حلاة البنت تطلع على طبيعتها بدون تكلف وتصنع وهذا المفروض
وغير كذا المفررررروض فقططططط الشاب يشوفها ويقرر بعد مايوافق وتوافق البنت
ذيك الساعه يتفضلون الأهل ..... أغلب الخطب تتفركش والسبب الأهل ورأيهم
الأم لها نظره والأخت لها نظره والأخت الثانيه بعد لها رأي وبكذا تتفكرش أم الشغله
وكنهم هم إلي بيتزوجون مو ولدددددددهم !!!!!!!
أي وحده تنخطب بنتها وتستقبل الحريم للخطبه تتحمل النتاااااايج !!!!
بعايلتنا ولله الحمد قطعنا ذا العاااااااده ولا يجي إلا الشااااااب فقط
رضو كان بها مارضو بسلامتهم والحمدلله دايم الأمور تتسهل إذا الولد فقط شاف البنت
أما إذا القبيله كلها جت تقيم الموضوع كله ينتهي ولا يصير شي سبحان الله !!

تصرف الام وبنتها مرا كويس وذا المفروض تسويه اي وحده
لاكن لا تنسى انو ذا كله قسمه ونصيب يمكن يكون خيره لها ويمكن كمان م ارتاح لها م له علاقه بالجمال والبس والمكياج ..
ذا رائيي :luvkiss:

ليش ماتجي الأم وتشوف زوجة الولد موب هي أمه ولازم تعرف
من بيناسبون وتتعرف عليهم وعلى أسلوبهم موشرط الجمال
للأسف اللي يشرطون يجي يشوف هو دايم تصير مشاكل لأنه الرجال غالباً بيستحي يرفع عينه
ويطالع وللاسف أهل البنت غالباً مايعطون فرصة تلقين أبوها قاعد في وجه الخاطب والخاطب
صعب يجلس يطالع وابوها موجود
والأم والأخوات غذا راحوا فهم رايحين أول شي يشوفون العروس وأهلها ويتعارفون وأصلا بيكون عندك خلفية عنهم وعن طريقتهم ولو شي بسيط وأنتي رايحة لهم اصلا على اساس أن المواصفات اللي ذكرت لك مناسبة للولد وإذا شفتي أنه زي ماسمعتي
ثم ينقلون الوصف للولد مو أعجبتني وما اعبتني بتقولين والله شكلها كذا وكذا وكذا عاجبتك إتصلت عشان تروح تشوفها ماعجبتك نعتذر منهم من غير ما نعرض بنت الناس للأحراج مع الرجال
وقدام ابوها وأخوانها
إحنا إنخطبنا كذا وخطبنا لعيالنا كذا
لأنه صعب كل شوي يجي واحد يتفرج أو ياخذها وهو ماشافها زين أو تكون هي متمكيجة زيادة
ويجي وقت الملكة أو الزواج وتطلع المشاكل
وعموما الدنيا قسمة ونصيب
أعرف كذا وحدة شافوهم أهل الخاطب وأنهبلوا عليهم بس الخاطب يوم شاف رفض
ماعجبته
وياليت كل وحدة تروح تشوف عشان تخطب
الأم والأخت والخالة واللي تروح لأمور الخطبة يجب عليها أن تتقي الله في بنات الناس
وتذكر وصف البنت الحقيقي مو اللي يعجبها أهم شيئ يكون يعجب اللي بيتزوج وحسب مواصفاته هذا الشكل
أما الأخلاق والسنع هذي عاد مافيها نقاش وكلن يشوف سناعة غيره بحجم سناعته هو
ومع ذلك إذا أنتي سنعة بقوة لا تفترضين كل الناس كذا لا إنتبهي
أهم شي تكون البنت تهتم بنفسها وفي بيتها إهتمام معقول وماتكون إتكالية
أما أنها تكون طباخة درجة أولى ونظيفة وسنعة عشرة على عشرة مو معقول

أولا اللي كاتبه ربي بيصير

ثانيا إحنا عوايد قبيلتي الخطبة تكون بين الرجال فقط و بعد النظرة الشرعية يشرفون الحريم

لأن الولد هو اللي بيعرس مو أمه و خواته

اشكركم جميعا لتفاعل والمشاركه 
وبصراحه عجبني جداكلام هدوء ليل صادقه في قالته انا عندي بنت بثالث ثانوي بس مافكرا ابدا اطلعها للولد اولايشوفها لان صراحه من حق الام تشوف بنتي قبل ولدها وكذالك انا اشوفها وتكلم معها وتتكلم معي ورأي الام له دور كبير اكيد بالموضوع وانا بعد اشوف نفسي لو عندي ولد بدور له عروسه ودي اكيد انا اشوفها قبل واتعرف على اهلها وعلي العروس هذي وجهة نظري وممكن تخالفوني فيها