نشكرك أختي شام على الموضوع ويتطلب تعصير المخ لجلب الأفكار
وأستفدت من ناحية فقدان الذاكره الفضيع الي أعاني منه
ولكي الشكر

اذا عندي عزيمه
بنظف البيت من قبل بيوم من العزيمه :3_2_8v: صحيح ان ما رح يضل شي على حاله الا ان الفوضى ممكن بسرعه تتركن اما البيت فاكيد رح يكون نظيف وهاد بيعطين راحه نفسيه وما بكون بقيان عليي الا الطبخ وبنفس هذا اليوم بنزل عالسوق بجيب الاغراض اللازمه للعزيمه
ويوم العزيمه بركن طاولة السفره من بكير مشان ما اتلبك بالامور الصغيره وبحضر الاغراض اللازمه للطبيخ مثلا بدي اطبخ طبختين فبحضر عالطاوله لوازم كل من الطبختين وهيك بيسهل عليي الشغل كتير
مثلا بدي اعمل ملوخيه بسلق الدجاج على بكير وبامن عليه وكمان بدي اعمل باطرش فبقلي اللحمه وبجهز الصلصه كمان مشان امن عليه وما اتلبك لما يجو الضيوف ومضيها بالمطبخ وهنن عم يتضحكو ويتسايرو وانا بالمطبخ كاني الشغاله عم حوص بالطبيخ :7_2_103v:
والحمدلله جربت هالشغله مرتين وبالمرتين كنت كتير مرتاحه وما عندي شغل لما يجو الضيوف ;)
بتمنى اني كون قدمت الفائده لكن :icon35:

بالنسبه للخضروات والفواكه
من اول ما بجيبهم من السوق بغسلهم فورا وبنشفهم مشان ما يعفنو وبحطهم بالبراد وهيك فورا بطالع اللي بدي اياه من البراد للترم او الاكل :)

مرحبا يا اوركيديا مرة تانية

طبعا الموضوع الدعوة اله مفتوحة
وكلما شاركتوا أكتر كلما بكون افضل وميت اهلا وسهلا فيك

فكرة السبع طبخات كتير ممتازة
بس أنا بلاقي سبع طبخات كتير على سبع ايام

كل يومين لازم طبخة .مو احسن .....؟؟؟؟
شكرا جزيلا

فلة وزهرة .طبعا بانتظاركما غالياتي

أختي بطة ..... ماشاءا لله عليك

انا هيك بحضر للعزيمة من قبل ححتى تلات ايام
وكلشي بده سلق أو فرح أو تحضير او لف يبرق أو فرم كبة بحضره قبل بيوم او يومين
وبخلي يوم العزيمة لطبخ الرز مثلا او الفريكة والملوخية .........الخ

بس ما عرفت شو هالاكلة اللي حكيت عنها : باطرش ؟؟؟

شو هي يا ترى
والبيت طبعا بده قبل بكم يوم
لكن يومها تلميع وترتيب فقط ويا دوبك تلحقي

اما غسل الخضراوات بصراحة بتكاسل عنها .لأكنها فكرة ممتازة وفي كم وحدة بعرفهم بيعلموا بطريقتك ......

ماشاءا لله حولك

فكرة للريجيم ......

مرة قرأت فكرة لإزالة الكرشة بقسم التجارب ونسيت اسم الكاتبة ....
والفكرة هي غلي كمون وشرب فنجان منه كل يوم صباحا

طبعا انا ما بحب الكمون بنوب
بس جربته .غليته وطبعا كان لازم يكون حب كمون
وخعصرت معه نص ليمونة وشوية ملح .وطلع طعمها كانه بليلة تبع الحمص

طيبة كتير بنفس الوقت بتريح البطن .....

كان عندي افكار تانية بس هلىء تبخروا كلهم

برجع ان شاءا لله