كيف حالكم يابنات الواحه ؟؟؟:)
المهم ندخل في الموضوع على طول
وانا جالسه ابحث في النت عن موضوع لبنتي متعلق بالبر ...واشوفلكم شباب من هواة الصيد
يتكلمون عن الكشتات وطلعات البر.......والله ذبحوني من الضحك :hahaha:
ما قدرت اشوف الشاشة من الدموع
مواضيعهم رهيبه وعجيبه .....هههههههه
انا بصراحه ذبحتني طريقة الشاهي ;)
بحط لكم طريقة الشاهي والردود :laughing:
المهم العضو اسمه الدب
المدوخل........يعني شاهي بس بطريقة الدب
--------------------------------------------------------------------------------
السلام عليكم ورحمة الله وبركاته
صلى الله عليه وسلم
هذاالله مير يسلمكم اخذ هالاسم مدوخل من طعمه
المدوخل هو الشاهي الي داخل طعم سكره على طعم شاهيه على طعم ماوه
يعني لا تقول الشاهي طاغي والا السكر طاغي والا هو باهت
متداخل ببعضه علشان كذا سميناوه مدوخل.......
ومن شروطه انه يشرب ببريدزه لين يقضي وشرط مايتغير طعمه لين يقضي الشاهي لو يصير بجنب الضو لمدة ساعتين متواصله
المقادير....مقادرير ياقلب العناء مقادير<===مدمن طلال
اول شرط يصير البريق مثل البريق الي بتوقيع فرد حمزه بس الاخ فرد شكله مفوحن بالبريق قهوه تقل يوم برقت بالبريق حسيت انه يفوح به قهوه
الشاهي ربيع ورق والسكر خشن والماء صحه
قبل كل شي نحط البريق بالماء لين يفوح واذا فاح حطينى به السكر همن لا قلب قلبه وحده سكره فهدزنوه عن النار وكبيناالشاهي همن غطينا اثمه ببياله وتركناه يتلين بجنب النار لمدة ثلث ساعه همن ادعج بياله وادع لي
والله ان اتطقطقط الشويهي وتسنك تشرب بقسماط من زينه
ايه نسيت يجين واحد ويقول وشلون اقيس الشاهي والسكر اقول له وانا شايف بريقك
مادري عنك حسب البريق اهم شي انك ماتكثر الشاهي الورق والا تخففه علشان مايعقد الشاهي
والردود:hahaha:
أبغاك تعلمنا عن طريقة الشاهي المظوهر:biggrin2:
وش الحكمه من تغطية اثم البريق ببياله :biggrin:
الشاهي المظوهر
هو الشاهي الي تشربه بالقايله
الى منك لبده وترست كريشك من هالنثريه
جب شاهي ولبه انت وخوياك وطبعا سموه مظوهر لانه يشرب الظهر والا هوة شاهي مثل اي شياههههيييينييين بالدنيا
وشو مظوهر ........انت تطنز بطبختي
يقاله معصب
الحكمه
الحقيقه مافيه حكمه بس ديكور..............................بريق مطعج مع كلجه ويقول ديكور
يعني لمنك شفت البريدز مغطاء اثمه ببيالة شاهي بس مجرد انك ترفع البياله وتصب مو تقعد ساعه تصارخ عطون بياله
وبعدين تضمن مايجي شي طاير ويصلق بوسطة اثم البريق تعرف الهواش اذا شافت النار فز قلبه جت تمشي مليون تهشه تبيه تبعد وهي مصممه الى تدخل النار مثل الكثير من بني ادم خله تدخل النار بس غط اثم البريق علشان ماتدخل
مو احيانا لا شربت شاهي تحس ان طعمه تقل طعم خنفساء.........:hahaha:
وعجبني هذا السؤال والردود:)
ماهو الشئ اللي يوضع بالرز حتى يصير أبيض ؟
أريد أن أستفسر عن الشي اللي يوضع بالرز حتى يصير أبيض ؟
لأنه أحيانا أضع بهارات كثيرة ويميل لون الرز للأسود
ولكن إذا طلعت مع شباب يعجبهم الشغل لكن يقولون لون الرز ليته يصير فاتح شوي
حقيقة جربت أمس : ووضعت نصف كاس لبن مع كبسة تكفي لـ 8 أشخاص . ولاحصلت ذاك الفرق
هل فيه حلوووووووول ؟
انا اشوف ان الطماط والصلصه هي الي تأثر على الرز بطريقه قويه تخليه احمر ..
ولا تكثر بهارات
ولا تحمس البصل لين يقلب اصفر
والله اعلم
تراها لم تصدر من تجربه ههههههههههههه
************************
<< الحل عندي وانا ابو هندي
وانا اخوك فيه ( ماجي ابيض ) استخدمه وابعد عن ( الصلصة ) وراح تدعي لي ان شاء الله.
***************************
جرب الخل ههههههههههههههههههههههههههههههه
************************
انا اقول ومجرب اذا تبغى الرز يكون ابيض حط الرز بالقدر مع الماء فقط ورشه ملح حسب الذوق
**********************
حاول استعمال بهارات عدلة (غير مطحونة)
يتبع
ليش طبخ الرجال الذ
اذ طبخ الرجل والمرة نفس الطبخة
ليش
تطلع طبخة الرجل الذ واشهي
سبحان الله انا لاحظت هالملاحظة شو راي الشباب
وشو السر في نظركم
الردود:)
هلا اخوي تبي رايئ (( الحريم الي يطبخون راحو مابقا الا جيل الهمبرجر والبيتزا )):30:
*************
نفس الرجال يا خوك اطيب من نفس الحرمه في الطبخ ..
وزيل ما قالو الشباب الرجال ما يطبخ عادة الا في البر .. بس اذا طبخ طبخ .
ومشكور على الموضوع المميز
***********************
لا
بس هي حالة نفسية
وشوف طبخ امك احسن من طبخ زوجتك ؟؟؟؟؟؟؟؟؟ يعني تفضلة على طبخ زوجتك:42:
********************
انا رايي مثل راي الشباب مايختلف وهو ان المرأه صارت عاده عنده كل يوم نفس الطبخ لكن خله تسفهل وتستانس وتغير الطبخ تبي تشوف بلاوووووي
والبر على فكره الواحد ياكل ونفسه مفتوحه للأكل عكس الديره يعني يبي يطلع اطعم
**********************
ألة مهيب طبخ الرجال:arb: والا طبخ الحريم المسألة هي الطبخ بالبر يعني الأكل اذا سوي بالبر يطلع له طعم غير والله لو يصير اندومي
لانه فرق بين اكلك بين الشعبان والرمال والهواء الطلق وبين الاكل بالمقلط
لاكن مانقول الا الله لايحرمنا من حريمنا وطبخهن:2thmup:
***********************
صحيح المكان له دور . لكن تقولون ليش الذ . اكيد يبي يكون الذ لأن االرجاجيل واقصد حنا بالبران نطبخ بمزاج وهوايه بس الحريم بالبيت يطبخن غصب . خل نجي من الدوام والغداء مهوب جاهز .:30:
********************
--------------------------------------------------------------------------------
لوتروح وتجي مافيه احسن من طبخ الحريم:icon18:
*******************
--------------------------------------------------------------------------------
طبعاً طبخ الرجل أزين ليه ..
لأن الحرمة إذا طبخت حاست المطبخ الي يشوفها يقول طابخه ديناصور
وبعدين تبلشك جب معك كذا نقص كذا
وقل شوي تقول والله ياني طابخه طبخه
اللي يشوف يقول هاذي أخر أكله بحياتك
أنا الصراحة المعزبه طباخة من درجه أولى
لكن أنا بعد أطبخ طبخ ممتاز .. بس بصراحه الرجال طبخهم ما فيه تكليف وفيه لذة غريبه .
******
--------------------------------------------------------------------------------
باعتقادي ....
الرجل ان طبخ يطبخ بمزاج لانه يحب الشئ هذا وغير ملزوم فيه اما الحريم جزاهم الله خير هذا واجب عليهم ( وان كان هالايام مافي مره تطبخ الا ماندر ) بس من مسؤلياتها رضت او ما رضت ...
علما بان امهر الطباخين والشيفات العالميين المشهورين فى الفنادق كلهم رجال .
يتبع