تطبيقات عليها ملاحظات
سويت نس
اختاري واحد يا قمر
بانتظارك
--
أم يوسف
والله أنا أفضل انك انت اللي تختاري افضل
موفقة يالغلا
--
رحاب الور
العفوو والله يسلمك يا قمر
اختاري واحد منهم
--
العادلة
ستوك المبنى والولد والورود ممكن تناسب بعضها ,,
لكن الساعة والقطار بالذات زايد مرة على التصميم لأنه ما يعبر عن شيء
والشجر مرة مشوه وجه الولد ومو واضح
الكلام اصلا على الصورة ما كتبتيه إنت ,, يعني كأنك حاطة خامة كتابية
يعني التصميم ناقص
وممنوع تغيير التصميم
حطي بس كواليس الأول وفكرته
والثاني ما كتبت عليه ,, بس خلاص مو مهم يهمني الأول
بانتظارك يا قمر
--
بريستيج الدلع
اقتراحك في السؤال الأول حق العقاب ما جا في بالي صراحة
واللمعة أكيد راح تكون في الايميج ان شاء الله
وتسلمي يا قمر على الدعوات الحلوة ,, الله يسعدك
أختاري واحد من التطبيقات ,, الأول أو الثالث
موووفقة
تطبيقات صيحة ,,
أم نونو
والله توقعتك ويمكن تمنيت لو إنك اخترت الأول ,, فيه شوية ملاحظات عليه بس كان بإمكانك تعدلي ويضبط
مو معناه إن الثاني سيء ,, بس الأول أحلى ,,
الفكرة حلوة والصورة معبرة جدا
والكلام مختصر ومعبر ,,
لكن بصراحة يا أم نونو التصميم ما فيه شغل كثير ,, الصورة نفسها حطيت عليها الخامة المائية ومسحت عشان تظهر البنت والقبر ,
ما أضفت اشياء ثانية إضافية تعطي جمالية أكثر ,
هي الصورة وحده مع الكلمات معبرة أصلا ,, لكن ناقصها إضافات أحسه ناقص والخامة مو مناسبة التصميم ,,
تسلم يمينك يا قمر,,
التقييم: مقبول
--
أم يوسف الجميل
ألوان الخامات والستوكات اللي اخترتيها حلوة ,, أحسها راحت في التصميم ,,
لو شفت الأكشن أثر عليها كنت غيرت الأكشن أو حطيت تأثيرين أو ثلاثة ,,
خامة الفراشة الضوئية مو مبينة ,, وصورة الشنطة والعقد لو ما حطيت الأصلية ما كنت عرفت ايش هذا
دمج البنت حلوو ,, اللقطة حلوة ومعبرة ,, الكلام جميل
الخامة الضوئية الثانية حلوة ,,
عاجبني لون الورود بس التأثير مرة بهت الألوان ,,
تسلم يدك يا قمر
ويعافيك ربي على الأجوبة الحلوة ,, والله لو أحصل وقت ما ابخل عليكم ..
مشكوورة يالغلا
التقييم: جيد
--
رحاب الورد
يمكن تعبت على الأول لأنه مزحوم والثاني أحلى ,,
طريقة الدمج حلوة ,,
الخامات الوانها حلوة كلها باستثناء اللي في النص فوق خامة القلوب أحسها زايدة ,,
صورة البنتين على اليسار حلوة ومعبرة أكثر من الثانية ,,
وكان أحلى لو استخدمت صورة بنتين واضحة وجوههم وصورة كبيرة
التصميم صغير شوية ,, وصاير مزحوم شوية ,,
الكلام جميل بس خارج على الاطار شوية في كلمة (الرغيد)
ولو اخترت خط أبسط من الديواني لأنه متكلف والتصميم مليان أصلا
تسلم يمينك يالغلا ,,
والعفووو يا قمر كلك ذوق ,,
يعطيك العافية على الاستبيان ما قصرت
التقييم: جيد
--
أحب أختي
الحين أفضل بكثير ,,
وصارت أوضح وارتب ,,
تسلم يمينك يا قمر
ما قصرت
--
إكرام
الفكرة حلوة ,, اللقطات مناسبة ومعبرة ,,
الكلمات جميلة جدا ,, والخط وتنسيقه حلوين
خامة القلوب حلوة ,, البالونات لو ظهرت أحلى لأنها راح تعطي للتصميم لون مناسب ,,
لأنك تتكلمي عن التفاؤل وألوان التصميم عكس وداكنة
ما حولت تدمجي صورة البنت والآلة الموسيقية أكثر بالخلفية ,, اكتفيت بمجرد وضعها
تسلم يمينك يا قمر ,,
ومشكوورة يا عسل على الاستبيان كلك ذوق ,, ما قصرت ,,
والدروس كانت متدرجة من الأسهل للاصعب شوية ,,
جزاك ربي كل خير ووفقك
التقييم: مقبول
--
جرح الزمن
فكرة التصميم حلوة ,, ولقطة البنت مناسبة جدا لها
عكس ستوك البيت ,, صورته كئيبة شوية وباردة ,,
حتى الخامة الكتابية تتكلم عن الحب ,, لو اخترت غيرها أفضل
البنت الظاهر كبرتيها أكثر من اللزوم لأن وضوحها خف وشوه التصميم حبتين
ستوكات الورود وألوانها مناسبة جدا للفكرة بس خربها ستوك البيت والخامة الكتابية وقلة وضوح صورة البنت
تسلم يمينك يا قمر ,,
ويعطيك العافية على الأجوبة ما قصرت يا قمر
الله يسمع منك ويجزاك كل خيييير
التقييم: مقبول
--
نظر عيني
يا عيني يا عيني على الخلفية والمدخل شييييء ^^ ما يضحك بالعكس روووعة خاصة المدخل مرة عجبني
الدمج عندك حلووو ,, اللوان متراكبة مرة ,, ومعطية جو
نوع الخطين روعة ولونها مناسبة ,,
شكل الاطار حلو ,,
بس ما احس فيه ترابط بين الجملتين
كأنك حاطة فكرتين في تصميم واحد ,,
العبارة الأولى تناسب البنت على اليسار
والثانية تناسب اللي على اليمين
وكل الخامات مناسبة للتصميم ,,
تسلم يدك يا قمر
والله يسعدك على الأجوبة والكلمات الحلوة ,, هذا من ذوقك ,,
وإن شاء الله إني استاهله
يعافيك ربي يالغلا
التقييم: جيد جدا
--
أسرار مكنونة
الصورة اللي قبلها ما ظهرت
فكرة التصميم حلوة لكن ما عبر التصميم عنها فعلا
ممكن تكون صورة البنت مناسبة لكن بقية الإضافات لا ,,
أول ما لفتني في التصميم هو الإطار واللخبطة اللي تحت ,,
فيه خطوط واضحة وحواف الخامات باينة
حتى من فوق نفس الشيء
خامة الوردة والخامة الضوئية حلوة لو ظهرت أكثر ,,
أما الخلفية وستوك الساعة ما تعبر عن الفكرة
ودمج البنت واضحة الحواف حولها غامقة في الخلفية الفاتحة ,,
ولون الخط أشوفه مو ملائم وعبارة (لا ذكرت) بالقوة قريتها
تسلم يمينك يا قمر ,,
والاستبيان ماااا قصرت يالغلا الله يعطيك العافية ,,
كلك ذووووق والله ,,
الحين ما عندي مانع لو تولدوني خخخ
يسلمك ربي يا قمر
التقييم: مقبول
--
سويت نس
كثرررررت يا قمر خامات ,,
رغم إن الفكرة بسيطة ,,
لو اكتفيت بخامة ضوئية وحدة ,, والنجمة بلاش منها
الخامة على شكل خلايا حلوة ,,
الكلام جميل والخط حلو ,,
الاطار مناسب ,,
تسلم يدك يالغلا
وطلتك أرووع يا قمر ,, يسلمك ربي
التقييم : مقبول
--
أم جنو
ستوك المحطة حلو لو دمجيته هو والبنت على الخلفية واكتفيت فيهم بدل ستوك الشارع والبنت الثانية
لأني أحسهم سووا زحمة
خاصة البنت الثانية الصغيرة ما كان لها لزوم ,,
صاروا 3 اشخاص مختلفين في التصميم ,, الثالثة اللي واقفة ورا متكية
الكلام جميل لكن لون الخط مو ملائم ووضوحه مرة قليل
مدري هو الخامة مأثرة عليه والا انت كبرت التصميم بعدما كتبت
تسلم يمينك يالغلا
التقييم: مقبول
--
كريستال روز
دمج البنت حلو بس شكلك قصيتيها ,, واضح على الحواف المسح
لو دمجتيها بالختم أتوقع تكون أحلى ,, أو اخترت وحدة لابسة غير الأسود لأن أحس فيه تناقض كبير بين البنت والخلفية الفاتحة
الخلفية حلوة والخامة الضوئية أحلى ,,
الكلام حلو والخط مناسب ,,
تسلم يدك ,, ومشكورة يا قمر على أجوبتك على الاستبيان ما قصرت يالغلا
يعافيك ربي
التقييم: جيد
--
أسرار مكنونة
ألوان التصميم روعة ,, ناقصها تأثير فلتر
الدمج قمة والصور معبرة كلها عن الفكرة ولو إنك ما ذكرتيها لكنها واضحة من الكلام
لقطة البنت مناسبة ومعبرة
الكلام حلو والخط حلوو ,, وتنسيقه بسيط
وحجم التصميم والإطار مناسبين ,,
تسلم يمينك يا قمر
ومشكوورة يالغلا على إجابتك على الاستبيان
ما اتوقع اسوي أي دورة في اي مكان ,, ولو سويت راح أعطيكم خبر عشان نجتمع مرة ثانية ^^
ولو فيه وقت كنت عمل درس المطر والثلج في الايميج بس يادوب جمعت أشياء اساسية
يعافيك ربي يا عسل
ما قصرت
التقييم: ممتاز
التصميم ككل حلو والوانه حلوة وكل شيء معبر بقوة عن فكرة التصميم
الخامات حلوة والكلام جميل جدا
ليتك استخدمت التأثير هذا على التصميم الأول راح يكون أجمل لو كان بنفس قوة اللوان
تسلم يدك يا قمر
--
منى SH
فكرة التصميم حلوة ,, ألوانه حلوة ,,
الكلام جميل جدا وطريقة تنسيقه لا باس بها
خمات القلوب لو اكتفيت بوحدة تكفي ,,لأن الثانية اللي في النص مو باينة ,,
دمج البنت لا باس به .
اللي على اليمين باينة الحافة المستقيمة , ما حاولت تمسحيها بالمساحة الضبابية ,,
الثانية ممسوح راسها من فوق وهذا يأثر على الدمج وطريقة القص
أتخيل لو حطيت بنت تجري أو طايرة في الهوا وحطيت خلفية ملونة أو كانت هي في مكان حلو زي الحديقة أو مكان فيه ورود تكون أحلى ومعبرة أكثر
تسلم يدك يا عسل
ويعطيك ألف عااافية على أجوبتك الحلوة ,, والله يجزاك كل خيييير
التقييم: جيد
هنا الدمج صحيح لكن كتناسق راح يكون أحلى لو صورة البنت ملونة زي الخلفية
الكلام حلو واللقطة معبرة ,,
بس الصورة اللي فوق نفس مشكلة التصميم الأول
الحدود واضحة
يعطيك العافية يا قمر
--
سيدة ذوات الحسن
الحين بدون التلفون أحلى بكثييييير
وعجبني التأثير هذا اللي هو الأول ,,
وكويس إنك حركت البنت وحطيتيها مكان التلفون عشان لا يصير فراغ كبير
تسلم يمينش يا قمر ما قصرت
التقييم: ممتاز
--
العادلة
العادلة انت ما فهمت علي .. تغيير التطبيق ممنوووع ما قلت لك عيديه يا قمر
كل اللي طلبته منك تحطي الكواليس والصور اللي استخدمتيها وفكرة التصميم
لكن انت الظاهر كنت تحاولي كل مرة تحسني في التصميم
بصراحة الاثنين اللي راحت أحلى ,, خاصة أول تطبيق حطيتيه ,, كنت راح أقيمك عليه وطلبت الكواليس بس ما حطيتيها
عموما خلاص راح اقيمك على هذا عشان ما فيه وقت
فكرة التصميم ملائمة للصور والكلام والفكرة حلوين ,, لكن طريقة الدمج مرة موش ولابد
قص ولصق مو دمج
حواف الصور كلها واضحة كأنك اكتفيت بسحبها على الخلفية
الخلفية لو اخترت خلفية غيرها أفضل ,, لأنها ما تعبر عن الفكرة ,, حتى ستوك الكتاب زايد
أنا حاسة إنك ما حبيت أداة الختم أو ما ضبطت معاك ,, لأنك حتى أول ما استخدمتيها
مع إنها راح تساعدك كثيييير في الدمج واسرع من القص
يعطيك العافية يا قمر ما قصرت
التقييم: مقبول
--
بناتي حياتي
ألوان التصميم حلوة ,,
الدمج قمة ,,
الكلام حلو ولايق مع صورة البنت ,,
الخلفية حلوة ,, لو خليت الغيوم مع الشجر راح تعطي شكل برضو ,,
الخامة الكتابية الانجليزية زايدة ومو واضحة كثير
لو كبرت التصميم راح يكون أحلى ,,
تسلم يمينك يا قمر
ويعطيك الف عافية على الأجوبة الحلوة جزاك ربي كل خير ,,
الحركات والأناشيد هذي ببرنامج الفلاش سويتش ماكس ,, تعملي التمصمي على الفوتو بعدين تدخليه في السويتش تسوي عليه الحركة والصوت ,,
الله يعينك على طلبات التصميم اللي راح تجيك خخخ
موفقة يا قمر
التقييم: ممتاز
--
إيمي رر
صباح النور والسرور
العناصر اللي حطيتيها حلوة ,, ومعبرة عن الفكرة ,,
لكن في التصميم أحس صارت باهتة وما فيه شيء محدد واضح
حافة الصورة اللي بقلبين واضحة في نص التصميم
الكلام حلو ,,
الفكرة تحتاج ألوان فرايحية بس نفس مود الخامات ما ناسبت كثير
والخامات غطت كثير على صورة البنت ,,
شكلك كنت مستعجلة يا إيمي لأن تطبيقاتك اللي قبل كانت ارتب وأحلى ,,
تسلم يمينك يا قمر والله يسعدك ويوفقك على الإختصار في الاستبيان^^
أهم شيء طلتك
موفقة يالغلا
التقييم: مقبول
حتى هذا نفس الملاحظات تقريبا العناصر كثيرة وكلها على بعض ما فيه شيء محدد وواضح
والكتابة تكون فوق كل الصور ,, مو تحت الخامات عشان يكون واضح
نسيم الصباح
عليكم السلام والرحمة ,, سلامة مخيخك
ألوان التصميم حلوة ,,
الصور 1 و3 و6 أحسن شيء والباقي أحسه زايد وعمل زحمة
ستوك البيت و4 و5 مو واضحة كثير ,,
لو استخدمت خامة ناعمة قريبة من هالألوان ودمجت عليها البنت بشكل أوضح مع الستوك 1
حجم التصميم صغير ,, وتكرار صورة البنت في الاطارين حلوة لكن مع مساحة أكبر ,,
والكلام محشووور ,,
العبارة حلوة والخط حلو
التصميم يشوش صراحة فيه اشياء حلوة بس اللي مخرب هو المساحة الصغيرة خاصة إن الدمج عندك حلو بس المساحة خفضت جمال التصميم ,,
تسلم يدك يا قمر
ويعطيك العافية على الأجوبة الحلوة
وجزاك ربي كل خير .. طلتك أحلى يا قمر
التقييم: جيد جدا
--
غزلان
اللون الأزرق نقطة ضعفي
قمممة اللوان مرة عجبتني
اللقطة حلوة ,,
دمج النافورة مع الصورة رووعة مع إن الخامة غطت عليها ,,
الخامة الكتابية حلوة ,, والضوئية أعطتها اون حلوو
الورود على اليسار حلوة ,, وألوانها رايقة ,,
لكن ستوك الساعة اللي معها أحس ما له داعي
الكلمات والخط حلوين ,, حركة القلوب حلوة
بس ما مسحت الحقوق اللي تحت والتاريخ على الاطار الأبيض
تسلم يدك يا قمر ويعافيك ربي على الأجوبة والأدعية الحلوة ,,
أحبك الله ,, الله يجزاك كل خير ويوفقك
التقييم: ممتاز
--
هنا نفس الملاحظات تقريبا ,, لكن الألوان أحلى وأهدا واروق
الخامة الكتابية هنا أحلى ,, وأوضح
صورة البنت والولد فوق أحس ما لها علاقة بالتصميم حتى لو تعبري عن حبك لأنه تعبير عن حب المدينة مو شخص
وأكيد الأول أحلى ,,
يعطيك العافية
--
بريستيج الدلع
ألوان التصميم حلوة ومتناسقة ,,
دمج البنت على اليمين منتاز ,, كأنها من الصورة نفسها
دمج الستوك بالخلفية روعة
ألوان الخامة حلوة بس مو باين انك استخدمتيها على التصميم
اللقطة الثانية للبنت حلوة لو أظهرتيها أكثر
فيه شيء دائري على التصميم ما فهمت إيش هو
الكلام اللي فوق حلو والخط حلو لكن مرة مو واضح ,,
الثاني عكس الصورة ,, تقولي ماهو برد عظام والبنت بردانة ^^
تسلم يمينك يا قمر ,,
التقييم: جيد
--
دمج الولد بالخلفية روعة خاصة إنه حامل مظلة ,,
بس مو راكب مع الكلام ,, العين جاية مع التصميم
الستوك المائي حلو وطريقة دمجه روعة
والخامة حلوة برضو ,,
التصميم هذا توقعتك تختاريه يكون عليه التقييم ,,
صراحة اشوفه يحتاج تعديلات بسيطة ويصير أحلى من الأول
عجبني مرة دمجك للسكة مع صورة البنت
الكلام حلوو ومعبر مرة مع وقفة البنت والساعة ,,
وعجبني دمج ستوك الجسر
البنت اللي عند الشباك واللي على اليسار أتوقع جزء من محطة القطر
المهم حسيتهم زايدين على التصميم ,,
الخامة الكتابية لو جات على جهة وحدة بدل التصميم كامل لأنك خلاص كاتبة بالعربي ,,
والخامة الضوئية حلوووة
يعطيك العافية يا قمر
--
كلمة حق
والله انا أشوف الأول حق ماني مرتاح أحلى واحد ,,
إن شاالله بس يكون هذا اللي تقصديه وما فهمتك غلط
دمج البنت بخلفية المرايا حلو ,, الكلمات حلوووة
ولايقة على صورة البنت ,,
الخامة الضوئية روعة ,,
الشيء الوحيد اللي مسوي زحمة هو ستوك الزهور
لو مسحتيه على الأقل عن البنت ,,
واسمك على الصورة مو واضح ولونه شاذ عن التصميم
تسلم يدك يا قمر
ويعطيك الف عافية على التصاميم والأجوبة ,,
عجبتني سالفة الخلفية الخضرا خخخخ
ما كانت عبط بس عشان تفتحي عمل بمساحة معينة ولون معين ,, لكن هي شخصيا أدري انك ما راح تستفيدي منها
التقييم : جيد
--
هنا عجبتني اللوان ودمج البنت على الشباك
والخامة الضوئية والخط حلوو
ولايق الكلام على صورة البنت البعيدة
أما البنت اللي فوق زايدة ولقطتها ما تعبر
النص السفلي حلو والألوان حلوة ,,
لكن فوق راسها أحس زحمة الورود مع الخامة
الكلام وتنسيق روعة ,, حتى تكرار كلمة العذاب كأنها ظل ..
وتكرار اسمك على الصورة ما له لزوم دامك كاتبته
هذا صراحة موش ولابد
لأن البنت والكلام يعبروا عن شيء وستوك الكتب ما له فايدة
ولا الدفتر اللي قدامها
يعطيك العافية
--
الصفحة الأخيرة
أميرة حبيبي انا
طريقة دمج البنت والباب مع بقية الصور حلوة
لكن لقطة التصميم ما تعبر عن الكلام المكتوب
قلت الفكرة حزن والبنت حزينة فعلا لكن الكلام بعيد
الكلام يناسبه مثلا بنت رافعة راسها وتطالع للسما
كمان كثرت خامات ضوئية ,, وحدة تكفي
الخامات على التصميم الثاني أحلى لكن التصميم الوانه باهتة عشان كذا اخترت الأول
الاطار حلو بس مرة عريض ,,
تسلم يدك يا قمر ما قصرت ,,
التقييم: مقبول
--
غيوم الشوق
متى راح توقفي عن اغرائي بهذي الفيسات نقطة ضعفي خخ
لطشت طبعا اللي يتروش واللي ياكل بيتزا واللي يكلم بالتلفوت عشان يصير لطش محلل ههههههه
ألوان التصميم مرة رايقة وناعمة ,,
التصميم ككل واضح وبارز ,,
الدمج منتاز
الخامات حلوة ,,
الخط والكلام رووعة
وممكن الكلام يناسب اللي على اليسار اكثر من لقطة البنت ,,
لأن الكلام حزين والبنت لا
عجبني الاطار البسيط
والفلتر طبعا قمة ما يحتاج ,,
تسلم يدك يا قمر ومشكووورة على الأجوبة الحلوة والراقية
والفيديو عندي لكن المشكلة في التحميل ,, ألاقيها من الاتصال الحلو والا من مراكز تحميل الفيديو الأحلى
التقييم: جيد جدا
--
هالة ,,
سلااامتك من الهموم ,,
هي تطفش بس النتيجة حلوة ,,
كل النتيجتين منتاااازة ومرتبة
تسلم يدك يا قمر
بانتظارك في الدرسين الأخيرة
سوالف ليل
تذكرتك وانت تقولي أحب الزحمة في تصاميمي وأي صورة تعجبني أحطها ^^
ألوان التصميم روعة والدمج قمة ,, عجبني هذا أكثر لأن ألوانه أنعم
الأول صارخ شوية
لقطة البنت مناسبة مع الكلام والفكرة ,,
والكلام حلو والخط
بس لو ما حطيت الخامة الكتابية لأنها صايرة عربي على انجليزي
ستوك الساعة ما كان له داعي ,,
لأنك ما تسألي عن وقت أو زمن ,,
لو اخترت مثلا طريق فاضي أو بيت مهجور يعبر عن الرحيل
ومبين على راس البنت على اليمين مقصوص لو اخفيتيه شوية بالمساحة الضبابية
تسلم يمينك يا قمر ويعطيك العافية على الأجوبة الحلوة
أما سبب تسجيلك في الدورة بحثت ومحصت وراك خخ ولقيت إني رادة عليك في موضوع تصميم فلاشي لك
مدري هو اللي تقصديه والا غيره ,, ما أتذكر إلا هالموضوع
عموما مشكورة يالغلا ما قصرت ,,
التقييم : جيد جدا
--
كلي حلى
طبعا الوان هذا أحلى بكثير من الثاني
ألوانه روووعة وناعمة
الخامات حلوة وستوك الورود روعة
وحلوة النجوم حق الخامة الكتابية بس لو مسحت الكلام الانجليزي منها
الخط والوانه وتنسيقه روعة
وحلوة حركة تكرار كلمة (بسكات) كأنها ظل
تصميم رايق ومرتب
تسلم يمينك يا قمر
ويعافيك ربي على الأجوبة الحلوة ,, الله يوفقك ,,
التقييم: ممتاز
--
دونا
حلوووة مشروع التخرج خخ أجل بحط الدرجة 100
دمج الطريق مع الأبراج رووعة
تأثير الخامة الضوئية حلووو ,, الخلفية غامقة حبتين
الباتيرن حلوو ,,
البنت لقطتها حلوة ومعبرة بس مدري فيها شيء
يمكن مكانها غلط أو لونها شاذ عن التصميم ..
لو كبرت مساحة التصميم وكبرت شوية حجم البنت وأعطيتيها حقها
لأن اللقطة الأصلية حلوة ,, أو حاولت تدمجي البنت مع الخلفية عن طريق تغيير المود عشان تتقارب اللوان
الفلاتر اللي استخدمتيها حلوة ,, ومن ناحية الكشن فعلا إما يغمق الصورة الغامقة بزيادة أو يخلي الوانها قوية وصارخة ونادرا ما تحصلي اكشن يناسبها
يعطيك العافية يا قمر
بالنسبة للاستبيان والله مدري ايش اقول
غير الله يكتب لك ضعف كل دعوة قلتيها ,, ويسعدك على الكلام الجميل اللي قلتيه
والله دمعت عيني على الدعوات ,, الله يجعلني قد هذا الكلام وإني استحقه
جزاك ربي كل خير ووفقك ,, والله يعجل شفاء والديك ومرضى المسلمين
التقييم : جيد جدا
--
الزين شوشو
أول شيء الله يوسع علينا التصميم مرة فاضي صراحة يا شوشو إيش رأيك تضيفي صورة عاشرة ههههه
أجل 9 صور ما شاالله عليك
فيه حاجات زي القفص والكتاب ما تعبر عن الفكرة لو شلتيها ما تضر
عجبتني الألوان مرة ,, لقطة البنت حلوة ,,
الستوك رقم 7 مناسب للأحلام
دمج الخامة الكتابية وشكلها روعة ,, رغم إني ما أحبذ خامة كتابية وأكتب عليها خاصة لو انجليزي وعربي
تسلم يدك يا عسل
بالنسبة للاستبيان أذكري كل شيء خوووذي راحتك
وحركاتك لما تطبقي بعد البنات لاحظتها لأنك الدروس الولى كنت من الأوائل وبعدين لما بدأ الجد تقهقرت < يمديك عليها مدري ايش معناها
يعطيك العافية يا قمر والله يسعدك
موفقة ..
التقييم: ممتاز
--
كمكوم
حلوة الفكرة ,, يا ليت تكتب لنا زيارة ,,
عجبتني لقطة الولد لكن الصورة باين حدها من أسفل مستقيم
الخامات كثيرة مرة وكلها ملونة لو اكتفيت بوحدة
تمنيت لو إنك حاطة إضافات أكثر ,,
تسلم يدك يا قمر
والاستبيان
يعافيك ربي ما قصرت ,, وإن شاء الله تصيري مصمصمة محترفة ^^
التقييم: مقبول
--
همس 2010
أكثر حاجة متناسبة في التصميم البنت والكلام ,,
البنت الثانية بعيدة ومو ظاهرة ,, وزايدة على التصميم
الخلفية حلوة لكن مو لايقة على صورة البنت ,,
الكلام في وسط التصميم بحجم كبير يغطي ويكون شكله مش ولابد
رغم ان الشعر اللي فيه روعة
وفيه كتابة بالانجليزي على الخلفية ما شلتيها قبل ما تصممي
لو اخترت خامة أهدا تكون الوانها غامقة مناسبة لحزن التصميم وفي نفس الوقت تظهر صورة البنت والكلام
تسلم يدك يالغلا
بالنسبة للاستبيان
الله يسلمك ويعافيك ,, صراحة هدف سامي الله يكتب أجرك ويوفقك للي تطمحي له ,,
ما قصرت يا قمر ,, موفقة يا رب
التقييم: مقبول
--