السلام عليكم
انا اشوف ان تعامل المعلمة للطالبات راجع لشخصيتها وتربيتها ( اقصد المعلمة )
يعني اللي تعامل الطالبات بأستهزاء وتحطم معنوياتهم غالباً هي تعامل أولادها نفس المعاملة ( وايضاً تراكمات نفسية )
والرحمة شي من الله يعني لوسوينا ألف دورة ومحاضرة مانقدر نغير شخص ماعنده استعداد للتغيير
( تزول الجبال ولا تزول الطبائع ) (ان الله لايغير مابقوم حتى يغيروا مابأنفسهم)
واعتقد ان الشخص حتى لو ماهو معلم لازم يقرأ في كتب التربية فاحيانا فيه اساليب خاطئة نستخدمها حتى مع أولادنا * * خاصة التجريح والتهكم له آثار نفسية سيئة
اما ماينشر بين فترة والثانيه من مواقف سيئة لبعض المعلمات بعضه يحتمل المبالغة ويتم تسليط الضوء على النماذج السيئة فمقابل كل موقف سيئ هناك مئات المواقف الحسنة
فأنا مازلت اذكر بالخير كثير من المعلمات اللي لهم فضل علي وابذل جهدي حتى يذكروني طالباتي بالخير
ودمتم بسلام
صافيــ الروح ــة
السلام عليكم
انا اشوف ان تعامل المعلمة للطالبات راجع لشخصيتها وتربيتها ( اقصد المعلمة )
يعني...
من رفقة السيئة ومن الخدامات ولا من المعلمات ... الله المستعان ..
انا ام لكن بنتي بعدها صغير والسنة اليايه بتكون اول سنة الها ... لكن واااايد خايفه عليها ،، ويوم اقرى هالمواقف يزيد خوفي ..
صدق ان على الوالدين مسؤولية كبيره ابدا ما تنتهي .. الله يعينا وياكم ان شالله
لكن انا عندي تعليق للمدرسات اللي يشوفن هالمواقف السيئة ومعترضين عليها ،، ليش ما تتكلمون ليش ما تشتكون للوزارة .. واذا ما نفع ،، عندكم فالسعودية هيئة الأمر بالمعروف والنهي عن المنكر ،، ليش ما تتواصلون معاهم وتنقلون لهم الصورة اللي صاير جيه ..
اتمني يكون هالحل مناسب لمشاكل الطلبات مع المدرسات لان هذي مسؤولية كبيره على عاتقكم ولازم ما تسكتون عنها .. تخيلو لو هاي الطالبة كانت بنت من بناتكم كيف بيكون موقفكم وشو بتسون ..
الله يعينا ان شالله عالخير ويوفقكم وايانا الى ما فيه الخير لنا ولأبنائنا