مرحبا امهات
الجو بارد... والعوايل بتخيم لامحاله بأذن الله
والكشتات قربت وباقي اسبوعين وكلن ينطلق للبر وأكيد عيالكم ينتظرون هالايام بفارغ الصبر؟
طبعا كلنا.. نكون متخوفين وحذرين على عيالنا من برودة الجو وخوفنا ان تصيبهم انفلونزا وتتحول الوناسه الى ضيقه .. بس في النهايه طلعه حلوه وتغغير روتين حق الأطفال..
خلونا نتشارك بأفكارنا شنو الاشياء الازمه اللي ضروري ناخذها معانا حق الاطفال كحمايه بعد الله .. والاشياء اللي تسليهم..
انا راح ابدأ ببعض النقاط الازمه...
الملابس:
- معطف ثقيل
-قفازات و قبعة وجورب
-ملابس إضافية في حالة إتساخها
- بيجامة ثقيلة ( في حالة النوم بالمخيم)
- فوطة صغيرة للتنظيف مع فرشاة ومعجون في حالة النوم بالمخيم
-أكيد الأمهات اللي عيالهم صغار بتكون أغراضهم أكثر من حفاظات وحليب.
الغيارات:
- كيس النوم Sleeping bag
- خيمة صغيرة في حالة تواجدها لديك بالمنزل حيث ممكن أن يقضي الأطفال وقتهم فيها باللعب...
اأطعمه
ممكن اللي يحبه طفلك من المشويات وتشوونها بالفحم مع الكاتشب والمايونيز...
وكعك. صامولي .خبز محمص
من الأطعمة المحببة للأطفال في البر هي المارشملو.. ممكن شكها بأعواد خشبية وشيها على النار...
وممكن البطاطا الحلوه بعد تشوونها
الادويه
خافض الحراره
ومقياس الحراره
والفكس>>>حبيبي اللي مايتخلى عني :hahaha:
وزيت السمسم لدهن منطقة الصدر
ولاصق طبي للجروح00
نجي للمسلي والممتع
الالعااااااااااااااب
الالعاب حسب المكان اللي بتروحون له
مثلا العاب ورقيه طائره وعاد جونا هواء ماشاء الله بكيفون الصغار
وطباعة الخد برسومات حلوه
والكور بأنواعها
ولاننسى الكريمات المرطبه والمناديل المعقمه لأن الجو جاف
بصراحه انا مابحب البر نهائيها بس اضطر لأني الكل اللي حولي يطلعون وما اقدر اقعد لحالي في البيت:44:
واـحسس منه
ويالله ابي كل ام مستعده لطلعات البر ايش اللي لازم تاخذه ومهم بالنسبه لصغارها
المايك لكن0000
كتبته لكم (احب عيلتي) وبعض مقتطفات من منتدى اخر(عروس)
طيب السليب باق حق الاطفال وين نلاقيه بالشرقيه و الى كم المقاسات المتوفره