بنات حواء ، خواتي ، امهاتي
مالي بعد الله احد اشكي لـه وافضفض له
تعودت اسمع همومكم واشارككم ، ادعوا لكل محتاجة للدعاء في ظهر الغيب
تعودت اضيع نفسي بعيد عن تفكيري واضيع مشاكلي بينكم
انا تعبت تعبت من الكلام اللي يجرح من التعليقات اللي توجع
اكتم واصبر وامشي والاقي غيرها بدربي
مع ان عمري 27 الا اسمع نفس الاسطوانة
ياعجوز ياعانس يا ... متى ربي يفكنا منك متى نرتاح من همك
قلت يالله تهون اهلي بأتحمل
وارد بضحكة كبر وجهي وابتسامة وان كان قلبي يحترررق
لكن وصل الحال ان هالكلام ينقال لي قدام الناس
نعرفهم ولا مانعرفهم وتكررت كثير
وامي كل ماشافت وحدة قالت بالله ماعندك عيال تاخذين هالبنت ببلاش
تخيلو حجم جرحي بس اكمل التهريج عشان لا احرج امي
وامس
جو ناس يخطبون اختي اللي اصغر مني
بعد ماشافوها وكذا
دخلت انا اسلم واتعرف عليهم
قالت الحرمة ماشاءالله هذي الصغيرة لان ملامحي وشكلي اصغر من خواتي اللي اصغر مني
ومو مدح لنفسي ولا لشي انا الحمدلله ملتزمةوجميلة ومتعلمة ومانقصني شي على خلاف اخواتي
بس نصيبي الحمدلله وحكمة ربي
قالت امي لاااا هذي اختهم العجوز ماتزوجت ولا بتتزوج بخليها شغالة اخواتهاواخوانها تربي عيالهم
حتى خالتي كانت فيه تأثرت وشفت دمعتها من كلام امي
قسم بالله وجعتني الكلمة قدام الناس اول مرة اشوفهم وتوني دخلت
امي على عيني وراسي اخدم رجولها ، اخواني وعيالهم في عيوني لو ما الله ماكتب لي نصيب
لكن ليش القسوة هذي علي مو كفاية
تخيلوا حتى الحرمة تقول لأمي لا مايصير هذا الكلام حتى لو مزح
وامي مصرة تعيد وتأكد عليه
مايكفي اللي لقيته بدنيتي
مايكفي انا لاتوظفت ولاتزوجت ومحرومة اسمع كلمة ماما رغم اني اموت على الاطفال
حتى زميلاتي اللي تزوجوا قطعوا علاقاتهم بي ليش اهتم بعيالهم من حبي خوفهم من الحسد
صرت وحيدة وكأني حشرة وسط مجتمعي ، محبوسة غصب عني
ممنوعة من كل شي حلو من ابسط احلامي من اقل امنياتي
كلمة تجرح في الطالع وكلمة تقتل في النازل
قسم بالله اني اكتب لكم وقلبي يتقطع ودموع عيني من البارح ماوقفت دقيقة
وقدام اهلي والناس زي ماعرفوني
اضحك وانكت واستهبل واسمع الكلام في ظهري واحيان في وجهي
انا مابي حلول :44:
اعرف ان كل شي بيد الله ومقدر ومكتوب ، وانا اسأل الله كل ليلة واستغفره
اعرف انكم بشر مابيدكم حيلة ولابي شي وربي
كل اللي ابيه تدعون لي ربي يرحمني برحمته
ويؤنس وحدتي ويفرج كربتي ويرزقني ويرزق كل محرومة بزوج صالح وذرية طيبة
ادعوا لي الله يجزاكم بالجنـة ويحقق لكم امانيكم
لعل دعواتكم تكون سبب بعد الله
دبدوبة بس أخلا111ق @dbdob_bs_akhla111k
عضوة فعالة
يلزم عليك تسجيل الدخول أولًا لكتابة تعليق.
اعجووبه
•
الله يوفقك .. تكلمي مع امك في الموضوع بكل جديه قليلها كل شي قسمه و نصيب وانه مايجوز تحرجك وتنزل قيمتك قدام الناس وتتفاول عليك لسا العمر قدامك اش يعني 27 بعدك صغيره بس امك اسلوبها كله غلط لاتسكتين عن حقك تناقشي معاها وحلي الموضوع
أختي الغاليه
مقدره كل الكلام الي قلتيه.ثقي بنفسك لان الثقه هي منبع قوتك واصبري وادعي ربك ولايهمك كلام الناس خليه ورى ظهرك
والله لوكنتي متزوجه مراح تسلمي من كلامهم وراك وراك.اتمنى لك التوفيق والسعاده
مقدره كل الكلام الي قلتيه.ثقي بنفسك لان الثقه هي منبع قوتك واصبري وادعي ربك ولايهمك كلام الناس خليه ورى ظهرك
والله لوكنتي متزوجه مراح تسلمي من كلامهم وراك وراك.اتمنى لك التوفيق والسعاده
شهد 111
•
لاحول ولاقوة الابالله وش اسلوب امك الله يهديها خلى خالتك تكلمها والجى الى الله سبحانه باالدعاء والله يرزقك الزوج الصالح عاجل غير اجل
الصفحة الأخيرة