موضوع امي وابوي والمستجدات.

السلام عليكم ورحمة الله.


كيفكم يابنات حبيت اعطيكم اخر شيء صار معايا بموضوع اهلي.


قبل كم يوم اتصل عليّ ابوي الله يسامحه وانا لي كم يوم ما ارد عليهم بسبب انشغالي بالسوق وفي بيتي وقلت ليش ما ارد دامني ما غلطت ولاقلت لامي شيء يغضب ربي بالعكس " رديت وكانت كل المكالمه مدافعه عن امي وشايفين ان خرجوهم مع بعض شيء ما يخصنا ومو من حقي اتكلم ختم كلامه معايا انو والله لو ما قفلت على الهرج واحد سمع فيه لينشر عني اشياء تهز شرفي او تشكك زوجي فيني طبعا انا ما اهتميت للكلام وبعدها قفل وقالي انو اخواني زعلانين مني مره وانا كل شي بالكون الا اخواني سواء اولاد ولا بنات قمت قلت له اخواني اعرف كيف اصالحهم متاكده وصلهم شيء غلط وقالي لو رجعو كلموك عطيني بجزمتك ومن هالكلام قمت سويت قروب لاخواني الاولاد واختي الي اصغر مني بس متزوجه وارسلت لهم محادثتي مع امي واني ما تكلمت فيها وقلت انتو اخواني الكبار والي تشوفوه انا بمشي عليه ، اتفقنا اني ما اتدخل لو ايش يسوون هم كبار وكيفهم طبعا قلت كذا عشان اراضيهم بس المهم سامحوني ع طول وبعدها ب ٣ دقايق امي دقت ورديت كيفك وكذا شوي قالت والله لاخلي فلان يطلقك قمت ضحكت لاشعوري قلت كيف بتسوي لنا سحر قالت الي كان اهم شي اطلقك منه ولاخليه يشك فيك ولو هو رجال بوقتها يخليك بذمته اما خليتك تجين خدامه عندي انا استفزني الكلام بس ما قلت غير كلمه الي تقدري عليه لا تقصري وقفلت بوجهي وهي تسب طبعا ارسلت لي انتي بنت .. وانتي خبيثه وكلام كثير كان كل ردي تمونين وتسلمين يعطيك العافيه وسوت لي حظر وبعدها كلمتني خالتي قالت امك رفعت قضيه على خالتك الكبيره انها كانت تعذبها واحنا وخيلانك وقفنا ضدها < الي تكلمني نفسها الي علمتها وهي تخاف ربي وما تظلم احد .. المهم انو قالت الاستشاريه بتكلمك احنا قلنا نبغا ندخلها مصحه نفسيه قلت هي قاعده تهددني كيف راح افيدكم < السالفه طويله بس اليوم دقت علي بنت عمتي انسانه لا ازكيها ع الله بمعنى الكلمه هي بعد الله جعلتني اختم القران واعرف فضل الاستغفار وامور كثير . المهم اتصلت وقالت لي ان عرفت ابوك يكذب عليا قمت حكيتها كل شي قالت والله ما كنت ادري تخاصمت مع جدتي والكل بسبب اني اقول ابوك مسكين وحرام نظلمه ليش يكذب عليا ف الاخير قالت انا بكلمه واعقله عشان يعرف ربي مضبوط ..


الحين خالاتي يستنو المحكمه على القضيه حقت امي وخالتي ارسلت لي الله يصرنا عليهم وعلى ظلمهم .. انا ما ادري وش اقول والله جالسه ادعي ربي يهديهم امي وصلت نفسها لهالمرحله وفكت باب كبير للشيطان وتراكم الحقد بقلبها لا تقولو ذي امك والله اني احبها بس الي هي تقوله وتسسويه شي يغبن ولا كاننا عيالنا وذولاك اخوانها حلفت ترجع تنتقم من الكل ولما احد ينصحها تقول انت كافر انت ماتعرف الله وكلام ثاني ... الله يصلحهم ويهديهم بس حبيت اعلمكم بالجديد


وان شاءالله لو صار شي ثاني بعلمكم فيه وربي يسعدكم 🌷🌷🌷.