موضوعي الثاني عن خلطة زيوتي المعتمده.. من شعر تالف الى صحي وكثيف

السلام عليكم

انا بين فتره وفتره .. اشيك عالمنتدى هنا واقرى اشياء غريبه تنحط عالشعر
واشياء رائعه
وخلطات طويله ما احد له خلق يسويها
و خلطات مختصره و مفيده

فا قلت باحط لكم تجربتي لعل وعسى ربي ينفع بها وتدعون لي

اولا انا شعري دهني جدا
اسود فاتح و اصبغه باستمرار اشقر غامق واحيانا ارجعه اسود بالصبغه يعني تالف
ولو ماصبغته شعري الحقيقي لامع و يزيت بسرعه بس لمعته قويه ولله الحمد

اطرافه جافه وتكش شوي

احيانا تطلع لي قشره

خف شعري بعد الرجيم من قبل 6 سنين ولحد الان ما رجع زي قبل لاني مولاقيه حنا يمنيه نظيفه.. اللي تجي وصصصصصصصصخه تجيب المرض .. لكن مع الزيوت تحسن كثير



الزيوت:

في علبه كبيره حطي

1 دابر املا الاصلي العادي
1 براشوت او اي زيت جوز هند تحبينه
1 خروع
1 زيت جرجير
1 زيت سمسم خاص بالاكل

هذي الخلطه الاساسيه
تغمق الصبغه شوي وتخليها احلى لكنها ما تسود الشعر تماما

الاضافات:
ممكن تحطين بالعلبه ثوم
فلفل اخضر
نوى تمر
محلب

و ممكن تستعملين الزيت لحاله


انا استخدمته لحاله و كثر شعري و تحسن قوامه خلال شهرين
وكانت النتيجه رائعه مع اني كنت صابغه اسود مزرق يعني حرقته في الواقع
لمعه و نعومه و طراوه كأنه مو مصبوغ

و المهم لاحظته يطول بسرعه يعني اسبوعيا اشوف فرق طفيف

جربته مع جل الصبار ((اخذه من الورقه مباشره)) و احط فص ثوم معه بالخلاط
النتائج رائعه لكن لسه ما كملت فتره كافيه لكن حسيت بحكه في فروة الراس وشعري نفسه تحسن كثير واستصح


جربته مع خلطة هاجريه كول
السدر ومغلي البصل والثوم .. يطرررررررررررررري الشعر لدرجه مو طبيعيه
تحسين بالسعاده مع هالخلطه

واخيرا جربته باني امزجه مع زيت فازلين الازرق العادي ((فازلين ربع او ثلث كمية الزيت هذا))
راحت القشره من فروة راسي نهائيا
و زيت فازلين انا استعمله كا سيروم مطري للشعر ما احطه عالجذور بعد كل شاور .. وانصح فيه

و طبعا هي تفرق معي مع الحنا لان مع الحنا يصير مفعول التطويل والكثافه وتطهير فروة الراس مضاعف

افرق شعري كثير في الطول و افرقه في الكثافه
لكن للامانه مو زي الحناء اليمنيه النظيفه.. وهذي ماعاد تتوفر لي لان الحرمه اللي كانت تجيبها انتقلت و ما اعطت اقاربي رقمها عشان نوصيها

عالعموم الله يجزيها خير وين ما راحت نفعتني الفتره الماضيه


طريقتي بالحنا

اخذ حنا يمنيه قدر حاجتي

احط عليها مغلي ((شاي-قهوه-هيل-قرفه-زنجبيل-عويدي-ليمون اصفر-حبة ليمون اسود-كركديه-بصله-ثوم))

اخليه يغلي زيييييييييييييييين في كمية ماء مناسبه

بعدين لافتر صفيته وحطيته على الحنا

و اضيف عسل
وبيضه
والزيت هذا واحيانا بس عافيه احط
وزبادي
وشوي حليب

اخليه يتخمر ساعه او ساعه ونص ((ما اتركه اكثر من 3 ساعات))

بعدين اطحن حبة فيتامين واخلطه واحطه على شعري

اتركه اقل شي 4 ساعات و غالبا 6-8 ساعات تكفيني

و اغسله بالشامبو مره وحده فققققققققققط واغرقه حمام كريم عشان تنل بقايا الحنا
غسلة الشامبو الثانيه عقب يومين يعني مو ثاني يوم علطول!!

هالموضوع يكرر كل شهر مره او كل اسبوعين حسب حاجتك..

كان شعري طويييييييييل لين اردافي
وكان اكثر من الحين بالضعف يمكن

وكنت ما استشوره نهائيا بس البنات يجون يلمسونه بالجامعه ويسالوني عن طريقتي بالاستشوار وكذا


لا تنسون ان شعري ينكش من تحت الرقبه بسبب جفاف اطراف الشعر لكن مع هالخلطه كله لمعه و ملمس واحد متجانس


اللي بالخبر وعندها حنا يمنيه باشتريها منها


واللي تستفيد تدعي لي ربي يتمم علي الصحه والعافيه والستر و ينزل وزني بصحه ويسعد اخواني وخواتي ويوفقهم في حياتهم حبايب قلبي
ادري طرار ويتشرط بس الدعوه ما تكلف على احد فلوس .. ببلاش



:27:
و شكرا لكم