انا بصراحه حبيت موضوعكم ويتكلم عن شيء عشناه والبعض اكيد اخذ منه موقف يا إما سلبي أو إيجابي ....
انا اللي بذكره انا الحمدلله مريت بمراحل ولادات فيها الحلو وفيها المر ...
بس سؤالي انا الحين حامل والله يسهل علي ان شاء الله اضطريت اروح للطواريء وانا بالشهر الخامس كنت اعاني من صداع شديد فقط بس بحكم اول حمل لي توائم بسم الله ماشاء الله وعندي مشاكل بهرمون الحليب كانت استشاريتي اللي اتابع معها توصيني بشيئين مهمين اللي هم اذا حسيت بصداع اروح للطواريء ع طول وان ممنوع علي الكشف المهبلي خوفا علي من حدوث ولاده مبكره والاستشاريه كانت كل موعد لي تراقب فتح عنق الرحم عن طريق السونار
ولكن للأسف رحت الطواريء وذاك اليوم صادف انه كان بقسم النساء والولاده اخصائية ما انساها طول حياتي دخلت عليها اشرح حالتي ولا تناظر فيني للأسف وعلى طول قالت ع السرير سوت لي سونار والله الشاهد يا دوب حطته ع بطني وقالت يالله بكشف كشف مهبلي انا هينا رفضت حرصا على حملي ولأني ماشيه ع كلام دكتورتي ولأنه للأسف كنا بإجازة العيد حق رمضان يعني مستحيل اقدر اقابل دكتورتي الا بعد العيد .. هينا هي عصبت وتناظرني وتقول انتي هينا تحت مسؤليتي انا ومالها دخل استشاريتك بس اذا بتمشي ع كلامها انا اوقع اخلاء مسؤوليه والله حتى ما نتظرت مني الرد وقعت على ملف المتابعه حقي ورمت علي ورقه اوقع فيها رفض الفحص ..
هينا الخطأ على مين ؟؟
احس انقهرت من ردها وطريقة تعاملها معي وانا جايه تعبانه والله كان خاطري ارفع فيها تقرير بس وكلت امري لربي وقلت والله ما انسى الكلمه اللي قلتها مع اني ضد الدعاء على احد بس بطريقتها والله يوم طلعت قلت يارب تنحط بنفس الموقف وبنفس الاسلوب اللي انحطيت انا فيه عشان تحس فينا ..😂😂😂
ياسمين او اي وحده تعرف بقوانين المستشفى تقولي معي حق والا انا الغلطانه لأن ماعمري انحطيت بموقف وهالموقف اثر فيني صراحه وودي اعرف الغلط على مين ؟؟
انا بصراحه حبيت موضوعكم ويتكلم عن شيء عشناه والبعض اكيد اخذ منه موقف يا إما سلبي أو إيجابي...
انا الحمدلله ربي اكرمني بولدين كلهم بعلاج حقن مجهري
وماقلت لاحد
بولادتي الاولى ولدت والاستشاري كان باجازة وجات اخصائية بعد الولادة وسئلتني انتي حملك حقن بلانجليزي والحمدلله مرافقتي مافهمت قلتلها ايوا وعدت
بولادتي الثانية كمان نفس الاستشاري الي اتابع عندة باجازة وجات اخصائية وسئلت قالت حملك بعلاج قلت ايوا كويس ماقالت بحقن والمفروض مايسئلون عن طريقة الحمل ملفي قدامهم يقرون ولايسئلون وخاصة بوجود مرافق مع المريض المفروض اسرار المرضى ماتطلع حتى لو كانت امي لدرجة اقولها معي مغص وتكرر حملك بعلاج مادري تبيني اشرحلها تفاصيل علاجي وهي كل مااتنوم تجي تتابعيني المفروض خلاص تتطلع على الملف قبل تتدخل على المريض
ايش راايك نفسي ارفع ملاحظتي لادارة المستشفى هل من حقي هذا الشي ولايعتبر عادي ومن حق الدكتور يسئل بكل شي