ام علاء
•
لازالت معكم لى لى وعزيمتها
السبرينق رول
طبعاً الكل يعرفه والاختلاف اللهم في الحشوات
وحشوتي كانت عادية خضار وقمبري
بصل وثوم وزنجبيل اخضر في شوية زيت ذرة
فلفل رومي وجزر وكوسا مقطعين مكعبات صغيرة جداً
وبعدين نحط الملح والبهارات وصوص الصويا
ونضيف لها نص كيس قمبري مثلج يكون مسلوق من قبل
وفي الأخير نحط ملفوف الكرنب ويكون مقطع شرايح طويله ورفيعة جداً
ونلفها في السبرينق رول بالطريقة اللي متعودين عليها
والسبرينق رول من المعجنات المريحة جداً
بحيث انك ممكن تسوي منها كمية وتحفظيها في الفريزير لفترة طويلة
واستخدامها وقت الحاجة
ام علاء
•
عزيمة لى لى
البيتزا وفطاير السبانخ
البيتزا
فطاير السبانخ
بصراحة سويتهم الاثنين بنفس العجينة
وهي عجيتني المعتمدة تقريباً لكل معجناتي
مقادير العجينة
2_ كوب لبن المراعي او الصافي او اي لبن
2_ بيض
1_ ملعقة خميرة بيرة
1_ ملعقة صغيرة باكينق باودر
2_ ملعقة كبيرة حليب بودرة
1_ كوب الا ربع زيت
شوي ملح ,,,, شوي سكر
تعجنيها بـ 3 اكواب ونص دقيق وممكن تحتاجي دقيق اكثر لأني بصراحة ما اوزن الدقيق
المهم تعجنيها حتى تصبح لديكِ عجينة ناعمة
تتركيها تتخمر نصف ساعة حتى يتضاعف حجمها
وبعد كذا ابدأي باستخدامها في أي شي
انا اسوي منها البيتزا والفطاير بأنواعها وخلية النحل
عجينة ممتازة ونتايجها اكثر من رائعة
صلصة الطماطم
ثلاث حبات طماطم وبصلة وفص ثوم تحطيهم في قدر وتحطي لهم موية وتسلقيهم
الين تحسي ان الطماطم بدأت تتقشر اطفي النار عليها
وشيلي القشر عن الطماطم وحطيهم كلهم في خلاط العصير ( الطماطم والبصل والثوم )
واخلطيهم مع بعض طبعاً بدون اضافة موية
بعد كذا حطي شوي زيت في قدر وحطي عليه خليط الطماطم والبصل والثوم
وحطي عليهم نص علبة معجون طماطم ( صلصة ) وقلبيهم مع بعض
واضيفي لهم ملح وبهارات وبهار البيتزا او الاوريغانو
وبس باقي خطوات البيتزا تعرفوها طبعاً
حشوة السبانخ
1_ شدة سبانخ مفرومة ناعم
2_ بصلتين مفرومة ناعمة
عصير ليمونتين
1/2 كوب زيت زيتون
2_ ملعقة سماق
1_ ملعقة صغيرة فلفل احمر بودرة ( حسب الرغبة )
تخلطيهم مع بعض وتتركيهم نص ساعة
ووقت الاستخدام تصفيهم من السوائل اللي فيهم
واحشي فيهم العجينة وشكلها على حسب ذوقكِ
ام علاء
•
عزيمة لى لى
المطبق
أسهل وأسرع مطبق في الدنيا كلها
وهو عبارة عن شرايح رقاق السمبوسة الجاهز
بس يابنات انا ما اخذ رقاق سويتز او البركة او هالشركات
انا اخذ الرقاق اللي يسوونه المخابز وانا دايم اخذه يا اما من مخبز الدانوب او مخابز بنده
يعني بصراحة ماجربته برقاق ثاني
الحشوة
لحمة مفرومة
3_ بصل اخضر ( أو ممكن بصل عادي + كراث )
1_ حبة طماطم مقشرة ومقطعة قطع صغيرة ( انقعيها في موية حارة شوية علشان يسهل تقشيرها )
مكعب ماجي
ملح ,,, كمون ,,, فلفل اسود
3_ بيضات مخفوقة
ملقتين دقيق ( طحين ) مع شوي ماء علشان نثبت اطراف الرقاق
الطريقة
حطي المفرومة في صاج وقلبيها وحطي عليها الماجي والملح والبهارات وقلبيها حتى تشرب ماءها
اضيفي الطماطم وقلبيها واتركيها ع النار شوي مع التقليب المستمر
وبعدين اضيفي لها البصل الأخضر وقلبيهم واطفي النار عليها
طريقة اللف
خذي شريحتين من الرقاق وخلي واحدة بالطول ووحدة بالعرض فوق بعض ( يعني زي علامة زايد (+) )
وخذي شوي من حشوة المفرومة وحطيها في النص وخذي شوي من البيض المخفوق ورشيه فوق المفرومة
وابدأي بطوي اطراف الرقاق وفي كل مرة خذي طرف رقاقة غير الثانية
يعني مثلاً اول مرة خذي طرف الرقاقة الرأسية من فوق وبعدها طرف الرقاقة الأفقية من اليمين
وبعدها طرف الرقاقة الرأسية من تحت وأخيراً طرف الرقاقة الأفقية من اليسار ... فهمتو ؟؟؟ :eek:
وكل مرة تطوي فيها طرف الرقاق حطي من معجون الدقيق بالماء قبل لاتحطي عليها الطرف الثاني
علشان يتماسك الرقاق مع بعض
وبعد كذا حطي مسحة زيت بسيطة في صاج واقلي فيها المطبق
وهو يستوي ويجهز بسرعة ماياخذ وقت
وقربيه مع الليمون والفلفل :)
ملاحظة
يابنات انا حاسة اني ماقدرت اوصل لكم طريقة اللف مضبوط
امااانة اذا مافهمتو قولو لي
وانا اسويها واصورها لكم ولا يهمكم
مو مشكلة الرقاق موجود عندي
ممكن اصور لكم طريقة اللف بدون ما الف داخلها شي
يعني لاتخافون ماراح تكلفون علي ولا راح تتعبوني
شوفو اللي تبغاني اصور لها الطريقة تقول
ولا يردها الا كيبوردها
المطبق
أسهل وأسرع مطبق في الدنيا كلها
وهو عبارة عن شرايح رقاق السمبوسة الجاهز
بس يابنات انا ما اخذ رقاق سويتز او البركة او هالشركات
انا اخذ الرقاق اللي يسوونه المخابز وانا دايم اخذه يا اما من مخبز الدانوب او مخابز بنده
يعني بصراحة ماجربته برقاق ثاني
الحشوة
لحمة مفرومة
3_ بصل اخضر ( أو ممكن بصل عادي + كراث )
1_ حبة طماطم مقشرة ومقطعة قطع صغيرة ( انقعيها في موية حارة شوية علشان يسهل تقشيرها )
مكعب ماجي
ملح ,,, كمون ,,, فلفل اسود
3_ بيضات مخفوقة
ملقتين دقيق ( طحين ) مع شوي ماء علشان نثبت اطراف الرقاق
الطريقة
حطي المفرومة في صاج وقلبيها وحطي عليها الماجي والملح والبهارات وقلبيها حتى تشرب ماءها
اضيفي الطماطم وقلبيها واتركيها ع النار شوي مع التقليب المستمر
وبعدين اضيفي لها البصل الأخضر وقلبيهم واطفي النار عليها
طريقة اللف
خذي شريحتين من الرقاق وخلي واحدة بالطول ووحدة بالعرض فوق بعض ( يعني زي علامة زايد (+) )
وخذي شوي من حشوة المفرومة وحطيها في النص وخذي شوي من البيض المخفوق ورشيه فوق المفرومة
وابدأي بطوي اطراف الرقاق وفي كل مرة خذي طرف رقاقة غير الثانية
يعني مثلاً اول مرة خذي طرف الرقاقة الرأسية من فوق وبعدها طرف الرقاقة الأفقية من اليمين
وبعدها طرف الرقاقة الرأسية من تحت وأخيراً طرف الرقاقة الأفقية من اليسار ... فهمتو ؟؟؟ :eek:
وكل مرة تطوي فيها طرف الرقاق حطي من معجون الدقيق بالماء قبل لاتحطي عليها الطرف الثاني
علشان يتماسك الرقاق مع بعض
وبعد كذا حطي مسحة زيت بسيطة في صاج واقلي فيها المطبق
وهو يستوي ويجهز بسرعة ماياخذ وقت
وقربيه مع الليمون والفلفل :)
ملاحظة
يابنات انا حاسة اني ماقدرت اوصل لكم طريقة اللف مضبوط
امااانة اذا مافهمتو قولو لي
وانا اسويها واصورها لكم ولا يهمكم
مو مشكلة الرقاق موجود عندي
ممكن اصور لكم طريقة اللف بدون ما الف داخلها شي
يعني لاتخافون ماراح تكلفون علي ولا راح تتعبوني
شوفو اللي تبغاني اصور لها الطريقة تقول
ولا يردها الا كيبوردها
الصفحة الأخيرة
طبعاً دايماً طريقة التراميسو معقدة وشغلتها شغلة
هذا غير المسميات الغريبة اللي فيه
والتراميسو تبعي اسهل تراميسو ممكن تصادفيه في حياتكِ
وأنا اطلقت عليه ( تراميسو العجازات )
اول شي وأهم شي في التراميسو هو البسكويت الخاص فيه طبعاً ( ليدي فنقرز )
وفي هالصينية انا استخدمت باكتين من البسكويت
وفي كل باكت برضو باكتين
تشريبة النسكافيه
2_ ملعقتين حليب بودرة مذوبة في كاس ماء
3_ ثلاث ملاعق سكر
6_ ملاعق نسكافيه
( تغلينهم ع النار وتتركينهم على جنب حتى تبرد )
الخليط الأول
2_ علبة قشطة
1_ جبنة فيلادلفيا الحجم المتوسط
2_ ظرف دريم ويب
1/2 كوب حليب سايل
1/2كوب جيلاتين مذوب
( ظرف جيلاتين مذوب بكاس ماء دافيء نستخدم نصفه في الخليط الأول ونصفه في الخليط الثاني )
الخليط الثاني
2_ ظرف دريم ويب
1_ جبنة فيلادلفيا متوسطة الحجم
2_ علبة قشطة
1/2 كوب جيلاتين مذوب
5_ ملاعق من تشريبة النسكافيه
1_ علبة صغيرة حليب مكثف محلى
الطريقة
جهزي صينية ذو قاع متفكك
وحطي في قاع الصينية ملعقتين او ثلاث من الخليط الثاني وساويها بالملعقة ( علشان نقدر نثبت البسكويت على الأطراف )
وبعدين تصفين البسكويت بشكل عامودي على اطراف الصينية
والخلطة في قاع الصينية راح تساعد على تثبيت البسكويت وماراح يطيح ان شاء الله
وبعدين تصفين البسكويت في أسفل الصينية بشكل افقي وبعدين ترشين على البسكويت من تشريبة النسكافيه
ترشينها عن طريق الملعقة ( تنقيط فقط ) لا تكثرين علشان هالبسكويت يذبل بسرعة
أو ممكن تغمسين البسكويت من جهة واحدة فقط قبل لا تصفينه في قاع الصينية
وبعد كذا ترشين طبقة البسكويت بالكاكاو البودرة عن طريق منخل
بعد كذا تحطين الخليط الأول فوق طبقة البسكويت
وبعدين تحطين طبقة ثانية من البسكويت وتنقطين عليها من تشريبة النسكافيه
وبعدين تحطين الخليط الثاني فوق طبقة البسكويت الثانية
وتدخلينها الثلاجة أقل شي 6 ساعات ولو يوم كامل يكون افضل
ووقت التقديم تفتحينها وترشين عليها كاكاو بودرة عن طريق منخل
وممكن تزينينها بمبشور شوكولاتة فليك
انا حطيت لها كم قطعة شوكولاتة من شوكولاين لأنها زايدة عندي :42:
ملاحظة
*** لا تستخدمي تشريبة النسكافيه وهي حارة ابداً
اتركيها تبرد براحتها بحرارة المطبخ
*** نفس الشي بالنسبة للجيلاتين ذوبيه بماي حار واركيه يبرد
*** لاتكثرين من تشريبة النسكافيه على البسكويت
علشان لايذبل ويفقد طعمه في التراميسو