليائسة والطويلة نزلنا من اللفت علشان نطلع واشتري له نعال ثانية .
المفاجئة الا ونحصل الشبشب ملبقه عند اللفت في الدور الأول ؟ الشايب على نياته ان اللفت غرفة مجلس رجال . فسخ الشبب عند باب اللفت وطلع اللفت بدون نعال .
يا حافظ هذي شبشب ابوي ؟ والله والشايب ميت من الفرحة لقى الشبشب ما سرقتها السساتر .
ــــــــــــــــــــــــــــــــــــــ
منقول من أحد المنتديات