؛|السلام عليكم ورحمة الله وبركاته|؛
مواقف طريفة مع ازواج غير رومنسيين
ههههههههههههههه
قرأتها في أحد المنتديات وحبيت تقرونها أيضاَ....
1/ وحده من الحريم ملت من الروتين اليومي في حياتها وحبت انها تسوي مفاجئه لزوجهابسهره رومنسيه ...المهم قامت واطلبت الكيكه من الدبلوماسي والعصيرات وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم ......المهم جاء الزوج من الاستراحه وريحته تفوح دخان واستقبلته ودخلته للمجلس وقطعت له من الكيكه وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر.. هي بلعتها وسكتت منب مخربه السهره...قام وكمل ذا الدلخ وقالها الحين وراك طالبه حجم كبير من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب...عاد هي حامت كبدها منه وطفشت وزعلت عليه.......تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)
:06:
2/هذي وحده من البنات توها متزوجه وحابه تسوي حركه لزوجها ...قامت وتزينت وتجهزت وحطت الاضاءه هاديه وشغلت الدخان الصناعي وانتظرته لحد ماشرف...المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديهاوهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...المفروض انها نبهت قبل :hahaha:
3 / هذي وحده من البنات تزوجت وراحت للخارج مع زوجها بعثه للدراسه له ولها...المهم شافت ذا الحمران العطران ورمنسيتهم قالت خل اسوي مثلهم ..وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه.. فقامت يوم من الايام قبل ماتروح للمعهد قالت خلن افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات...قالت إذا رجع وشاف الحركات هذي اكيد بيستانس شوي...المهم يوم رجعت من المعهدشافت زوجها نايم في الصاله عاد هي استغربت وراه تارك السرير ما نام عليه...ويوم صحى وسألته قال الله يصلحك ناثره لي عشب على السرير وشلون انام عليه(مايميز بين الورود والعشب)....بالله مو المفروض تنثر على السرير تين شوكي عشان يتأدب ذا البايخ.....
.
4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا يطلب كل مالذ وطاب على حسابها ..قالت انا اوريه عشان يتأدب ويعزمني بدال ما انا أعزمه...قامت وعزمته زي كل مره ويوم خلصوا ماكلين قالت له اكرمك الله ياابو فلان على العشى...عاد هو شرق بالعصير من الراعه , قال لها وشلون يعني؟؟؟قالت له الله يسلمك الفاتوره دفعتها من جيبك اخذت المبلغ من بوكك قبل مانطلع.....تقول عقبها طاح وجهه تأدب وصار يطلعها كل سنه مره(تعب نفسه صراحه) :o
اتمنى انها اعجبتكم ودمتم بحفظ الرحمن
ـأم كـاادي @am_kaady_2
عضوة نشيطة
يلزم عليك تسجيل الدخول أولًا لكتابة تعليق.
qsaiimya
•
الصراحه ضحكتيني الله يوسع صدرك بالعافيه
الصفحة الأخيرة