العادلة
تعديل التقييم
والتقييم الناقص هو الفلاتر والأكشن طبقت في الدرس اللي بعده ما حضرت الدرس

السلام عليكم ورحمة الله ,,

هذا تقييم الدرس الجديد والأخير في جزئية الفوتوشوب ,, وما راح يكون فيه نجوم ولا ماسات والسبب لأن فيه تتويج عليه وشكر وشهادات بالأسماء للمشاركات والمتفوقات خاصة ومفاجعات

قررت أخلي التتويج قبل جزئية الايميج ريدي لسببين
الأول إن الشغل اساسا كله على الفوتوشوب والايميج ريدي تكميلي يعني الفن كله والابداع في الفوتوشوب
الثاني ما اضمن صراحة بعد نهاية الايميج ريدي إني افضى لموضوع الشكر يمكن أولد :icon33:

طبعا مسموح التعديل لكن تغيير التصميم لا , لأن التصميم اللي ينحط في موضوع التطبيقات هو اللي راح أعتمده

يلله نرجع للتقييم , راح أحط كل عضوة مع تطبيقها عشان مرة وحدة بعدين يصير سهل الاختيار منها بدل موضوع البحث في التطبيقات, وكل تصميم فكرت اسوي عليه تقييم ( ممتاز, أو جيد جدا, جيد, مقبول, ضعيف)

وأول المجتهدات اللي انتظرت طول اليوم
طبعا التطبيقات الصحيحة

--

قمة الوفى



في البداية الدمج للطريق والبيت روعة , في البداية ما انتبهت إنها صورتين حسبتها وحدة
إضافة السيارة ودمجها نفس الشيء منتاز
تأثير إنعكاس النور حلووو
الخامة المائية حلوة لكن لو شفت خامة غيرها أتوقع تكون أفضل
لأن انعكاس النور أعطى فكرة عن وقت النهار ,, والشمس
والخامة كأنها تعبر عن المطر ,, والاثنين ما تجتمع
صورة الطفل على اليسار لا باس بها ,, شاذة مع بقية التصميم الملون
الخط حلو والكلمات جميلة ,, لكن الخط زي ما قلت لك أول شوية مو واضح

التقييم : جيد
تسلم يمينك يا قمر
--

عطر الغلا



فين كنت غاطسة إنت وهذا الإبداع (:
نسيت تذكري موضوع التصميم ,,
الدمج قمة ,, الخلفيات رووعة
الألوان ولااا أحلى
الخامات مرة ما كأنها هي اللي في الأصل
لقطات البنت حلوة ,, الكلام حلو والخط هذا يعجبني ,,
وأخيرا تاثير الفلتر قمة ,, تسلم يمينك

التقييم : ممتاز
--

توتة البنوتة
قصدك يعني دمجت الدرس اللي راح مع الجديد؟




اختيار الخلفية ودمجها مع الكرسي منتاز أعطت جو خريفي
فكرة التصميم حلوة ,, والصور اللي اخترتيها للتعبير منتازة
لكن ظلمت صورة البنتين وهي أكثر صورة معبرة ,, ما لاقت عليها الخلفية وصار فيه زحمة
يعني خلفية الورود والكرسي حلوة لحالها والبنتين حلوين لحالهم
لو اخترت خلفية أهدا شوية ودمجت عليها البنتين بعدين خليت الورد والكرسي مجرد خامة خفيفة
مع الأيادي , لأن بهالشكل صار التصميم مزحوم والألوان كثيرة
الكلام والخط حلوين ,, البرواز حلو بس عريض حبتين
فيه رابط على الزاوية اليمنى تحت لموقع ثاني ,, لازم تشيلي الكلام والروابط عن الصور قبل استخدامها
تسلم يمينك يا قمر
التقييم : مقبول
هذا حق الدرس الماضي


--

فوز أخت فجر
عليكم السلام والرحمة




الصورة الأساسية حلوة ,, طريقة الكتابة حلوة
بس ليه حرف (و) كأن قبلها فيه كلام؟
التأثيرات لا بأس بها ,, الاطار جميل
لكن فيه شيء ناقص مدري ايش هو بالضبط ما أحسه تصميم كامل لأنك اخترت صورة زي ماهي وكتبت عليها وحطيت خامة وإطار,, ما فيه إضافات ثانية أو دمج أو قص أو تأثيرات
ينفع صورة في موضوع يتكلم عن العسل ,, لكن كتصميم لا ..
تسلم يدك يا قمر
التقييم : مقبول
--

همس 2010
مو مشكلة يا قمر
الخامتين روووعة
تسلم يمينك ما قصرت


أحب اختي
عليكم السلام والرحمة ,,
الدمج الأول مرتب ,,
الثاني حلوة العناصر اللي استعملتيها بس خربها المود حق الخامة الملونة
ثقيل مرة غطا على صورة البنت والطيور
لو غيرت المود أفضل
الأخير حق الكتابية أحلى ,,
حلو تأثير الفلتر والخامة عليه ,, منتاااز
تسلم يدك يا قمر
بانتظارك في الدرس الأخير



دروب الغد
الدمج تمام تسلم يدك يا قمر
بس لو مسحت ستوك الشباك عن جسم الولد والطاولة وخليتيها تكون ورا أفضل
يعطيك العافية

دواء الجرح



عليكم السلام ورحمة الله ,,
الفكرة حلوة وعبرت عنها بشكل منتاااز
عجبتني لقطة البنتين والكلمات جدا جميلة ولايقة
حبيت كمان الخامة العنكبوتية
طريقة الكتابة وألوان النص حلوة ,,
الشيء الوحيد اللي حسيته لو تغير يكون افضل هو الخلفية ,, أتوقع لو حطيت الوان فرايحية أكثر يكون أحلى لأن صورة البنتين لايق عليها هالنوع
الشموع لو ما ذكرتيها ما كان عرفت ان فيه شموع لنها مو واضحة ونفس الشيء بالنسبة للخامة الكتابية
والخامة المضيئة حلوة ,, تسلم يمينك يا قمر

التقييم: جيد جدا
--

بحر الود
في الدمج الأول عجبتني الخامة
والدمج نفسه مية مية ,,
بس صاير شكل البنت كأنها تاكل الوردة ^^
الثاني دمج البنت مع الستوك روعة
واللون رهيب
الثالث الخامة المضيئة مية مية
تسلم يدك يا قمر


نويره


الفكرة حلوووة .. الله ينصرهم
الدمج تمام والألوان حلوة ,,
شكل الاطار والظل حلوو
ولو اكتفيت بصورة البنت وحدها أحلى لأن طريقة دمجها في الصورة منتااازة
والخامة أعطت شكل ولون ,, تسلم يدك يا قمر

التقييم : جيد جدا
--

كلمة حق
الدمج رهيييب والأكشن روعة ,,
بس تراك دامجة بخامة وسط إطار
الخامة هي الورق البيج بس أما الأسود اللي حول الخامة مو من الخامة نفسها
وكمان نسيت تمسحي الكلام منها
عموما الدمج صحيح والنتيجة حلوة
تسلم يدك

تطبيقات عليها ملاحظات

أم نونو
حددي يا قمر اي واحد عليه التقييم؟ ولا تنسي عنوان التصميم
بانتظارك
--

العادلة
ما حطيت الكواليس يا قمر وفكرة التصميم
بانتظارك

تطبيقات صحيحة ,,

الشذا الفواح



الحرب شكلها كانت ضروس لأنها جابت نتيجة ,,
أول شيء تطبيقك للفكرة قمة ,,
عجبتني مرة الألوان ,, ناقصها فلتر يقويها أو ينعمها,,
الدمج رائع
لقطة البنت روعة ومناسبة مرة
الدبل والأكشن ولا أحلى ,,,
تسلم يمينك يا قمر
ويعطيك الف عاافية على الأجوبة والكلام الحلو كلك ذووق
لا عادي هات نصايحك خخخ لا تبخلي علي ما راح اتوهق
ويااا رب إني أصير أم اسامة

التقييم : ممتاز
--

توتة البنوتة




فكرة التصميم غريبة وتساءلت كيف راح تعبري عنها
بصراحة اختيارك للعناصر يا توتة حلو خاصة فكرة الدخان والنجوم لكن كتصميم حقيقة ما وصل تمام لمستوى الفكرة
اخترت صورة البدر والبحر كخلفية رغم إن الكلام عن النجوم ,, والنجوم لو اخترتيها في صورة سماء سوداء وتكون مرتبة أفضل
لأنها بهذا الشكل وهي منتشرة جاية حتى على الدخان وهي المفروض تكون ارفع بحكم أفضليتها
وخلفية البدر والقارب أحسها زايدة على التصميم
والدخان لو اخترت صورة ثانية الدخان فيها ارتب وأنحف بدل البعثرة هذي راح يكون أفضل
الكلام جميل جدا ,, لكن الوان الخط مو ملائمة لالوان التصميم
مشكلة التصميم الخلفية ,,
تسلم يمينك يا قمر

التقييم : مقبول
--

فوز أخت فجر




عليكم السلام والرحمة ,,
طبعا تغيير التطبيق تماما موش مقبول لكن عشان يعرفوا البنات إنك حالة خاصة لأنك طالبة بدون تقييم من البداية

التصميم طبعا أفضل من اللي قبله بكثير ,,
لقطة البنت حلوة لو خليتيها واضحة بدل ما تظهر الخلفية وراها من خلال وجهها
الكلام حلوووو وعندك غلطة مطبعية في كلمة أوقضه المفروض اوقظه
الخامتين حلوين ,,
تأثير الانعكاس اللي فوق مو في محله لأن الصورة مظلمة لو كان وقت نهار وشمس ممكن
شكلك كمان مكبرة الصور بزيادة لأن وضوحها قل ,,

التقييم : جيد

التصميم الثاني




لقطة البنت حلوة ,, لو اخترت بنت ثانية على اساس صديقتها ..
الخامة الرمادية حلوة ,, الثانية العسلية مو مرة ,,
ما مسحتيها عن وجه البنت
الستوك اللي على اليسار عمل زحمة حبتين ,, لو اضفت مكانه البنت الثانية أفضل
الكلام حلو ونوع الخط حلووو لكن التاثير الرمادي العريض هذا مش ولابد لو اسود أوضح

تسلم يمينك يا قمر

التقييم : مقبول
--

رغودي عودي




يعني أحلامك الحين تتحقق ^^
الله يعينك على الفورمات

عجبتني هالألوان كثييييير أحبها أصلا
الدمج عندك منتاز
اللقطات حلوة ,, الكلام جميل جدا
فرشاة القلب وستوك الساعة اختيارات حلوة وعبرت عن الفكرة ,,
لكن ستوك القفص أحسه زائد وما كان له داعي ,, حتى البرج
خامة الورود حلوة ولو مسحت عن وجه البنت اللي فوق أفضل لأنها مشوهة وجهها
ولو اكتفيت ببنت وحدة برضو أفضل لأن البنتين مختلفتين لو نفس البنت بلقطة ثانية ممكن
والبنت اللي عاليمين معبرة أكثر عن الفكرة
تسلم يدك يا قمر ومشكوووورة على إجاباتك على الاستبيان
ما قصرت يالغلا
فلتر التوباز والله كان من ضمن درس الفلاتر لكن تذكرت يوم جيت أركبه أنا والحوسة وبالقوة حصلت واحد تمام وكان يبغالي أبحث عنه من جديد في كذا موقع وما كان عندي وقت
فقلت خلاص ما راح أحوس البنات واشغلهم أخليه لوقت ثاني ونسيته بعدين
أبحثي عنه مرة قمة ,,


التقييم : جيد جدا
--

الشيخة لولوه



التعبير عن الفكرة قمة ,,
الدمج روعة ,, والألوان حلوة وهادية ,,
الكلام جدا مناسب سواء العربي أو الانجليزي
والخلفية والخامة كلها روعة ,,
والخط الديواني قمة والوانه مناسبة وناعمة ,,
تسلم يمينك يا قمر
ومشكورة مليون على إجابتك على الاستبيان
أهم شيء تبقق عين خخخ
ماا قصرت ومشكورة على التقييم يا قمر


التقييم : ممتاز
--

عهود أم عبودي




الفكرة حلوة وجديدة ,,
الدمج رائع ,,
اللوان حلوة ,, عجبتني اكثر من الثاني
حسيتها اوضح
لقطة الولد روعة ,, ولو كملت وحطيت صورة ابوه دامك حطيتيها في الكواليس خخخ
أما البنت صراحة زائدة في التصميم خاصة مع حركة التكرار
الخامات والستوكات وكل التاثيرات روعة ,,
الكلام والخط والوانه حلووووين
تسلم يدك يالغلا ,,
ومشكورة على الاستبيان ,, يقطع شرك أجل ما في معلوم خخ
أما يطقووووني عييييين كثري منها هع هع على قولتك
يعطيك العافية على الدعوات الحلوة والله يسهل لنا جميعا أمورنا

التقييم : ممتاز
--

بيلي كات




الفكرة حلوة وجديدة ,,
عبرت عنها بشكل حلووو وقمة ,
الألوان روووعة ومناسبة مرة للفكرة ,, أما الثاني لا كله أصفر صار صيف مدري خريف ^^ حتى بقية الكلام مدري فين راح ما فيه غير ابتسم
لقطة البنتين ولا أحلى ,, ولو اكتفيت بوحدة افضل خاصة اللي على اليسار لقطتها حلوة
الدمج روعة ,,
التأثير على الخلفية حلووو
الكلام والخط حلووووين
ركزي بس على الخامة اللي على وجه البنت على اليسار مخلية وجهها ملون
تسلم يمينك يا قمر ,,,
ويعطيك العافية على الأجوبة الحلوة كلك ذوووق ,, عجبتني ارحميهم من المغناطيسية ههههههه
وتسلمي على الدعوة الحلوة الله يسمع منك


التقييم : ممتاز
--

انتظر مستقبلي




الفكرة مرة غريبة ولما شفت الكواليس قلت مدري كيف التصميم

الخامة الملونة مو باينة ,,
اليدين اللي تدعي حلوة ,, لكن فكرة السرير الفاضي مش ولابد
لأن الشخص المعني مو موجود ,,
الإبرة على اليسار زايدة على التصميم مرة
لأن صورة السرير والغرفة معبرة وكافية
حواف صورة اليدين واضحة مرة خاصة ناحية الشباك وعلى طول الصورة كلها باين
تسلم يدك يالغلا ما قصرت ,, كان فيه خلل في العناصر باستثناء اليدين ,,

التقييم : مقبول
--

سيدة ذوات الحسن



والله عجزت أفهم إنت من أي منطقة كل مرة بلهجة خخخ
خاصة هذي حق الهش بش وحرف ش شكلك تعرفيني هههآآي مو لأنها لهجتي لا ,, بس تعجبني

المهم ,,

دمج البنت بستوك الشارع رووعة
ستوك الساعة حلووو ,,
الكلام والخط والحركات اللي عليه روعة
الفلتر كمان مرة حلووو
الاطار ناعم ,,
لكن اللي على اليمين هذا قرص التلفون مدري ايش هو ما له داعي
يعطييييش العاافية وتسلم يميييينش يا قمر على الاجوبة الحلوة كلك ذوووق والله ا
حرجتيني فين أخبي وجهي
الله يسعدش


التقييم : ممتاز
--