اليوم بحطلكم كيكة وهي موس الشوكولاته اخذتها من موقع نستلة لذيذ!!
هي عندهم صورة بس انا كملتها زياده وحطيت صورة كيكتي!!
المشكلة احم احم :01:
ان نص الكيكة!! محد!!!؟؟؟ :11:
تعرفون شو صار!
ان النص الثاني اعطيتها بيت جيرانا انهم محتشرين يبون النص!!
عسب جيه بتشوفون نص الكيكة مختفي!!! :29:
وبعدين الكيكة سويتها اول امس وامس طلعتها بعدين عطي الوقت تقريبا نص ساعه والكيكة !!!! بح!!!
واختي طاحت علي طيحة -------> الله يسامحج يالزطية ليش ماخليتيلي كيكة! توني ياية من الدوام واشوفها معبرة!!!
توهقت انا :06:-------->مو مشكلة حبيبتي بسويلج بدال الوحده عشر !!!! ---->عيني على الدلع!!!! :30:
واللي صار حضرة السيده البشكارة ضيعت الخلاطة مالتي الحديتين اللي تركب بالخلاطة وحست ادور عليها بارجاء البيت وتميت زعلانة كيف بكمل الكيكة !!!! :06:
بعدين خطر ببالي خطة!!! -----> ام الافكار :42:
خلطت المقادير بخلاط العصير !!!!
بس بعدني زعلانة كيف بسوي كيك!!! حتى اني عاقبت اهلي لازم يشترولي وحده لانهم يعرفون اني مابسوي شيء اذا مافي خلاطة!!!!
بس اكيد مابسويها بقعد على راسهم!!!! :30:
اعتقد اني اخبركم قصة حياتي!!! بس هذي معاناتي مع الخلاطة اللي ضاعت!!! الله كريم!!!!
:(
شكلي طولتها وهي قصيرة!!!!
ادريبكم تبون اعطيكم المقادير!!! :(
تامرون امر يالغاليات!!! :30:
موس الشوكولاتة المثلجة
للعجينة:
- كوبان أو 200غ من بسكويت الشاي المفتت
- 2/1 كوب أو 100غ من الزبدة المذوبة (انا قللت لانكم تعرفون كل ماوادت نسبة الكيكة وانحطت بالثلاجة كل ما لازم تحاولون تكسرون البسكويت يعني يعطيكم عص!!!!)
- ملعقة كبيرة من مسحوق الكاكاو
- للحشوة:
- 400غ من الشوكولاتة المرة المفرومة
- ملعقة كبيرة من قهوة نسكافه السريعة التحضير
- 3 بيضات مع فصل الزلال عن الصفار
- ملعقة صغيرة من مسحوق الفانيلا
- علبتان 170غ من قشطة نستله
- ملعقة كبيرة من السكر الناعم
يُمزج البسكويت المسحوق مع الزبدة في وعاء (خلطت شوية قشطة مع المزيج البسكويت والزبده عشان يعطيه شوية طراوة)
ثم يُمد المزيج مع الضغط قليلاً في قعر صينية مستديرة ذات جوانب متحركة قطرها 24 سنتيمتر
تُذوب الشوكولاتة المرة في وعاء فوق الماء الساخن، ثم تُضاف قهوة نسكافه السريعة التحضير ويُحرك المزيج جيداً ثم يُرفع عن النار.
يُضاف إليه صفار البيض مع مسحوق الفانيلا وتُخلط المكونات جيداً بعضها مع بعض
تُضاف قشطة نستله، وتُحرك المكونات بلطف حتى تختلط جيداً بعضها مع بعض
يُخفق زلال البيض حتى تظهر الرغوة. ثم يُضاف إليه السكر الناعم. يُسكب المزيج فوق خليط الشوكولاتة
يُسكب مزيج الموس في الصينية، يُغطى بورق ألمنيوم ويُثلج لمدة 12 ساعة. (انا خليتها تقريبا يوم كامل)
اذا ماتبين تحطين ورق المنيوم استخدمي صينية بايركس اللي لها قاعده متحركة!
عند التقديم، تُقلب الموس على طبق خاص ويُزال عنها الورق.
الصورة :32:
