اهلين يا شام

فكرة حلوة تنفع اللي فيهن يحكوا على التيليفون
و نصيحتي ممكن تجيبي سماعة فيها شنكل بتصيري تشكليها بقطعة التياب اللي لابستها من ناحية الرقبة و لا كانك عم تحكي ساعتها


عندي فكرتين
الاولى
كل شي بدي اعمله بسجله على ورقة بحطها تحت مرمى بصري حتى شوفها على الرايحة و الجاية و بحط فيها كل شي من ترتيب خزاين و كوي و كل متعلقات البيت و بصير الشغلة اللي بعملها بشطبها بوصل للآخر و انا خالصتهم كلهم و هكذا دواليك


الفكرة التانية
وقت السفر(انا بعدني جيت مرة واحدة و لساتي ما رجعت لكن استعملها لزوجي) بسجّل على ورقة كل شي لازم حطه بالشنط و بصير بطّلّع بالورقة و بحط الاغراض
و لو كنت مريضة بحط الورقة لزوجي فما عليه الا انه يطّلع فيها و يحضّر اغراضه
حتى اتفه الامور كل شي و الحمد لله مساعدتني كتير لان ما بعود بتلبّك


و بس اتذكر شي برجعلكن ان شاء الله

مشكورة اوركيديا

وقت السفر ..... أنا كنت اعمل متلك

بس صرت اعمل شغلة تانية مشابهة

وهي أني صرت اجمع أغراض كل شخص لوحده واكتب شو حطيت بالشنطة

يعني اول شي بقوم بجيب غراض زوجي كلها من ملابس وأدوات حلاقة وكذا ...وبكتب على ورقة شو حطيت

وبعدين ولادي كل ولد لحاله بحطله راضه

وهيك لما بجي بفكر .يا ترى حطيت كذا .بتطلع بالورقة وبعرف الجواب الصحيح

وفكرة تسجيل الأغراض على ورقة .هي ما عم تزبط معي

بدي لازم اعملها واتعود عليها ضروري ......

افكاركم يا اخواتي لحقيبة السفر حلوه ماشاء الله عليكم
بس ياريت نساعد بعض باللوازم الرئيسيه للسفر سواء لك ايتها الزوجه او لزوجك او لابنائك
مشان تعم الفائده للجميع باذن الله

والله موضوع أكثر من رائع الله يجزيك الخير أختي شام بالنسبة لي أنا بحب أساليب التربية الحديثة وبالذات للي في عمر أولادي يعني تعليم الحروف والأرقام فصرت أرسم الحروف بأشكال الوجوه و فوقه أي رسمة تدل على الحرف مثل ت رسمة تفاحة\ وكمان ابني في صف روضة أولى لما المعلمة بتضع له ملصقات نجمة أو صورة أو أي شي عاملة له ورقة يأتي ويلصق عليها هذه الملصقات كنوع من التشجيع له وما شاء الله هذا الأسلوب حسيتو كتير مشي مع ابني \وصرت أي عمل يدوي يأتي به من المدرسة فورا أعلقو له كتير بيفرح وبينبسط وأخته صارت تغار منه وبدها تتعلم متلو وفعلا بدأت تحفظ معه القرآن والحروف والأرقام طبعا أخته السنة القادمة في روضة أولى يعني بهاي الطريقة مش راح اتعبني أبدا ان شاء الله

هذا اللي خطر على بالي الآن ان شاء الله لما يأتي على بالي أفكار جديدة راح نتواصل

موضوع رائع لي عودة باذن الله