ماشاء الله موضوع قمة الجمال والفائدة

انا رح اكتبلكم عن تجربتي مع اولادي لكن لاني رح اكتبها بالتفصيل فرح ااجلها شوي

والان رح اكتبلكم عن تجربة مريت فيها في المدرسة مع طفلة فقدت مدرستها

الطفلة هادي كانت كتير متعلقة بمدرستها وفي يوم تزوجت هادي المدرسة والطفلة حضرت العرس وطبعا المدرسة استقالت من المدرسة فكان يوم مجيء الطفلة على المدرسة يوم عصيب جدا لانها عرفت انها ما رح تشوف المدرسة اللي حبتها في هذا اليوم


فصارت تبكي وتبكي وما رضيت تدخل صفها ولا توقف في الطابور ولا تدخل القسم كله

المهم المدرسات كلموها وهدوها وهي ابدا بتبكي بس

فرحت لها وقلت إلها مالك يا غراء ؟؟ ما ردت علي طبعا كانت زعلانة على الاخر

فحكيتلها غراء رح احكيلك هالقصة فحسيتها انتبهت علي

وهي في الواقع قصة حصلت معي ومع بنات صفي لما كنا في السادس الابتدائي

حكيتلها لما كنا صغار كان عنا مدرسة بنحبها كتير كتير وفي يوم من الايام ترفعت المدرسة لتدريس الاعدادي فزعلنا عليها كيتر كتير وصرنا نبكي لكن احنا ضلينا نتصل فيها ونزورها وهي ما نسيتنا وتتصل هي فينا كمان وضلينا على اتصال في بعض ولا حدى منا نسي التاني

بعدين الطفلة سكتت وحست إنه الكلام موجه إلها وانبسطت ومن يومها ما شفتها بتعيط

بارك الله فيكن أخواتي

جميل جدا ما ذكرتنه

جزاكن الله خيرا

بطة عزيزتي

يمكن في مواضيع كتثيرة بتتحدث عن لوزام السفر وتحضير الشناتي

لكن إن شاءا لله نرتب موضوعا يشمل كل شيء بما فيهم ما ذكرته انت

ولكن حتى تتحسن خاصية البحث فلا نستطيع الحراك بدونها

شام موضوعك رائع كالعادة


ان شاء الله ارجع له قريبا واعذروني على قلة المشاركات

موضوع حلو كثير

عندى بعض الافكار من ناحيت الاعما ل المنزلية ما استغنى عن الجدول اليومى الاسبوعى الشهرى مريح كثير كنت دئما يتعبنى تنظيف الفرن يوميا والان الحمدلله ارتحت شوى انظفة تمام
واعمل لة قصدير كامل الامنيوم واحافظ علية واقعد ثلاثة او ارعة ايام وانا مرتاحة من تنظيفة
وعندما يتسخ اشيل القصدير وامسحة مسح خفيف واردة مرة ثانية

من ناحية غسل الصحون
اكيد طريقة كلكم تعرفوها بس فية بنات اعرفهم يفتحو حنفيت المى ويغسلو بهذة الطريقة ما ينظف
كويس اخذ وعاء كبير واملية ماء حار وصابون واخذ الاسفنجة واهم شىء الليف الاخضر حلو
كثير لما اخلص اخذ وعاء واعبية ما نظيف واغسلهم ولو احتاج الامر اصفيهم شوية من الحنفية

بنسبة لريحة البيت هذة الطريقة اخذتها من المنتدى

نحط الريحة على الابجورات تطلع حلوة كثير مع ان انا ما استغنى عن البخور ابدا وفية ريحة حلوة
كثير وماهى غالية رايحتها تجنن احطها احينا على الكنبات عندما تجلسى تنشم انشالله احط صورتها

هذا الى اذكرة الان انشالله لى عودة

احكيلكم تجربتي مع اولادي

اولادي الله يخليهم اربعة ما بين ست سنوات إلى سنة وتسع شهور

طبعا في كتير من الاوامر ما الهم علاقة فيها زيهم زي اي اطفال ما بيسمعو الكلام

فانا فكرت بطريقة ما تخليني كتير استخدم الضرب لاني وزوجي بنرفض فكرة التأديب بالضرب

ففكرت بطريقة الاتفاقيات

فصرت كل ما بدي منهم شي احكيلهم يلا نتفق شو رايكم بكذا وكذا .... بالاخر اقولهم اتفقنا يحكولي ايوة اتفقنا

واللي بخل بالاتفاق له عقوبة سواء انا او هم

طبعا الامر لا يخلو من اخلال بالاتفاق من طرفهم لكن انا بذكرهم بوعدهم إلي

مبارح مثلا رفض ابني الوسط ان يعطي السيكل لابني الصغير فحكيتلو يا عبدالله شو رايك نتفق إنك تلعب 10 مرات بعدين تعطي اخوك اتفقنا حكالي اتفقنا طبعا بعد العشر مرات صار في اخلال في الاتفاق فذكرته شو اتفقنا يا عبدالله بعدين اعطى لاخو

طبعا هادي الطريقة علمت الاطفال الانضباط وعلمتهم الاعتماد على النفس وتحمل المسؤولية

شغلة تانية اولادي لما بيوقعو ولا بينضربو ولا اي شيء انا ما بهتم فيهم متعمدة علشان يعتمدو على حالهم في تدبير امورهم عند المشكلات فصار الواحد فيهم لما بصيرلو شي بقوم بتوجع شوي وخلص

وفي الجعبة المزيد فإلى لقاء