ياسمين الفيصل :

الموقف اللي صار هالمره في تنويم مابعد الولادة والسبب اهمال الممرضات طبعا بمستشفى حكومي ونقص كادر التمريض لابد مايصير فيه تقصير خاصة لو عرفنا ان بعض المستشفيات تكلف كل ممرضة ب 15 مريضة مره وحده والسياسة العالمية تقول كل ممرضة لها 4 مرضى كحد اقصى يعني هذا خطأ اداري مايعفي التمريض بعد من تقصيرهم المهم انه فيه والده ولاده طبيعية كانت تدق الجرس للممرضات تبي تروح الحمام ومحد جاها .. لقوها طايحة بالحمام متوفية لانها داخت وضرب راسها على حافة المغسلة .. الله يرحمها عشان كذا اللي تحس نفسها ماتقدر تقوم لاتغامر وتمشي لحالها لو تسويها على السرير..

الموقف اللي صار هالمره في تنويم مابعد الولادة والسبب اهمال الممرضات طبعا بمستشفى حكومي ونقص كادر...

أم غدوتي :

انا بصراحه حبيت موضوعكم ويتكلم عن شيء عشناه والبعض اكيد اخذ منه موقف يا إما سلبي أو إيجابي .... انا اللي بذكره انا الحمدلله مريت بمراحل ولادات فيها الحلو وفيها المر ... بس سؤالي انا الحين حامل والله يسهل علي ان شاء الله اضطريت اروح للطواريء وانا بالشهر الخامس كنت اعاني من صداع شديد فقط بس بحكم اول حمل لي توائم بسم الله ماشاء الله وعندي مشاكل بهرمون الحليب كانت استشاريتي اللي اتابع معها توصيني بشيئين مهمين اللي هم اذا حسيت بصداع اروح للطواريء ع طول وان ممنوع علي الكشف المهبلي خوفا علي من حدوث ولاده مبكره والاستشاريه كانت كل موعد لي تراقب فتح عنق الرحم عن طريق السونار ولكن للأسف رحت الطواريء وذاك اليوم صادف انه كان بقسم النساء والولاده اخصائية ما انساها طول حياتي دخلت عليها اشرح حالتي ولا تناظر فيني للأسف وعلى طول قالت ع السرير سوت لي سونار والله الشاهد يا دوب حطته ع بطني وقالت يالله بكشف كشف مهبلي انا هينا رفضت حرصا على حملي ولأني ماشيه ع كلام دكتورتي ولأنه للأسف كنا بإجازة العيد حق رمضان يعني مستحيل اقدر اقابل دكتورتي الا بعد العيد .. هينا هي عصبت وتناظرني وتقول انتي هينا تحت مسؤليتي انا ومالها دخل استشاريتك بس اذا بتمشي ع كلامها انا اوقع اخلاء مسؤوليه والله حتى ما نتظرت مني الرد وقعت على ملف المتابعه حقي ورمت علي ورقه اوقع فيها رفض الفحص .. هينا الخطأ على مين ؟؟ احس انقهرت من ردها وطريقة تعاملها معي وانا جايه تعبانه والله كان خاطري ارفع فيها تقرير بس وكلت امري لربي وقلت والله ما انسى الكلمه اللي قلتها مع اني ضد الدعاء على احد بس بطريقتها والله يوم طلعت قلت يارب تنحط بنفس الموقف وبنفس الاسلوب اللي انحطيت انا فيه عشان تحس فينا ..😂😂😂 ياسمين او اي وحده تعرف بقوانين المستشفى تقولي معي حق والا انا الغلطانه لأن ماعمري انحطيت بموقف وهالموقف اثر فيني صراحه وودي اعرف الغلط على مين ؟؟

انا بصراحه حبيت موضوعكم ويتكلم عن شيء عشناه والبعض اكيد اخذ منه موقف يا إما سلبي أو إيجابي...